တစ်ပတ်အတွင်း ဝိတ်ချနည်း စာအုပ်

ဝိတ်ချနည်းလေးတော့ ထွက်လာခဲ့ပြီ။ တကယ် ဝမ်းသာရပါတယ်။ ဒီစာအုပ် မထွက်ခင်တည်းက စောင့်စားနေကြတဲ့စာဖတ်ပရိသတ်တွေရဲ့ အလိုဆန္ဒကို တဖက်တလမ်းက ဖြည့်ပေးနိုင်ခဲ့လို့လည်း ကျေနပ်မိပါတယ်။ တကယ်တမ်း ဒီစာအုပ်ထွက်ဖို့ပြောခဲ့တာ မှတ်မှတ်ရရ တနှစ်လောက်ရှိခဲ့ပါပြီ။ တကယ်တမ်းထွက်မယ်ဆိုပြန်တော့ လိုတာလေးတွေဖြည့်၊ ပိုတာလေးတွေလျှော့ရတယ်။ ကျွန်တော့်ရဲ့မူအတိုင်း စာအုပ်တစ်အုပ်ကို အကောင်းဆုံးနဲ့ အပြည့်စုံဆုံးဖြစ်စေချင်တဲ့ ဆန္ဒကလေးလည်း ရှိနေတာမို့ အချိန်ကြာသွားခဲ့ရတာပါ။ ဒါလေးကို အရင် တောင်းပန်ပါရစေ။စာအုပ်လုပ်တုန်းက ပင်ပန်းခဲ့ပေမယ့် အခုထွက်လာပြန်တော့ ဝမ်းသာပီတိဖြစ်ရပါတယ်။ 

မြန်မာနိုင်ငံမှာ အဝလွန်သူဦးရေ တဖြည်းဖြည်းများပြားလာပါတယ်။ ဆရာဝန်တွေပြောနေကြတဲ့ အစားလျှော့၊ ဝိတ်ချဆိုတဲ့ စကားလေးတခွန်းက ဒီပြဿနာတွေအတွက် အဖြေမဟုတ်တာလည်း သေချာနေပါတယ်။ သူတို့တတွေရဲ့ စားသောက်နေထိုင်ပုံနဲ့ အလေ့အကျင့်တွေကို ပြုပြင်ပြောင်းလဲဖို့နဲ့ တကယ်လိုက်လုပ်နိုင်တာတွေကို ကျတော်တို့ဖက်က တတ်နိုင်သမျှ guideline တွေထုတ်ပြီး လမ်းပြနိုင်ရင် အတော်အသင့်တော့ အကျိုးရှိကြမှာလို့ ခံစားမိပါတယ်။ ဆရာဝန်တစ်ယောက်ဟာ လူတဦးတယောက်ရဲ့ ကျန်းမာရေးကိုသာ ပြောင်းလဲနိုင်ပြီး စာရေးဆရာတွေကတော့ လူအများစုရဲ့ အမူအကျင့်နဲ့ စိတ်ဓာတ်ကိုပါပြောင်းလဲပေးနိုင်တယ်ဆိုတဲ့ စကားတခွန်းက ကျတော့်အတွေးအခေါ်ကို အကြီးအကျယ်ပြောင်းလဲစေခဲ့ပါတယ်။ ဒါက ဒီစာအုပ်လေးထွက်လာခြင်းရဲ့ ကနဦးအစပါ။ 

ဒီဝိတ်ချနည်းစာအုပ်မှာ သီအိုရီတွေ တတ်နိုင်သမျှ လျှော့ချခဲ့ပြီး လက်တွေ့လိုက်နာသင့်တဲ့အချက်တွေကိုပဲ ဦးစားပေးဖော်ပြခဲ့ပါတယ်။ အထူးသဖြင့် မပျင်းရအောင်ပါ။ဒီအပိုင်းက ကျတော်ခေါင်းအခဲရဆုံးအပိုင်းထဲမှာ ပါပါတယ်။ မျှော်လင့်တကြီးစောင့်စားပြီးကာမှ သီအိုရီတွေဖတ်ပြီး လက်တွေ့လုပ်ဆောင်မှုပိုင်း အားနည်းသွားမှ မလိုလားခဲ့ပါဘူး။ ဒါ့ကြောင့် အပိုင်းလိုက် ကဏ္ဌလေးတွေခွဲ၊ ခေါင်းစဉ်ကလေးတွေတပ်ပြီး ဖော်ပြခဲ့တယ်။ ဝိတ်ချရာမှာ အရေးပါတဲ့စိတ်ကို ဘယ်လိုထိန်းချုပ်မလဲ၊ ဒီအကြောင်းကို ခေါင်းစဉ်တခုသပ်သပ်ခွဲပြီး ဖော်ပြခဲ့ပါတယ်။ ကယ်လိုရီတွက်နည်းနဲ့ အာဟာရဓာတ်တွေအကြောင်း ဖော်ပြရာမှာ သီအိုရီတွေပါလာတာကြောင့် မပျင်းရလေအောင်ပုံလေးတွေ ထည့်သွင်းခဲ့တယ်။ 

