စင်္ကာပူမှာ ဆေးစစ်ခြင်း (ဒုတိယပိုင်း)

စင်္ကာပူမှာဆေးစစ်ခြင်း(ပထမပိုင်း)မှာ ရက်ဖဲလ် ဆေးရုံက အုပ်ချုပ်မှု ဒါရိုက်တာ မစ္စစ် ဆူလိယီ နဲ့ စကားပြောခဲ့တဲ့အကြောင်း ရေးခဲ့ပါတယ်။ အားသာချက်၊ အားနည်းချက်သာမက သူတို့ဆေးရုံတွေရဲ့ အလားအလာကို ဆွေးနွေးခဲ့ပါတယ်။ မစ္စစ်ဆူက ဒီစကားကြားတော့ အတော်ဘဝင်ကျသွားတယ်။ နောက်တော့ နိုင်ငံရေး စီးပွားရေးအကြောင်းရောက်သွားပြန်တယ်။ လွန်ခဲ့တဲ့ သုံးနှစ်လောက်က ဒေါ်အောင်ဆန်းစုကြည် သူတို့ဆီမှာ မိန့်ခွန်းလာပြောဖူးပါတယ်တဲ့။ လူနှစ်ရာလောက်ကို မိန့်ခွန်းပြောတာ။ သူက ရှေ့ဆုံးတန်းက မျက်တောင်တချက် မခပ်ဘဲ နားထောင်ခဲ့တဲ့အကြောင်း ဂုဏ်ယူဝင့်ကြွားစွာ ပြန် ပြောပြတယ်။

ရက်ဖဲလ်ဆေးရုံကအပြန်မှာ ဒေါက်တာ ထိန်က နေ့လည်စာလိုက်ကျွေးပါတယ်။ ညနေပိုင်းမှာ ဒေါက်တာဇင်က ဈေးဝယ်ဖို့ လိုက်ပို့ပေးပါတယ်။နောက်ရက်တွေမှာ စင်္ကာပူဆေးရုံတွေကို အစဉ်တိုင်း သွားရောက်ခဲ့တယ်။ ဒီတခါကျတော့်ဘေးမှာ ဒေါက်တာဇင် မဟုတ်တော့ဘဲ အန်ဒရီရာ(Andrea)ပါလာတယ်။ အန်ဒရီရာက အသက်(၂၅)ဝန်းကျင် အင်ဒိုနီးရှားလူမျိုးတယောက်ပါ။ ကျတော်ကတော့ သူ့ကို အန်ဒရီလို့ပဲ ခေါ်တယ်။ အန်ဒရီက ulink မှာ လုပ်တာ (၅)နှစ်ကျော် ရှိပြီ။

စင်္ကာပူမှာ ဖန်ပြွန် သန္ဓေသားနဲ့ပက်သတ်ရင် နာမည်ကြီးသွန်မဆင်ဆေးရုံ(thomson hospital)ရှိပါတယ်။ ဆေးရုံရောကိတော့ ဝန်ထမ်းတွေက လာကြိုကြပါတယ်။ နောက်တော့ သန္ဓေသားဆိုင်ရာ ပါမောက္ခ Dr. Balaji Prasath နဲ့ ဆုံပေးတယ်။ ဒေါက်တာ ဘလာဂျီ ပရာဆက်က အိန္ဒိယလူမျိူးဖြစ်ပါတယ်။ အိန္ဒိယနာမည်တွေမှာ ရှေ့က Balaji ဆိုတာမိသားစု(မျိုးနွယ်စု)နာမည်ကို ခေါ်တာ။ Prasathကတော့ သူ့ရဲ့နာမည်။ အိန္ဒိယနဲ့ အနောကိနိုင်ငံ နာမည်ပေးတာချင်းမတူကြဘူး။ အနောက်နိုင်ငံတွေက မိသားစုနာမည်(family name)ကို နောက်မှာသာ ထားတယ်။ အိန္ဒိယလူမျိုးတွေက ရှေ့မှာထားလေ့ရှိတယ်။ ဒါ့ကြောင့် နာမည်ကို ခေါ်မယ်ဆိုရင် ဒေါက်တာ ပရာဆက်ပေါ့။

ဒေါက်တာ ပရာဆက်က ဖန်ပြွန်သန္ဓေသားနဲ့ ပက်သတ်ပြီး သိလိုသမျှကို ရှင်းပြပါတယ်။ သူတို့ဆီမှာ ဖန်ပြွန်သန္ဓေသားလုပ်ရင် အောင်မြင်မှု ရာခိုင်နှုန်း ဘယ်လောက်ရှိလဲ ပြောပြတယ်။ ဖန်ပြွန်သန္ဓေသား(IVF)သဘော က အသက်ကြီးလေ ရနိုင်ချေနည်းလေပါ။

