ကျန်းမာရေးအတွက် အိပ်စက်ခြင်း

ကျွန်တော်တို့ဟာ နေ့စဉ် နေ့တိုင်း အိပ်စက်နေကြတယ်။ အထူးသဖြင့် ညဖက်မှာ လူတိုင်း အိပ်စက်အနားယူကြတယ်။ ကျွန်တော်တို့ ဘာကြောင့် အိပ်စက်အနားယူရပါသလဲ။ တကယ်တော့ လက်ရှိချိန်ထိ အိပ်စက်ခြင်းအကြောင်းကို သေသေချာချာမသိရှိရဘူး။သိထားသမျှက ဦးနှောက်လုပ်ဆောင်နိုင်စွမ်း ကောင်းမွန်စေဖို့သာ ထင်မှတ်ရတယ်။ လေ့လာမှုတွေအရ နေ့စဉ် ၈နာရီလောက် အိပ်စက်ခြင်းကြောင့် အပိုထွက်လာတဲ့စွမ်းအင်ပမာဏဟာ 50kcalလောက်သာ ရှိတယ်ဆိုတာ တွေ့ရတယ်။ ဒါ့ကြောင့် အားအင်သစ်တွေဖြစ်ထွန်းဖို့ဆိုတဲ့ အယူအဆဟာလည်း အပြည့်အဝမမှန်ကန်တာ တွေ့ရတယ်။ အိပ်စက်ခြင်းကို လူတချို့က အပိုအလုပ်တွေအဖြစ် ထင်မှတ်ကြတယ်။မာဂရက်သက်ချာ၊နိုင်တင်ဂေးနဲ့ နပိုလီယမ်စသူတွေက အိပ်စက်ခြင်းကို အချိန်ဖြုန်းတီးတယ်လို့ ယူဆခဲ့ကြတယ်။ လက်တွေ့ကျကျပြောရရင် အိပ်စက်ခြင်းဟာ လူသားတွေကို ကောင်းကျိုးပြုတယ်။စိတ်ကို ကြည်လင်လန်းဆန်းစေတယ်။ အားအင်သစ်တွေ ဖြစ်ထွန်းစေတယ်။ ဦးနှောက်လုပ်ဆောင်နိုင်စွမ်းကောင်းဖို့ လုံလောက်အောင် အိပ်စက်အနားယူဖို့ လိုအပ်တယ်။ သိပ္ပံနည်းကျလေ့လာမှုတွေအရ လူတယောက်ဟာ ၆-၈နာရီထိ အိပ်စက်ဖို့လိုအပ်တယ်လို့ တွေ့ရှိရတယ်။ လူ့ဘဝရဲ့ လေးပုံ(သို့)သုံးပုံ တစ်ပုံကို အိပ်စက်ခြင်းနဲ့ ဖြတ်သန်းနေကြရတယ်။ 