ဒီစာအုပ်မှာ စာဖတ်သူတွေအလွယ်လိုက်လုပ်နိုင်ဖ်ု့ diet plan အချို့ကိုလည်း ရေးသားခဲ့ပါတယ်။တပတ်အတွင်းဝိတ်ချနည်း၊ သုံးရက်အတွင်း ဝိတ်ချနည်း၊ အသက်ငါးဆယိကျော် ဝိတ်ချနည်းဆိုတာလေးတွေက ဝိတ်ချနည်းပုံစံနဲ့သဘောတရားကို သိစေဖို့သာ ရည်ရွယ်ပါတယ်။ အဆုံးစွန်သော ရည်မှန်းချက်မဟုတ်သေးပါ။ တကယ်ဖြစ်စေချင်ခဲ့တာက ကိုယ်တိုင်ဝိတ်ချနည်းပုံစံတခုကို မိမိဘာသာရှာဖွေပြီး ကိုယ်နဲ့ကိုက်ညီမယ့် ဝိတ်ချနည်းပုံစံကို မိမိဘာသာပြုလုပ်ဖို့သာ ဒီစာအုပ်ရဲ့ အန္နိမရည်မှန်းချက်ပါ။ 

အသက်ကြီးရင့်သူတွေ ဝိတ်ချတဲ့အခါ တွေ့ကြုံရတဲ့ ပြဿနာ၊ ဒူးနာသူတွေ ဘယ်လိုဝိတ်ချမှာလဲ။ဒါတွေက တကယ့်အခက်ခဲတွေပါ။ သူတို့တွေအဆင်ပြေအောင် ဘယ်လိုလုပ်ပေးရမလဲဆိုတာ ကျတော့်ဖက်က အမြဲတွေးပေးနေမိတဲ့ မေးခွန်းလေးတွေ။ ဒီမေးခွန်းတွေရဲ့ အဖြေကို ဒီစာအုပ်က အတော်အတန်ဖြည့်ဆည်းပေးနိုင်ခဲ့ပါတယ်။ 

ဒူးနာလွန်းလို့ လမ်းလျှောက်ဖို့တောင် ခက်နေတဲ့လူနာတွေကို ကျတော်တို့ဆရာဝန်တွေက လမ်းလျှောက်ဖို့၊ လေ့ကျင့်ခန်းလုပ်ဖို့ ချည်း အမြဲတိုက်တွန်းနေတာ တကယ်ရော မှန်ပါရဲ့လား။ သူတို့အဆင်ပြေအောင် ကျတော့်တ်ု့ဖက်ကဘယ်လိုလုပ်ပေးသင့်လဲ။ ဘယ်လိုဖြည့်ဆည်းပေးမလဲ။ လေ့ကျင့်ခန်းတော့ မှန်ပါရဲ့။သူတို့မနာမကျင်ဘဲ ဝိတ်ကျအောင် ဘယ်လိုကူညီပေးမလဲ။ ဒါနဲ့ ပက်သတ်လို့ ကျတော်တတ်နိုင်တဲ့ဖက်က အဖြေရှာပေးခဲ့ပြီး ဒီစာအုပ်မှာ အလွယ်နည်းလေးတွေ  ချရေးခဲ့ပါတယ်။ ငါးမိနစ်စာလေ့ကျင့်ခန်း၊ ရက်(၃၀)လေ့ကျင့်ခန်း စသည်ဖြင့် ပေါ့ပေါ့ပါးပါးဖော်ပြခဲ့ပါတယ်။ 

ဝမ်းသာစရာသတင်းတပုဒ်ကတော့ ဒီစာအုပ်မထွက်မှီပဲရောက်ရှိလာပါတယ်။ စာအုပ် စာစီပေးတဲ့ မမိုးတယောက်ဒီစာအုပ်ရိုက်ပေးနေစဉ်မှာပဲ ဖုန်းဆက်ပြောပါတယ်။ စာအုပ်ထဲက လေ့ကျင့်ခန်းအတိုင်း လိုက်လုပ်တာ အခုဗိုက်အဆီတွေ သိသိသာသာကျသွားပြီတဲ့။ စာရိုက်ရင်းနဲ့တောင် ကျေးဇူးတင်နေမိတာပါပဲတဲ့။ ဒီစကားက နှလုံးသားထဲ ကျောက်စက်ရေလေးတပေါက်လို အေးမြစေခဲ့ပါတယ်။