• အသက် ၃၄ အောက်မှာ ၄၀ % 

• အသက် ၃၅-၃၇ ကြားမှာ ၃၁ %

• အသက် ၃၈-၄၀ အတွင်း ၂၁ %

• အသက် ၄၁-၄၂ အတွင်း ၁၁ %

• အသက် ၄၃ နဲ့ အထက်မှာ ၅ %

စသည်ဖြင့် မတူညီကြဘူး။ ယေဘုယျအားဖြင့် အသက်ကြီးလာတာနဲ့ ကလေး ရနိုင်ချေ နည်းသွားတယ်။  ဒါ့ကြောင့် ကလေးယူမယ်စိတ်ကူးရင် အသက်(၃၅)မတိုင်ခင် ကြိုးစားတာ အကောင်းဆုံးဖြစ်ပါတယ်။ 

နောက်ပြီး ကုန်ကျစရိတ်လည်း တွက်ပြတယ်။ ကုန်ကျစရိတ်က အပြီးအစီး မြန်မာငွေ သိန်း(၁၀၀)ကျော်လောက် ရှိတယ်။ သို့သော် စင်္ကာပူဥပဒေအရ ကလေးရဲ့ ကျား၊မ ကို မိဘက ရွေးချယ်ပိုင်ခွင့်မရှိပါဘူး။ သို့သော် ဖန်ပြွန်သန္ဓေသားအောင်မြင်မှုကတော့ တခြားအာဆီယံနိုင်ငံတွေထဲမှာ အကောငိးဆုံးဖြစ်တယ်။ သူနဲ့စကားပြောနေတုန်းမှာဘဲအခန်းထဲကို ဆေးရုံရဲ့ ဒါရိုက်တာ အဖွဲ့ဝင် မစ္စစ် အေးရစ် အေဗရာဟင် ရောက်လာပြီး သူ့ကိုယ်သူ မိတ်ဆက်တယ်။မစ္စစ် အေးရစ်က အသက်(၄၀)ဝန်းကျင် စင်္ကာပူနိုင်ငံသူ။ ဘေးမှာ အိတ်ဇက်ကတစ် ဂတ်စ်တီနီ လည်းပါလာတယ်။

သူတို့ရောက်လာတော့ ဆေးပညာကနေ ကိုယ်ရေးကိုယ်တာကိစ္စတွေ ရောက်သွားပါတော့တယ်။

တခါကျတော့ ကျတော်က ဒေါက်တာ ပရာဆက် ကိုမေးကြည့်တယ်။

"ဆရာက ဒေလီကဆိုတော့ ဆရာ့တိုင်းပြည်ကို သတိမရဘူးလား"

"ငါက ဒေလီဆိုပေမယ့် ဒေလီနားက ရွာကပါ"

"ကျတော်လည်း ဒေလီရောက်ဖူးတယ်။ အဲဒီက ပြန်လာကတည်းက "စီ" သုံးလုံးကို ကြောက်သွားတော့တာပဲ"

အဲတော့ မစ္စစ် အေးရစ်က" စီသုံးလုံးက ဘာလဲ"လို့ ဝင်မေးတယ်။ ကျတော်က သု့ကိုကြည့်ရင်း လက်ချုးပြလိုက်တယ်။ 

"ပထမ စီက chicken(ကြက်သား)၊ ဒုတိယ စီက car(ကား)၊ တတိယစီက curry powder(မဆလာပါတဲ့ဟင်း)၊ အိန္ဒိယက ပြန်ကတည်းက အဲဒီသုံးခုစလုံး လက်လန်သွားတာ အခုချိန်ထိပဲ"

မစ္စစ်အေးရစ်က ဒီစကားကြားတော့ အတော်မသတ်နိုင်အောင် ရယ်ပါတော့တယ်။

"မင်းက ပြောတတ်လိုက်တာ၊ ဒါဆို ငါတို့ဆီ ရောက်ရင်လည်း five C(စီငါးလုံး) သိမှ ရမယ်၊မင်းမကြားဖူးသေးဘူးထင်တယ်"

"ဟင့်အင်း မကြားဖူးဘူး"

"အဲဒါဆ်ိုသေချာလိုက်မှတ်၊ ပထမစီက cash, ဒုတိယစီက Car , တတိယစီက credit card, စတုတ္ထစီက condo, နောက်ဆုံးစီကတော့ country club membership တဲ့။ မင်း ဒီမှာနေရင် အဲဒီငါးခုရှိမှ လူရာဝင်တာ"