လူတွေဘာ့ကြောင့် အိပ်ရသလဲ

အိပ်စက်ခြင်းကို အဓိက ဖြစ်စေတာ ဦးနှောက်စေစားမှုကြောင့်ပါ။ ပိုတိကျအောင်ပြောရရင် melatoninခေါ်တဲ့ ဟော်မုန်းတမျိုးကြောင့် ဖြစ်ပါတယ်။လူ၊တိရိစ္ဆာန်နဲ့ အပင်တွေမှာလည်း ဒီလိုဟော်မုန်းမျိုးကို တွေ့ရှိရတယ်။ melatonin ဟော်မုန်းကို ဦးနှောက်အောက်ခြေမှာရှိတဲ့ pineal glandကနေ ထုတ်ပေးနေတယ်။ ဒါတင်လားဆိုတော့ မဟုတ်သေးဘူး။ အရေပြားဆဲလ်၊ရိုးတွင်းခြင်ဆီနဲ့ lymphocyteတွေမှာလည်း melatonin ဓာတ်တွေ ရှိသေးတယ်။ ဆဲလ်ထဲမှာရှိတဲ့ ပမာဏဟာ သွေးကြောရှိတဲ့ ပမာဏထက် ပိုများတာ တွေ့ရတယ်။ အိပ်စက်မှုကို ဖြစ်စေတဲ့ circadian cycleထဲမှာ melatoninရဲ့ အခန်းကဏ္ဍက အရေးကြီးတယ်။ ညအချိန် အိပ်စက်ခြင်းကို ဖြစ်စေတာလည်း ဒီဟော်မုန်းကြောင့်ပါပဲ။ အိပ်စက်ခြင်းအကြောင်းကို ဆက်ပြောရရင် သာမန်အားဖြင့် လူတွေဟာ ညအချိန်မှာသာ အိပ်တတ်ကြတယ်။ ဘာ့ကြောင့်လဲဆိုတော့ ညအချိန်မှာ အိပ်စက်ခြင်းကို တားဆီးပေးတဲ့ blue light(460-480nm)တွေ လျှော့နည်းသွားလို့ပဲ။ ဒါ့ကြောင့် လူတွေဟာ blue lightအလင်းရောင်ရှိတဲ့ နေ့ခင်းဖက်မှာ မအိပ်ပဲ အလင်းရောင်မရှိတဲ့ညအချိန်တွေမှာ အိပ်စက်ကြတာဖြစ်တယ်။ ညနေ နေစောင်းပြီဆိုတာနဲ့ melatonin ဟော်မုန်းတွေက စတင်ထွက်ရှိလာတယ်။ စာလိုပြောရရင် Dim-light melatonin onsetလို့ ခေါ်ပါတယ်။ wavelength 530nmကျော်တာနဲ့ ဟော်မုန်းစတင်ထွက်ရှိလာတယ်။ တချို့အလင်းရောင် ရှိရင် မအိပ်တတ်ဘူးဆိုတာ ဒီသဘောပါဘဲ။ အိပ်ဖို့ မျက်စိကိုတခုခုအုပ်ပေးတဲ့အခါ blue lightတွေ မဝင်ရောက်နိုင်တော့ဘဲ melatoninထွက်လာပြီး အိပ်စက်ခြင်းကို ပိုမိုလွယ်ကူစေတာ တွေ့ရတယ်။ နေ့၊ည အချိန်နရီစည်းချက်ကို မြင်လွှာမှာရှိတဲ့ photosensitive ganglion က အာရုံခံပေးပြီး ဦးနှောက်မှာ ရှိတဲ့ suprachiasmatic nucleiကို ပို့ဆောင်ပေးတယ်။ အဲဒီကတဆင့် လိုအပ်တဲ့ဟော်မုန်းတွေ ပေါ်ထွက်လာအောင် လှူံ့ဆော်ပေးပါတယ်။ ဒီဖြစ်စဉ်ကို circadian cycleလို့ နာမည်ပေးထားတယ်။ ဒါ့ကြောင့် မိုးရွာတဲ့ရက်တွေ၊ နှင်းထူတဲ့ရက်တွေမှာ ရာသီအေးအေး၊ခပ်ကွေးကွေး အိပ်ချင်တာ အလင်းရောင်အားနည်းတဲ့အခါ ထွက်လာတဲ့ melatoninရဲ့အာနိသင်ကြောင့် ဖြစ်ပါတယ်။

မအိပ်မနေ အသက်ရှည်လား

မအိပ်စက်ပဲ အချိန်ကြာဆုံးနေနိုင်သူအဖြစ် နာမည်ကြီးသူက Randy Gardner ဖြစ်ပါတယ်။ ၁၉၆၅ခုနှစ် အသက် ၁၇နှစ်အရွယ်ကျောင်းသားဘဝမှာ (၁၁)ရက်လုံးလုံးမအိပ်စက်ဘဲနေပြခဲ့တယ်။ ၄ရက်မြောက်နေ့မှာ ထင်ရောင်ထင်မှား စဖြစ်လာတယ်။ ၅ရက်မြောက်နေ့မှာ သူ့ကိုယ်သူ နာမည်ကျော်ဘောလုံးသမားလို့ ထင်မြင်လာတယ်။ အံ့သြစရာတခုက (၁၁)ရက်လုံးလုံး မအိပ်ဘဲနေနိုင်ခဲ့တာ ဖြစ်ပါတယ်။ စံချိန်ချိုးပြီးနောက်ပိုင်းမှာ ၁၄နာရီကျော်ကြာ အိပ်စက်အနားယူခဲ့ရတယ်။ နောက်ပိုင်းမှာ ၁၈ရက်ကျော်ကြာ မအိပ်စက်ဘဲ နေနိုင်တဲ့စံချိန်ရှင်တွေ ထပ်မံပေါ်ပေါက်လာခဲ့တယ်။ သို့သော် ၁၉၈၉ခုနှစ် နောက်ပိုင်းကစပြီး ကျန်းမာရေးအတွက် ကောင်းကျိုးမပေးတဲ့စံချိန်တွေကို အားပေးရာရောက်မှာ စိုးတဲ့အတွက် ဖယ်ရှားပစ်ခဲ့တယ်။ ဘာ့ကြောင့်လဲဆိုတော့ အိပ်ရေးဝဝလင်လင် မအိပ်ရသူတွေဟာ စိတ်ကျရောဂါ၊အဝလွန်ရောဂါတွေအပြင် ရောဂါထူပြောပြီး အသက်တိုစေနိုင်တာ တွေ့ရလို့ပဲဖြစ်ပါတယ်။

