Foundation နဲ့ BB cream ဘာကွာခြားလဲ

Foundation ဆိုတာ မိတ်ကပ်ရည်တမျိုးဖြစ်ပြီး BB cream ကတော့ မိတိကပ်သားပါတဲ့ လိမ်းဆေးခရင်မ် တမျိုး ဖြစ်ပါတယ်။ ဒီနှစိမျိုးဘာကွာခြားသလဲ။ အလွယ်ဆုံးနားလည်လွယ်အောင် ပြောရရင် ပါဝင်ပစ္စည်း၊ ဖော်မြူလာနဲ့ဖုံးကွယ်နိုင်စွမ်းတွေ ကွာခြားသွားတယ်လို့ ပြောရမယ်။ BB cream ကို “Blemish Balm” သို့မဟုတ် “Beauty Balm” ခေါ်တယ်။ အမဲစက်တွေကို ဖုံးကွယ်နိုင်စွမ်းရှိတယ်။ tinted moisturizer ထက် ဖုံးကွယ်မှုအားကောင်းတယ်။ အရည်က tinted moisturizer ထက်ပိုပျစ်ပါတယ်။ သို့သော် foundation လောက် မပျစ်ပါ။ မိတ်ကပ်သား မပါလှပါ။ အားသာချက်က နေလောင်ကာနိုင်စွမ်းပိုကောင်းတာနဲ့ အသားအရေကို ပြုပြင်နိုင်တာဖြစ်တယ်။

ပုံမှန်အားဖြင့် BB သုံးရင် အရေပြားကာလာ သိပ်မတောက်ဘူး။ သာမန်ပဲ၊ အောက်ခံအရောင် ခပ်ဖျော့ဖျော့ဖြစ်တယ်။ အာနိသင်တွေက စုံတယိ။ အစိုဓာတ်ထိန်းတယ်။ နေလောင်ကာတယ်။ အရေပြားရင့်ရော်မှုကို ကာကွယ်ပေးတယ်။ serum, moisturiser, primer, foundation နဲ့ sunblock စတဲ့အာနိသင်တွေ တခုတည်း ပေါင်းထားတဲ့သဘောဖြစ်လို့အချိန်ကုန်သက်သာတယ်။ အမဲစက်၊ အမာရွတ်ကွက်တွေကို ခပ်ပါးပါးဖုံးနိုင်တယ်။ တချို့ BB တွေက primer ပါပြီးသားမို့ တဆင့်တည်းလိမ်းရုံနဲ့ ပြီးတယ်။ bb လိမ်းတဲ့အခါ လက်ချောင်း၊မိတ်ကပ်ဖော့၊ စုတ်တံ မိမိနှစ်သက်ရာနဲ့လိမ်းပေးနိုင်တယ်။ ယေဘုယျအားဖြင့် BB cream တမျိုးဟာ ကာလာ ၂-၄ ရောင်လောက် လာလေ့ရှိတယ်။

foundation တွေကတော့ မျက်နှာအမဲစက်၊ အပြစ်အနာအဆာတွေကို ဖူံးကွယ်နိုင်စွမ်းပိုကောင်းတယ်။ မိတိကပ်သားပိုများသလို ပိုပျစ်တယ်။ လိမ်းထားရင် အသားဖြူတယ်။ အပြစ်အနာအဆာတွေကို ဖုံးကွယ်နိုင်စွမ်းရှိတယ်။အရည်အပျစ်အကျဲပေါ်မူတည်ပြီး foundation အမျိုးအစား လေးမျိုးရှိတယ်။ 

(၁) sheer cover makeup

(၂) light cover makeup

(၃) medium cover makeup

(၄) full cover makeup

(၁) sheer cover makeup

Sheer foundation ဆိုတာ အရည်ခပ်ကျဲကျဲကို ခေါ်တာပါ။ မိတ်ကပ်ရောင် ပါးလွန်းလို့  “sheer cover”လို့ ခေါ်ပါတယ်။ တချို့က "sheer makeup”လို့လည်း သူံးကြတယ်။ sheer မှန်သမျှ မိတ်ကပ်သားနည်းတယ်။ မိတ်ကပ်သား၈-၁၃ % ပဲ ပါဝင်လို့ foundation လေးမျိုးထဲမှာ အရောင်ပါဝင်မှုအနည်းဆုံးဖြစ်တယ်။ အရည်ကျဲလို့ မိတိကပ် လိမ်းထားမှန်း မသိသာဘူး။ သို့သော် အပြစ်အနာအဆာ ဖုံးကွယ်နိုင်စွမ်းလည်း သိပ်မကောင်းဘူး။ 