စာအုပ်တောင် မထုတ်ရသေး၊ ဒီစာအုပ်ကို ပထမဆုံးစကိုင်တဲ့ လူတောင် ဒီနည်းလမ်းလေးအတိုင်း လိုက်လုပ်ရုံနဲ့ အကျုးများသွားခဲ့တာမို့ ကျတော်ဘယ်လောက်ဂုဏိယူမိမလဲစဉ်းစားကြည့်ပါ။ တစိမ့်စိမ့်တွေးရင်တောင် ပီတိဖြစ်စရာ ခံစားချက်လေးပါ။ ဒီပီတိလေးတွေကို စာအုပ်ထွက်ပြီးနောက်ပိုင်းလည်း ဆက်လက်ရရှိဖို့ မျှော်လင့်မိပါတယ်။ ပြောချင်တာတွေရှိနေပေမယ့် ဒီမျှလောက်နဲ့ပဲ အဆုံးသတ်ပါရစေ။

ဒီစာအုပ်ဖြစ်မြောက်ရေးအတွက် အဖက်ဖက်က ဝိုင်းဝန်းကူညီပေးခဲ့ကြသူတွေရှိနေပါတယ်၊ အထူးသဖြင့် ကျေးဇူးရှင် မိဘနှစ်ပါးနှင့်တကွ ဆေးကျောင်းသားဘဝမှသည် ဆရာဝန်ဖြစ်သည်ထိ သွန်သင်ဆုံးမလမ်းပြပေးခဲ့ကြတဲ့မန္တလေးဆေးတက္ကသိုလ်မှ  ကျေးဇူးရှင်ဆရာ၊ဆရာမများအားလုံးကို ဤစာအုပ်နှင့် ရှိခိုးကန်တော့ပါရစေ။ ထွက်သမျှစာအုပ်တိုင်း စာစီပေးတဲ့ မမိုးသူဇာ၊ ငွေလစာပေမှ ကိုလွန်းမောင်မောင်၊ မျက်နှာဖုံးကို စိတ်တိုင်းကျ ပုံဖော်ပေးခဲ့တဲ့ မထားနှင့်တကွ ဇီဝကမဂ္ဂဇင်း ဝိုင်းတော်သားများအားလုံးကို အထူးကျေးဇူးတင်ကြောင်း ပြောပါရစေ။ 

ဒေါက်တာအေးမင်းထူး

၁၀.၇.၁၇

-----------------------------------------

-----------------------------------------

စာအုပ်အမည် - တစ်ပတ်အတွင်း ဝိတ်ချနည်း

စာရေးသူ        - ဒေါက်တာ အေးမင်းထူး

တန်ဖိုး            - ၃၀၀၀ ကျပ်

-----------------------------------------

-----------------------------------------

ရရှိနိုင်သော စာအုပ်ဆိုင်များ

ရန်ကုန် 

Tab book (တော်ဝင်စင်တာ)၊စာပေလောက၊အင်းဝ၊ရာပြည့်၊စောဦး၊

နေဆေး၊ city mart စာအုပ်ဆိုင်များ။

(Ocean တွင် စနေ၊တနင်္ဂနွေမှ စရပါမည်)

မန်းလေး 

ထွန်းဦး၊ နဂါး၊ ညို၊ စိတ်ကူးချိုချို၊ အောင်ကြီးစာပေ၊ လူထုစာပေ၊ ငွေလစာပေ။

နယ်

မော်လမြိုင် ( ကျော်ကျော်စာပေ)

မြစ်ကြီးနား( သွေးစာပေ)

မုံရွာ( အောင်မင်္ဂလာစာပေ)

တောင်ကြီး( မီလျှံနာစာပေ)

မိတ္ထီလာ( စိန်စာပေ)

တောင်ငူ( central book)

ပခုက္ကူ( သမဂ္ဂသုခ)

ပဲခူး( သဇင်စာပေ)

ပုသိမ်( ပြုံးချိုစာပေ)

မြင်းခြံ( ဖေတင်စာပေ)

မကွေး( မျိုးဆက်သစ်စာပေ)

မေမြို့( စန္ဒာစာပေ၊ဇင်ယော်စာပေ)

ကသာ( လင်းယုန်စာပေ)

ဟင်္သာတ (ရွှေမောင်းစာပေ)

ထားဝယ်၊ မြိတ်( အောင်စာပေ)

စစ်တွေ( ဂန္တဝင်စာပေ)

ပျဉ်းမနား( သရဖူ၊သော်တာစန်း)

နေပြည်တော်( ocean၊ လမင်းဝင်းဝင်း၊ ရွှေရည်ဝင်း)

သက်ဆိုင်ရာမြို့များတွင် မရှိပါက ရန်ကုန် ရတနာသိုက်စာပေ ဖုန်း - ၀၁ ၂၀၀၆၉၉, ၀၉ ၅၁၉၆၁၂၃, ၀၉၅၅၀၆၁၉၈ သို့ ဆက်သွယ်မှာကြားနိုင်သည်။

(မှတ်ချက် - စင်္ကာပူတွင် နေထိုင်သူများ ဖုန်း - ၆၅ ၆၈၃၅ ၀၃၈၈၊ ၆၅ ၉၇၇၃၉၇၇၅ ကို မှာယူရမည်။)