ပိန်သွားတာ။ နောက်ဆုံးတော့ ဒီလောက်ပိန်တော့လည်း ကြည့်မကောင်းပါဘူးကွာ ဆိုပြီးတော့ အစားလေးဘာလေးပြန်စား ပြီး ဝိတ်ဖြည့်ရပြန်တယ်။ အခုချိန်ထိ ချထားတဲ့ ဝိတ်ကို တက်မလာအောင် တတ်နိုင်သမျှ ထိန်းခဲ့ရတယ်။ အခုလည်း ဝ်ိတ်ချချင်သူ ရွှေမြန်မာတွေအတွက် ဝိတ်ချနိုင်တဲ့နည်းလမ်းတွေ၊သီအိုရီတွေကို စာတွေ့နဲ့ ကိုယ်တွေ့ နှိုင်းယှဉ်ပြီး ရေးသားတင်ပြပါ့မယ်။
ဝိတ်ချမယ်လို့ ပြောလိုက်တာနဲ့ လူတွေပြေးမြင်လိုက်တာက ပိန်ဆေးဖြစ်ပါတယ်။ ဒါလည်း မထူးဆန်းပါဘူး။ လူ့သဘောက ပျင်းတတ်တယ်။ လှုပ်လှုပ်ရှားရှား လုပ်ရမယ်ဆိုရင် ဘာတခုမှမလုပ်ချင်ဘူး။ ဥပမာ အနီးအနားက ဈေးဆိုင်ကို ပစ္စည်းတခု သွားဝယ်မယ်ဆိုပါတော့။ ဆိုင်ကယ်၊ကား စတာတွေနဲ့မှ သွားချင်ကြတာ မဟုတ်လား။ဝိတ်ကျချင်တယ်ဆိုရင် ဒီလိုအသေးစိတ်အမူအကျင့်တွေကအစ ပြောင်းရမှာ ဖြစ်ပါတယ်။ သွားတဲ့အခါ ဖြစ်နိုင်သမျှ လမ်းလျှောက်သွားပါ။ ဟုတ်ပြီ။ ဒီလို လမ်းလျှောက်လိုက်လို့ တကယ်ရော ထူးခြားမှာလားဆရာလို့ မေးစရာရှိပါတယ်။ သိပ်ကို ထူးခြားပါတယ်။ လမ်းလျှောက်ခြင်းအားဖြင့် ရရှိနိုင်တဲ့ အကျိုးရလာဒ်ကို တွက်ပြပါမယ်။
အားလုံးသိတဲ့အတိုင်း တမိုင်မှာ ၅၂၈၀-ပေ ရှိပါတယ်။ တမိုင်ရှိတဲ့ အကွာအဝေးကို လမ်းလျှောက်ဖို့ ခြေလှမ်းပေါင်း (၂၀၀၀)ကျော်လှမ်းရပါတယ်။ အဲဒီလို တမိုင်(ခြေလှမ်း ၂၀၀၀ကျော်)လမ်းလျှောက်မှ ကုန်ဆုံးတဲ့ ကယ်လိုရီက (၁၀၀)ပဲ ရှိပါသေးတယ်။ အလေးချိန်ပိုများ၊ပိုဝရင်တော့ ကယ်လိုရီခပ်များများ (၁၃၀)လောက် ကုန်မှာပေါ့။ တွက်ကြည့်ရင် ခြေလှမ်း(၂၀)လမ်းလျှောက်မှ ၁-ကယ်လိုရီပဲ ကုန်ပါသေးတယ်။ ဒီအချက်က အရေးကြီးလို့ သေချာလေးမှတ်ထားပါ။
အထက်မှာပြောခဲ့သလို အနီးက ပေ(၃၀၀)လောက်ပဲဝေးတဲ့ ဆိုင်တဆိုင်ကို သွားမယ်ဆိုပါစို့။ ခြေလျင်သွားမယ်ဆိုရင် ခြေလှမ်း(၁၂၀)သွားရပါမယ်။ အဲဒီအတွက် ကုန်ဆုံးသွားတဲ့စွမ်းအင်က (၅)ကယ်လိုရီပဲ ရှိတယ်။ အသွားအပြန်ဆိုရင် (၁၀)ကယ်လိုရီ ကုန်ဆုံးစေတယ်။ ဒါပေမယ့် အထင်မသေးပါနဲ့။ဘာမှမဟုတ်တဲ့ လမ်းလျှောက်တဲ့ အဆိုပါကိစ္စလေးကို အကြိမ်(၃၀၀)ကျော်လုပ်ရုံနဲ့ ဝိတ်တပေါင် ကျသွားမှာ ဖြစ်ပါတယ်။ ဘာ့ကြောင့်လဲဆိုတော့ ကယ်လိုရီ(၃၅၀၀)ကုန်ဆုံးတိုင်း ဝိတ် တပေါင်လျှော့သွားမှာ ဖြစ်လို့ပါ။ ဒါ့ကြောင့် ကျုံးဖက်၊မန္တလေးတောင်ဖက်ကို လမ်းလျှောက်မှ မဟုတ်ပါဘူး။ လိုအပ်တာက လမ်းလျှောက်ဖို့ပဲဖြစ်ပါတယ်။
တရက်ကို နာရီဝက်လမ်းလျှောက်ရမယ်လို့ လူတွေပြောကြတယ်။ အဲဒါဟုတ်ပါတယ်။ရှင်းရရင် လမ်းလျှောက်တဲ့အခါ ဝိတ်တက်မလာစေဖို့ နောက်ထပ်ခြေလှမ်းပေါင်း(၂၀၀၀)ထပ် လျှောက်ရတယ်။ ဝိတ်ကျချင်သေးတယ်ဆိုရင် နောက် ခြေလှမ်း(၂၀၀၀)ပို လျောက်ရပါတယ်။ အဲဒီမှာ လူတွေပြောပြောနေတဲ့ တရက်ကို နာရီဝက်(ခြေလှမ်း ၄၀၀၀)လမ်းလျှောက်ပါဆိုတာ ဖြစ်လာတယ်။ ဒါက အသေးစိတ်မြင်နိုင်အောင် တွက်ချက်ပြတာဖြစ်ပါတယ်။
ဝိတ်ချတဲ့အခါ အများစု သတိမထားမိတဲ့ အရေးကြီးအချက်ကလေးတခုရှိသေးတယ်။ကြည့်လိုက်ရင်တော့ ဘာမှမဟုတ်သလိုပဲ။ တကယ်က သူကဒုက္ခပေးတာ။ ဥပမာတခုပြောပါမယ်။ဝိတ်ကျအောင် လူတွေ အစောကြီးထ လမ်းလျှောက်ကြတယ်။ တမိုင်(၁၅မိနစ်)လောက် လျှောက်လိုက်တော့ လူကနည်းနည်း ပမ်းလာတယ်ပေါ့။ ဒါနဲ့ အိမ်ရောက်တော့ အားရှိအောင် ကိုလာတလုံး(350ml) သောက်လိုက်မိတယ်။ မောမောနဲ့ သောက်လိုက်တဲ့ အဲဒီကိုလာလေးတစ်လုံးမှာ အနည်းဆုံး ကယ်လိုရီ(၁၀၀)လောက်ပါတယ်။ လက်တဆုပ်စာပုလင်းလေးတလုံးက စောစောက ပင်ပန်းတကြီး၊အားကြိုးမာန်တက် (၁၅)မိနစ်စာ လမ်းလျှောက်တဲ့ကယ်လိုရီနဲ့ သွားညီမျှတယ်။ အဖြေထုတ်လိုက်တော့ ဒုံရင်းက ဒုံရင်းပဲဖြစ်သွားတယ်။ ဝိတ်ကျဖို့ လေ့ကျင့်ခန်းတော့ လုပ်ပါရဲ့။ ဒါပေမယ့် ပိန်မသွားဘူး။ အဖြေက အဲဒါပါပဲ။ လုပ်နည်းမမှန်တော့ သဲထဲရေသွန်ဖြစ်ရတယ်။ ဒါ့ကြောင့် မန္တလေးကျုံးဖက်ကို သွားပြီး လမ်းတွေလျှောက်ကြ၊အပြန်ကျတော့ လက်ဖက်ရည်ဆိုင်ဝင်ပြီး အစားတွေ တနင့်တပိုး စားကြတာ အလွန်မှားတဲ့ နည်းတခုပါ။ ဘာ့ကြောင့်လဲဆိုတော့ ကော်ဖီ၊လက်ဖက်ရည်တခွက်မှာပါတဲ့ ကယ်လိုရီ(၅၀)လောက်က မိုင်ဝက်လောက် လမ်းလျှောက်တာနဲ့ ညီမျှလို့ပါ။ စနစ်တကျ ဝိတ်ချချင်တယ်ဆိုရင် အဆိုပါ အသေးစိတ်အချက်အလက်တွေထိ သေချာဂရုစိုိက်ဖို့ လိုအပ်ပါတယ်။ အစားရှောင်တယ် လေ့ကျင့်ခန်းလုပ်တယ် ဘာ့ကြောင့်မပိန်လဲ ကိုယ့်ကိုယ်ကို အဖြေရှာကြည့်ပါ။
ဝိတ်ချဖို့ ပိန်ဆေး သောက်ဖို့လိုလားမေးရင် မလိုပါဘူး ဖြေပါမယ်။ ဘာ့ကြောင့်လဲဆိုတော့ စာရေးသူဝိတ်ချတုန်းကလည်း ဘယ်ပိန်ဆေးမှ မသောက်ခဲ့ပါဘူး။ ပိန်ဆေးမသောက်ပေမယ့် ရေတော့သောက်တယ်။မနက်အိပ်ရာထတာနဲ့ ရေသန့်ဘူးတဝက်လောက်ကုန်အောင် သောက်ပစ်တယ်။ မနက်စာစားတဲ့အခါ သတိထားပြီး ကော်ဖီ၊လက်ဖက်ရည်စတာတွေ လုံးဝမသောက်ခဲ့ဘူး။ နေ့ပိုင်း အားလပ်ချိန်မှာ လေ့ကျင့်ခန်းလုပ်ဖို့ အကသင်တန်းသွားတက်တယ်။ ဘာ့ကြောင့်လဲဆိုတော့ အကလေ့ကျင့်ခန်း(dancing) တနာရီလုပ်ခြင်းက ကယ်လိုရီ(၄၀၀)ကျော်ကို ဖြုန်းတီပြစ်နိုင်လို့ပါ။ တခြားလေ့ကျင့်ခန်းတွေလည်း ကောင်းပါတယ်။ မိမိစိတ်ဝင်စားရာရွေးချယ်ပါ။ ဥပမာ ယောဂ တနာရီစာကျင့်ရင် ကယ်လိုရီ(၂၀၀)၊gym ကစားရင် ကယ်လိုရီ(၃၀၀)ကျော်လောက် ကုန်ဆုံးစေမှာ ဖြစ်တယ်။ အကယ်၍ အဲဒီနေရာမှာ လေ့ကျင့်ခန်းမလုပ်ဘဲ ဆေးသောက်ပြီး ပိန်အောင်လုပ်မယ် ဆိုပါတော့။ ကိုယ်တိုင်ပင်ပန်းဆင်းရဲကြီးစွာ လုပ်မထားတော့ ပေါ့ပေါ့လေးပဲ တွေ့သမျှစားဖြစ်သွားတယ်။ လေ့ကျင့်ခန်းလုပ်ပြီးတဲ့အခါ ကိုယ်တိုင် ပင်ပင်ပန်းပန်း လုပ်ရတာသိလို့ ထိန်းစားနိုင်တယ်။ ဒါက လေ့ကျင့်ခန်း လုပ်လိုက်ခြင်းရဲ့ အာသာချက်တခုဖြစ်တယ်။ လေ့ကျင့်ခန်း လုပ်တဲ့ တနာရီက ပင်ပန်းပါတယ်။ ဒါပေမယ့်ကိစ္စမရှိပါဘူး။ ဝိတ်ကျဖို့ ဒီလောက်တော့ ပေးဆပ်ရမယ်မလား။
