အရေးပေါ် ရောက်လာတဲ့အခါ

         မနက်ပိုင်းအဝတ်အစားလဲပြီးဆေးခန်းသွားမလို့ရှိသေးတယ်။ တပည့်ကျော်ဆီက လူနာရောက်နေကြောင်းဖုန်းလှမ်းဆက်လို့ အမြန်ပြေးရသေးတယ်။ ဟိုရောက်တော့ လူနာကခွေခွေလေးလှဲနေတယ်။ ဘေးမှာအမျိုးသမီးနှစ်ယောက်၊ သုံးယောက် ဝိုင်းနေကြတာ၊ ဘာများဖြစ်လို့လဲဆိုပြီး မေးကြည့်တော့ ဆိုင်ကယ်လဲလို့တဲ့။ ရုတ်တရက် ဘရိတ်အုပ်လိုက်တော့ အရှိန်မထိန်းနိုင်ဘဲ လဲသွားတာ။ ကြည်လိုက်တော့ လူနာက မှိန်းနေတယ်။ တချက်တချက်ပျို့သလိုဖြစ်တယ်။ ခေါင်းခိုက်မိသွားပုံရတယ်။ မေးကြည့်တော့လဲ

ဦးခေါင်းနဲ့မြေကြီးဆောင့်မိတယ်လို့ ဆိုတယ်။ တပည့်မကိုလည်း စိတ်ထဲမှာကြိမ်ဆဲမိတယ်။ ခေါင်းခိုက်မိတယ်၊ လူနာကမှိန်းနေတယ်ဆိုကတည်းက emergency အရေးပေါ်အနေနဲ့ ဆေးရုံလွှဲရမှာ။ accident တိုင်းလွှဲရမယ်မဆိုလိုပေမယ့် ခေါင်းခိုက်မိတဲ့ဘယ်လူနာမဆို ဆေးရုံလွှဲသင့်တယ်။ ဆေးရုံမလွှဲခင် သွေးပေါင်ချိန်နဲ့ သွေးခုန်နှုန်းတိုင်းကြည့်တော့ ပုံမှန်ဘဲရှိသေးတယ်။ ဒါနဲ့ ဦးခေါင်းကို အကြီးစားဓာတ်မှန် ရိုက်ဖို့လိုတယ်။ ဆေးရုံသွားပါ။ လိုအပ်သလိုဆက်လုပ်သွားပါလိမ့်မယ်ဆိုတော့ ဆေးရုံက ဘာဖြစ်တယ်၊ ညာဖြစ်တယ်၊ ကြာတယ်ပေါ့။ ကဲဒါဆိုလည်းပုဂ္ဂလိကဆေးရုံ သွားပါဆိုတော့လည်း ဟိုလိုလို ဒီလိုလို လုပ်ပြန်ရော။ ဒီမှာဘဲဓာတ်မှန်ရိုက်ပြီးက ကုသပေးပါလို့ဆိုလာတယ်။ ဒီလိုပြဿနာတွေဟာ ဆရာဝန်တွေ အမြဲကြုံတွေ့နေရတဲ့ ပြဿနာထဲကတစ်ခုပါဘဲ။ ဆေးရုံဆိုရင် မသွားချင်သူကများတယ်။ သူတို့ မသွားချင်တာလည်း မှန်သင့်သလောက်မှန်ပေမယ့် မတတ်နိုင်တဲ့အဆုံး သွားရမှာဘဲလေ။ နောက်တချက် လွှတ်တယ်ဆိုတာလည်း ပြင်ပဆေးခန်းတွေအနေနဲ့ မတတ်နိုင်တဲ့အတွက်လွှက်ရခြင်းသာဖြစ်ပါတယ်။ အကြီးစားဓာတ်မှန် (CT,MRI) တွေ ရိုက်ရမယ်။ လိုအပ်တဲ့ ဆေးကုသမှု့တွေ လုပ်ရမယ်။ လိုအပ်ရင်ခွဲစိတ်ရမယ်။ ကျွမ်းကျင်တဲ့ အထူးကုဆရာဝန်တွေလိုလာမယ်။ ပစ္စည်းစုံလင်မှုက အစနေထိုင်ဖို့ပါ လိုလာမယ်။ နောက်တချက်အရေးကြီးဆုံးအချိန်ဘဲ။ ထိခိုက်ဒဏ်ရာရပြီး သွေးထွက်လွန်တာမျိုး၊ နှလုံး၊ ဦးနှောက်အစရှိတဲ့ အင်္ဂါအစိတ်အပိုင်းတွေမှာ အချိန်က အလွန်စကားပြောတယ်။သာမန်တစ်မိနစ်က လူ့တစ်သက်ဖြစ်သွားမယ်။ ဒါကြောင့် ဒီလိုအရေးကြီးတဲ့ကိစ္စတွေမှာ ဆရာဝန်တွေညွှန်ကြားတာကို မြန်မြန်ဆန်ဆန် လုပ်ဆောင်သင့်ပါတယ်။ ဒါလဲလူနာရှင်ကမသွားသေးဘူး။ ဘာပြောလဲဆိုတော့ “ ဆရာရယ်သွားတော့သွားပါမယ်၊ ကြို့ထိုးတာလေးတော့ပျောက်အောင်လုပ်ပေးပါဦး” တဲ့။ ဒုက္ခဘဲ။ အရေးမပါတာကို အရာလုပ်နေတယ်။ ကြို့ထိုးတာဟာ သာမန်အစာအိမ် နဲ့အူလမ်းကြောင်းက ဖြစ်တာမဟုတ်ဘဲ ဦးနှောက်ထဲတွင် ဖိအားများနေသည့် သဘောသာဖြစ်ပါတယ်။ အဓိကပြဿနာဖြစ်တဲ့ ခေါင်းထဲရှိဖိအားကို လျှော့ချနိုင်မှသာ ပျို့ခြင်း၊ ကြို့ထိုးခြင်းဟာ သက်သာသွားမှာဖြစ်ပါတယ်။ သာမန်ပေးနေကျ ကြို့ထိုးပျောက်ဆေးများနှင့် သက်သာမည်မဟုတ်ပါ။ ဒါ့အပြင် အရေးကြီးသော အချိန်တို့ကိုလည်း အလဟဿမကုန်ဆုံးစေချင်ပါဘူး။ သွားစရာရှိပါက ချက်ချင်း သွားသင့်ပါတယ်။ ဆေးရုံရောက်လျှင်လည်း စမ်းသပ်ချိန်နှင့် ရောဂါရှာဖွေချိန်တို့ နှုတ်လျှင် အမှန်တကယ်ကုသမှု့ခံယူရချိန်က နည်းပါးသွားနိုင်ပါတယ်။ နောက်လူနာတစ်ယောက်က ခေါင်းခိုက်မိလို့ ဆေးရုံတတ်ပြီးဆင်းဆင်းချင်းလာပြတာ။ တစ်လလောက်တော့ကြာပြီထင်ပါတယ်။ ဆေးရုံဆင်းဆင်းချင်း၊ မိတ်ဆွေ တစ်ယောက်အကူအညီနဲ့ လာပြတာ။ လူနာကဆေးရုံကဆင်းလာပေမယ့် မသက်သာဘူးထင်လို့လာပြတာပါ ဆေးရုံကလောလောလတ်လတ်ဆင်းလာတဲ့ လူနာရဲ့အခြေအနေမှာ အားရဖွယ်မကောင်း၊ လမ်းမလျှောက်နိုင်သလို၊ ခေါင်းလည့်ဖို့ ပင်မလွယ်ဘူး။ စကားမပြောနိုင်၊ တံတွေးမြိုတာတောင် ခက်ခဲနေသေးတယ်လို့ ဆိုပါတယ်။ ဆေးရုံက လောလောလတ်လတ် ဆင်းလာတော့ပြန်တက်ဖို့လည်း ခက်သေးတယ်။ ဘာဆက်လုပ်ရမလဲ။ အိမ်မှာကုရင်ပျောက်ကင်းနိုင်မလားလာပြတာ။ ပုံစံကြည့်ရသည်မှာ ဆေးရုံမှတစ်ပါးအခြားသင့်တော်ရာနေရာမရှိဟုကောက်ချက် ချမိတယ်။ ဆေးရုံကြီးချက်ချင်းပြန်တတ်ဖို့ခက်နေရင်း ပုဂ္ဂလိကဆေးရုံကိုဘဲ တင်ဖို့ပြောရသည်။ ကံကောင်းသည်က ဆေးဝါးစုံလင်မှု့မရှိဟုဆိုကာ ဆေးရုံကြီးသို့ ပြောင်းပြီးတင်လိုက်ရသည်။ လူနာလည်းခေါင်းကိုခွဲစိတ်ပြီး မကြာမီသက်သာသွားသည် ဟုကြားသိရသည်။ နောက်ထပ်တွေ့ရသည် လူနာတစ်ဦးကတော့ ကလေးငယ် တစ်ယောက်၊ ဒီတစ်ယောက်က ဆေးခန်းမှာမဟုတ်ဘဲ အမျိုးအိမ်အလည်သွားရင်း တွေ့ရတာ။ စတွေ့တွေ့ခြင်း ခြေထောက်ထော့နဲ့နဲ့ဆိုတော့ ဘာဖြစ်မှန်းမသိ။ မေးကြည့်တော့ ကလေးငယ်မှာ ခြေထောက်ကိုခိုင်းမိဖူးတယ်။ သူ့စိတ်ထဲမှာ နာတာကြီး စွဲနေလို့ ထော့နဲ့နဲ့ဖြစ်နေတာတဲ့။ ဒါနဲ အနီးနားဝန်းကျင်ကို အလည်အပတ် သွားတော့ ကလေးငယ်လေးပါ အတူပါလာတယ်။ သွားရင်းလာရင်းနဲ့ ကလေးငယ်မှာ မြေကြီးနဲ့ခြေထောက်ထိမိတိုင်း မျက်နှာမဲ့မဲ့ သွားတတ်တာသတိထားမိတယ်။ သူက