(၂) Light Cover makeup 

မိတ်ကပ်အရည်က သိပ်မပျစ်ဘူး။ သိပ်အကျဲကြီးလည်း မဟုတ်ဘူး။ light cover မှာ မိတ်ကပ်သား ၁၃-၁၈% ထိပါဝင်ပါတယ်။ ဒီမိတ်ကပ်မျိုးက ဝက်ခြံအမဲစက်လေးတွေကို မသိသာအောငိ ဖုံးဖိပေးနိုင်ပေါတယ်။ သို့သော် တင်းတိပ်၊မှဲ့ခြောက်၊အမာရွတ်တွေကို ဖုံးကွယ်နိုင်စွမ်းမရှိပါဘူး။ ယေဘုယျအားဖြင့် အမည်းစက်၊အမည်းပျောက် 1-2 mm ထိရှိတဲ့ အပြစ်အနာအဆာတွေကိုတော့ ကောင်းကောင်း ဖုံးဖိပေးနိုင်ပါတယ်။

(၃) Medium Cover makeup

မိတ်ကပ်အရည်ပို ပျစ်လာတယ်။ မိတ်ကပ်သားပါဝင်မှုကလည်း ၁၈-၂၃ % ထိပါဝင်လို့ ဝက်ခြံအမာရွတ်သာမကတင်းတိပ်၊မှဲ့ခြောက်တွေကိုပါ ဖုံးကွယ်နိုင်တယ်။ အသားအရောင်မညီတာ၊အမဲစက်၊ အမာရွတ်တချို့မှာ အသုံးပြုနိုင်ပါတယ်။ သို့သော် အမည်းကွက်၊အမာရွတ်ကြီးတွေကိုတော့ ဖုံးကွယ်နိုင်စွမ်းမရှိပါဘူး။ ဒီအတွက် full cover ကို အသုံးပြုရတယ်။ 

(၄) Full Cover

မိတ်ကပ်လေးမျိုးထဲမှာ အရည်အပျစ်ဆုံးဖြစ်ပြီး မိတိကပ်သားအများဆုံးလည်းဖြစ်ပါတယ်။ မိတ်ကပ်သား၃၅-၅၀ % ထိ ပါလို့ ခရုသင်း၊ မွေးရာပါ မှဲ့၊ အမာရွတ်၊ အမဲကွက်တွေ အားလုံးကို ဖုံးကွယ်နိုင်စွမ်းရှိတယ်။ full cover ဖြစ်တဲ့ မိတ်ကပ်တွေကို "corrective makeup” , “camouflage makeup” လို့ သုံးတယ်။ “paramedical makeup” ဆိုလည်း အတူတူပါပဲ။ မျက်နှာအဖုအပိန့်၊ဝက်ခြံတပြင်လုံးရှိသူတွေအနေနဲ့ full cover foundationကိုသာ သုံးသင့်တယ်။ နေ့စဉ်မသုံးသင့်ဘဲ မင်္ဂလာဆောင်၊ ပွဲလန်းသဘင်စတဲ့အခါမျိုးမှာသာ သုံးသင့်ပါတယ်။

foundation အများစုမှာ နေလောင်ကာ SPF ပါလေ့မရှိဘူး။ အရေပြားပြုပြင်နိုင်တဲ့ ပစ္စည်းမျိုးထည့်သွင်းလေ့မရှိဘူး။ ဒါက BB cream နဲ့ ကွဲပြားတဲ့ အချက်တခုပါ။  foundation မလိမ်းခင် နေလောင်ကာတမျိုးမျိုး လိမ်းဖို့လိုတယ်။ makeup အောက်ခံ primer တမျိုး လိမ်းဖို့လိုတယ်။ BB cream ထက် အားသာချက်က အရေပြားနဲ့ လိုက်ဖက်တဲ့ ကာလာအမျိုးမျိုး ရွေးချယ်နိုင်တာဖြစ်တယ်။ 

ဒါ့ကြောင့် မိမိမျက်နှာမှာ ဝက်ခြံ၊အမာရွတ်၊အမဲစက် သိပ်မရှိရင် BB cream မျိုး သုံးသင့်ပြီး အပြစ်အနာအဆာများတဲ့ အသားအရေမှာ foundation လိမ်းသင့်တယ်။ နေ့တဓူဝ လှုပ်ရှားသွားလာတဲ့အခါ BB cream တွေက ပိုမိုအသုံးဝင်ပြီး ပွဲလမ်းသဘင်၊ အလှုမင်္ဂလာဆောင်တွေမှာ foundation ကို ပိုမိုကောင်းမွန်တယ်။ ဘယ်လို BB မျိုးသုံးစွဲသင့်လဲ၊ ဘယ်လို foundation မျိုး ရွေးချယ်သုံးစွဲမလဲ ဆိုတာကတော့ မိမိအသားအရေပေါ်သာ မူတည်တယ်။ ဒါကတော့skin care နဲ့ cosmetic ပစ္စည်းတွေကို အသေးစိတ်ဖတ်တတ်မှသာ ရွေးချယ်နိုင်လိမ့်မယ်။

ဒေါက်တာ အေးမင်းထူး

၉.၃.၁၈