အိပ်စက်ခြင်းက ပေးတဲ့ အကျိုးကျေးဇူးများ

အိပ်စက်ခြင်းဟာ ကိုယ်ကျန်းမာရေး၊ စိတ်ကျန်းမာရေး နှစ်မျိုးလုံးကို အထောက်အကူပြုတာ တွေ့ရတယ်။ မှတ်ဥာဏ်စွမ်းအား မြှင့်မားစေတယ်။ အာရုံစူးစိုက်မှု အားကောင်းစေတယ်။ လူ့စိတ်ကို ပိုမိုလန်းဆန်းစေတယ်။ မိမိကိုယ်ကို ယုံကြည်ချက် မြင့်မားစေတယ်။ အားသစ်အင်သစ်နဲ့ နေ့စဉ်အလုပ်တွေ ဆောင်ရွက်နိုင်တယ်။ အသားအရေကြည်လင်ပြီး  အရေးအကြောင်း ကင်းစင်စေတယ်။ အိုမင်းရင့်ရော်မှုကို တားဆီးတယ်။ ခုခံအား တက်စေတယ်။ခန္ဓာကိုယ်ရဲ့ လုပ်ငန်းဆောင်တာတွေကို ပုံမှန်လုပ်ကိုင်နိုင်တယ်။ သက်လုံပိုင်း ပိုကောင်းလာတယ်။ အဝလွန်ရောဂါဖြစ်ခြင်းမှ ကာကွယ်ပေးတယ်။ စိတ်ကျခြင်း၊စိတ်ကစဥ့်ကလျားဖြစ်ခြင်းမှ ကာကွယ်နိုင်တယ်။ နှလုံး၊သွေးတိုးနဲ့ လေဖြတ်နိုင်ချေ ကျဆင်းစေတယ်။အိပ်စက်ခြင်းကို ဖြစ်ပေါ်စေတဲ့ melatoninဓာတ်က ကင်ဆာကျိတ်အချို့ကို ကာကွယ်ပေးတယ်လို့ ယုံကြည်ကြတယ်။ အိပ်ရေးဝဝ အိပ်ရသူတွေဟာ ကောင်းကောင်း မအိပ်ရသူတွေထက် အသက်ပိုရှည်တာ တွေ့ရတယ်။

သဘာဝရဲ့ လက်ဆောင်မွန်

လူတော်တော်များများဟာ ကောင်းကောင်းအိပ်စက်ချင်ကြတယ်။ သို့သော် အများစုဟာ အသက်ကြီးလာတာနဲ့အမျှ အိပ်မပျော်ကြဘူး။ အိပ်စက်ခြင်းတန်ဖိုးကို အသက်ကြီးမှ တဖြည်းဖြည်း ပိုသိလာကြတယ်။ အိပ်စက်ခြင်းဆိုတာ ကျန်းမာရေးအတွက် သဘာဝကပေးတဲ့ လက်ဆောင်တခုပါ။ဒီလက်ဆောင်ကို အမိအရယူနိုင်ဖို့ လိုအပ်ပါတယ်။ အိပ်စက်ခြင်းတန်ဖိုး နားလည်ပြီး လက်တွေ့အသုံးချတတ်ဖို့လည်း အရေးကြီးတယ်။ သင်ကောနေ့စဉ် ဘယ်နှနာရီ အိပ်စက်အနားယူပါသလဲ။ အိပ်စက်ချိန်အနည်းဆုံး ၆နာရီပြည့်ဖို့လိုအပ်တာ မမေ့လျှော့ပါနဲ့။ သဘာဝရဲ့ လက်ဆောင်မွန်ကို အမိအရအသုံးချနိုင်ဖို့ ကြိုးစားပါ။ လူတိုင်း အိပ်ရေးဝဝအိပ်စက်ပြီး ကျန်းမာပျော်ရွင်သောဘဝကို ပိုင်ဆိုင်နိုင်ကြပါစေ။

ဒေါက်တာ အေးမင်းထူး

ရတနာပုံ သတင်းစာ(၁၆.၁၂.၁၃)