ဖြစ်တဲ့ခြေထောက်ကို သိပ်အသုံးမချဘဲ တခြားခြေထောက်နဲ့ အားပြုသွားနေတော့ ထော့နဲ့နဲ့လေးဖြစ်တာပါ။ သွားတာမြင်ပါများလာတော့ စိတ်ထဲမှာထင့်လာတယ်။ ကလေးကိုနဲနဲပါးပါးစမ်းသပ်ကြည်အုံးမယ် ဆိုပြီးစမ်းသပ်ကြည့်တော့ စိတ်ထင်နေခြင်းကြောင့်ဖြစ်ဟန်မတူ။ အရိုးမှာဒဏ်ရာရှိပုံရတယ်။ ခြေထောက်ခိုက်မိပြီး ကတည်းက ဓာတ်မှန်လည်းရိုက်ပုံမပေါ်ဘူး။ ဒါနဲ့မပြန်ခင်ကလေးမိဘတွေကို မှာရတယ်။ ဓာတ်မှန်ရိုက်ဖြစ်အောင်ရိုက်ကြည့်ပြီး ဆရာဝန်နဲ့သေသေချာချာပြပါ။ လိုအပ်ရင်ကျောက်ပတ်တီးစည်းဖို့လိုလိမ့်မယ်။ သိပ်မကြာပါဘူး။ သူတို့က ဖုန်းဆက်ပြီး အကြောင်းကြားတယ်။ ဓာတ်မှန်ရိုက်ကြည့်တော့ အရိုးအက်နေတာ တွေ့လို့ ကျောက်ပတ်တီးစည်းလိုက်ရတယ်။ သိပ်မကြာခင်က အိမ်လာလည်တော့ မြူးထူးပျော်ပါးဆော့ကစားနေတာတွေ့ရတယ်။ အနှစ်ချုပ်လိုက်ရင် ဘာတွေ့ရလဲ။ နံပတ်တစ် အရေးပေါ်ကိစ္စမှာ ဆရာဝန်ခိုင်းတာကို အမြန်ဆုံးလုပ်ဆောင်ပါ။ နံပတ်နှစ် ဒွိဟဖြစ်ရာကိစ္စကြုံကြိုက်လာပါက ဆရာဝန်ရဲ့အကြံဥာဏ်ကိုယူပါ။ နံပါတ်သုံး ထိခိုက်ဒဏ်ရာရသောမည်သည့်ကိစ္စမဆိုသေးငယ်သည်ဟုသဘောမထားပါနှင့်။ ဆရာဝန်နဲ့ပြသပြီးလိုအပ်သော စစ်ဆေးကုသမှု့ကို ပြုလုပ်ပါ။ ဆေးရုံတတ်သင့်ပါက အမြန်ဆုံးသွားရောက်သင့်ပါတယ်။သာမန်အချိန်များတွင် မသိသာသော်လည်း emergency လိုအရေးပေါ်ကိစ္စများမှာ မိနစ်ပိုင်းကပင်စကားပြောတတ်ပါတယ်။ နှလုံးအထူးကုဆရာဝန်တွေအမြဲပြောတတ်တဲ့စကားတစ်ခွန်းရှိပါတယ်။ M သုံးလုံး နဲ့မှတ်ပါတယ်။ minute means muscle တဲ့။ မိနစ်ပိုင်းနောက်ကျသွားတာနဲ့ ပျက်စီးသွားတဲ့ ကြွက်သားတွေ အစားပြန်မရတော့ဘူးဆိုတဲ့အဓိပ္ပါယ်ပါပဲ။ မြန်မာတွေပြောတတ်ကြတဲ့ ပြင်လို့မရတဲ့ အချက်သုံးချက်ထဲမှာ နောက်တစ်ချက် ထည့်သင့်တယ်ထင်တယ်။ နှလုံးတို့ဦးနှောက်တို့ဆိုတာအလွန်အရေးကြီးပါတယ်။ မနက်တိုင်းဟာလည်း အလွန်တန်ဖိုးရှိပါတယ်။ ဒီတော့အကျိုးရှိတဲ့အချိန်တွေကို အလဟဿမဖြုံးတီးဖို့က မိမိတာဝန်သာဖြစ်ပါတယ်။ သိပ်အရေးကြီးတဲ့ကိစ္စတွေမှာ ဆေးခန်းမှာ အချိန်ကုန်မခံဘဲ ဆေးရုံသို့တိုက်ရိုက်သွာပါ။ အချို့ဆေးခန်းတွေမှာ ရေးထားတာသိပ်ကောင်းတယ်။ “အရေးကြီးလျှင်ဆေးရုံသို့သွားပါ” ဆိုတဲ့ စာတန်းမျိုးတွေ၊ ဒွိဟဖြစ်စရာကြုံလာတဲ့အခါ နီးစပ်ရာဆေးခန်းကို အမြန်ဆုံးပြသပြီး ဆရာဝန်ရဲ့အကြံဥာဏ်ကိုယူပါ။ ပြီးရင်အမြန်ဆုံးလိုက်နာဆောင်ရွက်ဖို့တိုက်တွန်း ပါရစေ။

