လူတိုင်းရဲ့ မျက်နှာမှာ ဆဲလ်သေတွေ အမြဲရှိနေပါတယ်။ အရေပြားကို နူးညံ့စိုပြေစေဖို့ဆိုရင် အဆိုပါဆဲလ်သေတွေကို ဖယ်ရှားပစ်ဖို့ လိုပါတယ်။ ဆဲလ်သေတွေဖယ်ရှားတဲ့အခါ တပတ်ကို တစ်ကြိမ် သို့မဟုတ် နှစ်ကြိမ်သာ လုပ်ဖို့လိုတယ်။ ဒီလိုလုပ်တာကို exfoliate လုပ်တယ်ခေါ်တယ်။ အခုနည်းကတော့ ပုံမှန်exfoliate နည်းတွေထက် ပိုမိုအစွမ်းထက်လို့ super exfoliate mask လို့်ခေါ်ပါတယ်။ မျက်နှာတပြင်လုံး လုပ်ရတာဖြစ်ပြီး တခါလုပ်ပြီးတာနဲ့ မျက်နှာလေးက ဝင်းပကြည်လင်လာပါတယ်။ ဘယ်လိုလုပ်မလဲ။
ပြုလုပ်နည်း
ဆော်ဒါ - ထမင်းစားဇွန်း (၃)ဇွန်း
ပျားရည် - လက်ဖက်ရည်(၁)ဇွန်း
ဗီတာမင်အီး - လက်ဖက်ရည်(၁)ဇွန်း
သစ်ဂျပိုးခေါက်မှုန့် - လက်ဖက်ရည်ဇွန်း လေးပုံတပုံ
နွားနို့ - လက်ဖက်ရည် (၃) ဇွန်း
အထက်ပါ ပစ္စည်း(၅)မျိုးကို အချိုးဆအတိုင်း ရောစပ်ပါ။ ပြီးရင် မျက်နှာပေါ် စက်ဝိုင်းပုံ လိမ်းပေးပါ။ ၁၅ မိနစ်ခန့်ထားပါ။ ခြောက်သွေ့ရင် မျက်နှာပြန်ဆေးပါ။ စောစောကလို စက်ဝိုင်းပုံလိမ်းပြီး ရေပြန်ဆေးချသင့်တယ်။ သစ်ဂျပိုးခေါက်က မျက်နှာ သွေးလျှောက်အားကောင်းလို့ ပန်းနုရောင်သမ်းစေတဲ့ အာနိသင်ရှိတယ်။ ဗီတာမင်အီးက အင်တီအောက်စီးဒင့် အာနိသင်ရှိပြီး အရေပြားကို နုပျိုစေတယ်။ ပျားရည်က ဆဲလ်တွေကိုပြုပြင်ပေးပြီး အရေပြားကိုနူးညံ့စေတယ်။ဆော်ဒါမှုန့်က exfoliate အာနိသင်ရှိပြီး ဆဲလ်သေတွေဖယ်ရှားပေးနိုင်တယ်။ အသားအရေ ကြည်လင်တောက်ပဖို့ ဆိုရင် exfoliate လုပ်ဖို့လည်း လိုအပ်ပါတယ်။ နှစ်ပတ်ခန့်အတွင်း နူးညံ့စိုပြေပြီး နုဖတ် ချောမွတ်တဲ့မျက်နှာတခုကို ပိုင်ဆိုင်နိုင်မှာ ဖြစ်ပါတယ်။
ဒေါက်တာ အေးမင်းထူး
၂၂.၆.၁၇
No comments:
Post a Comment