ဝိတ်ချသူအများစုက ညစာရှောင်တတ်ကြတယ်။ စာရေးသူကိုယ်တိုင်ကတော့ ညစာမရှောင်ပါဘူး။ ဘာ့ကြောင့်လည်းဆိုတော့ မနက်အိပ်ရာထမှာ အားအင်ဖြစ်နေစေဖို့ပါ။ နောက်တချက်က အလုပ်ကြောင့် ဆေးခန်းပိတ်ချိန်မှ စားရတာဖြစ်လို့ အမြဲည(၈)နာရီကျော်သွားတယ်။ တကယ်က ညစာစားတဲ့အခါ ညနေ(၆)နာရီမကျော်ခင် အပြီးစားတာ အကောင်းဆုံးပဲ။ ည(၉)နာရီကျော်ရင်တော့ ရေကလွဲလို့ ကျန်တာတွေ ဘာမှမထိပါနဲ့တော့။ စကျင့်ခါစကတော့ ခက်ခဲပါလိမ့်မယ်။ ဒါပေမယ့် တပတ်၊နှစ်ပတ် အလွန်ဆုံး တစ်လလောက်နေတဲ့အခါ ကျင့်သားရသွားပါလိမ့်မယ်။ တကယ်က ဝိတ်ကျဖို့ သိပ်မခက်ပါဘူး။ plan ချပြီး စနစ်တကျလုပ်ရင် သေချာပေါက်ပိန်ပါတယ်။
ပြန်ချုပ်လိုက်ရင် ဝိတ်ကျအောင် ဘယ်လိုလုပ်မလဲ။ အရေးကြီးဆုံးက ပိန်ကို ပိန်ရမယ်ဆ်ိုတဲ့စိတ်မျိုးထားနိုင်ရမယ်။ အစီအစဉ်( plan) ချပြီး စနစ်တကျ လုပ်တတ်ရမယ်။ ကိုယ်လုပ်လိုက်တဲ့ လေ့ကျင့်ခန်း တခုက ဘယ်လောက်ထိရောက်မှုရှိလဲ သိရမယ်။ မအားလို့ဆိုတဲ့ ဆင်ခြေမျိုးမပေးပါနဲ့။ ရတဲ့အချိန်တိုင်း လှုပ်ရှားနေပါ။ အစားစားတဲ့အခါလည်းအလားတူပဲ။ စိတ်ကိုထိန်းနိုင်ရမယ်။ နောင်လည်းတသက်လုံး စားရမှာပဲ။ ဒီတရက်တော့ ရှောင်လိုက်ပါဦးမယ်ဆ်ိုတဲ့ စ်ိတ်မျိုး နေ့တိုင်းထားကြည့်ပါ။ ဧည့်ခံပွဲ မိတ်ဆုံစားပွဲတွေ တတ်နိုင်သမျှ ရှောင်ပါ။ စာရေးသူဆိုရင် ဝိတ်ချတဲ့ ပထမ(၃)လအတွင်း ဖိတ်သမျှ ဆေးကုမ္ပဏီမိတ်ဆက်ပွဲတိုင်း လုံးဝမသွားခဲ့ဘူး။ မြင်နေတော့ စားမိနေမှာစိုးလို့ပါ။ ပိန်ဆေးတွေသောက်ပြီး စားချင်ရာစားသူတွေက ဘယ်တော့မှဝိတ်ကျသူတွေ ဖြစ်မလာပါဘူး။
ဝိတ်ချရတာ တကယ်ခက်ပါတယ်။ ဒါပေမယ့် ခက်တာကို ရအောင် လုပ်ယူနိုင်တာ အောင်မြင်မှုမဟုတ်လား။ အောင်မြင်အောင်လုပ်တဲ့ နေရာမှာ စနစ်တကျ ကြိုးစားတတ်ဖို့ အရေးကြီးတယ်။ စိတ်ကို ထိန်းချုပ်ပြီး လက်တွေ့လုပ်ဆောင်ပါ။ အခုဖော်ပြတဲ့ အချက်တွေကို သေချာဖတ်ပြီး ဒီနေ့ပဲ စတင်ကြိုးစားကြည့်ပါ။ မကြာခင်ဝိတ်ကျလာတာ တွေ့ရပါလိမ့်မယ်။ နောက်အပတ်တွေမှာလည်း မြန်မာတွေနဲ့ ကိုက်ညီတဲ့ ဝိတ်ချနည်းအမျိုးမျိုးနဲ့လွဲမှားနေတဲ့ အယူအဆမှားတွေကို အပတ်စဉ် တနလာင်္နေ့တိုင်း ရေးသားဖော်ပြပေးသွားမှာ ဖြစ်ပါတယ်။
ဒေါက်တာ အေးမင်းထူး
ရတနာပုံသတင်းစာ(၁.၁၂.၁၄)
No comments:
Post a Comment