 သိထားသင့်သောအရေးပေါ်အခြေအနေလက္ခဏာရပ်များ

၁။       ရုတ်တရက်တကိုယ်လုံးပြာနှမ်းပြီး ဖြူဖတ်ဖြူရော်ဖြစ်လာလျှင်၊

၂။       ရုတ်တရက်အသက်ရှုကျပ်ပြီးအမောဖောက်လာလျှင်၊

၃။       ရုတ်တရက်နှလုံးခုန်(သို့)အသက်ရှုရပ်သွားလျှင၊် ရှေးဦးစွာ အရေးပေါ်အသက်ကယ်နည်းနဲ့ပြုစုကုသပါ။

၎။       ရုတ်တရက်တတ်ပြီးသတိလစ်သွားလျှင်၊

၅။       ဒဏ်ရာရပြီးသွေးအလွန်အကျွံထွက်လာလျှင်၊

၆။       အဆိပ်ရှိသတ္တဝါများအကိုက်ခံရလျှင်၊

၇။       ဦးခေါင်းပြင်းထန်စွာခိုက်မိလျှင်၊

 အထက်ပါအခြေအနေများဟာ အရေးပေါ်ဆေးရုံသွားရမယ့်လက္ခဏာတွေဘဲ ဖြစ်ပါတယ်။ ဆေးရုံနဲ့ အလှမ်းဝေးတဲ့အခါ အနည်းဆုံး နီးစပ်ရာကျန်းမာရေးဌာနသို့ ဆေးခန်းများမှာသွားရောက်ပြသသင့်ကြောင်း အကြံပြုတင်ပြလိုက်ရပါတယ်။

ဒေါက်တာ အေးမင်းထူး

Health Care Journal(18.5.2012)