ဒေါက်တာ ပရာဆက် က ခေါင်းကုတ်ရင်း "ဟုတ်လား ငါတောင်မကြားဖူးဘူး"လို့ ဝင်ပြောတယ်။ အေးရစ် က ခေါင်းကို အသာညိတ်ပြရင်း "ဟုတ်တယ်။ တကယ် ရှိတယ်လေ၊ ရုပ်ဝတ္တုပိုင်ဆိုင်မှုကို အလေးထားကြလို့ ဒီလိုပဲဟာသအနေနဲ့ပြောကြတာပဲ"

အဲတော့မှ ကျတော်လည်း သူတို့ဆီက စီငါးလုံးကို ကြားဖူးတော့တယ်။ စကားပြောရင်း တော်တော်ရင်းနှီးသွားကြပါတယ်။ အဲဒီရင်းနှီးမှုကြောင့်ပဲ ထင်တယ်။ ကျတော်ပြန်ပြီး မကြာခင် ဖေဖော်ဝါရီထဲမှာ ချောကလက်နဲ့ လက်ဆောင်ပစ္စည်းတချို့ကို မစ္စစ် အေးရစ်က လှမ်းပို့ပေးခဲ့ပါတယ်။ (သူတို့ဆီမှာ ခင်ရင် ချောကလက်ပို့တဲ့ အလေ့အထရှိတယ်)

သူတို့နဲ့ စကားပြောတာ တနာရီလောက်ကြာမယ် ထင်ပါတယ်။ သူ့ဖက် ကို့်ယ်ဖက် အပြန်အလှန် အင်တာဗျူးတာတွေလည်းပါတယ်။ဒေါက်တာ ဘလာဂျီကလည်း မြန်မာနိုင်ငံရဲ့ အခြေအနေကို မေးတယ်။ ကျတော်ကလည်းသိသမျှ ပြန်ပြောခဲ့ပါတယ်။ နောက်တော့ ဒေါက်တာ ဘလာဂျီက ဖန်ပြွန်သန္ဓေသားလုပ်တဲ့နေရာတွေကို လိုက်ပြပေးတယ်။ ဓာတ်ခွဲခန်းတွေ၊  မျိုးဥ သိုလှောင်တဲ့ထိ အသေးစိတ် လိုက်ပြတယ်။ မျိုးဥသိုလှောင်တာက ပေါင်းအိုးလိုထဲမှာထည့်ရတာ။ ဒါတွေမြင်တော့ ကျတော်လည်း မနေနိုင်မထိုင်နိုင် လှမ်းစလိုက်မိသေးတယ်။

"ဇာတ်ကားတွေထဲကလို ကလုန်းတွေ ထွက်လာရင် ဒုက္ခဘဲနော်"

"အေးကွ၊ ငါလည်း အဲလိုတွေးဖူးတယ်၊လန့်စရာကြီး"လို့ ရယ်ရယ်မောမောပြောတယ်။ 

တကယ်တော့ ဒေါက်တာ ပရာဆက်က နှုတ်ခမ်းမွေးကားကား ပျော်တတ်နောက်တတ်သူပါ။  အင်ဒရီပြောလို့ သိတာက ကင်ဆာကြောင့် မျိုးဥအိမ်ဖြတ်ထုတ်ထားတဲ့ လူနာဆီက မျိုးဥယူပြီး သန္ဓေသားအေးခဲစေတဲ့နည်းနဲ့ ကလေးရအောင် ဆောင်ရွက်ပေးနိုင်ခဲ့တာ သူက ကမ္ဘာပေါ်မှာ ပထမဆုံးဆရာဝန်လို့သိရတယ်။ စင်္ကာပူမှာ laser assisted hatching နည်းသုံးပြီးအရင်ဆုံး အောင်မြင်ခဲ့တဲ့ ဆရာဝန်ကလည်း သူပဲတဲ့။ အသက်ကတော့ (၅၀)ဝန်းကျင်သာ ရှိဦးမယ်။ 

နောက်တော့ ဆေးရုံဒါရိုက်တာ ဒေါက်တာ loh seong feei နဲ့ ထပ်မံမိတ်ဆက်ပေးတယ်။ တွေ့တွေ့ချင်း ဒေါက်တာloh seong feei မြန်မာလူနာတွေနဲ့ ပက်သတ်ပြီး လိုအပ်သမျှ ကူညီဆောင်ရွက်ပေးမယ်လို့ ပြောပါတယ်။ မစ္စစ်အေးရစ်က အပြန်မှာ သူပိုင်တဲ့ ဆေးရုံတွေကို ခွဲခန်းထဲထိ လိုက်ပို့ပေးတယ်။ အပြန်မှာတော့ ဆေးရုံက ကျတော်နဲ့ အန်ဒရီအတွက် လက်ဆောင်ပစ္စည်းတချု့်ပေးပါတယ်။ 

နောက်ရက်တွေမှာ Mount Elizabeth novena, Mount Elizabeth orchard, glenealges, mount alvernia စတဲ့ဆေးရုံတွေသာမက lasik surgery လုပ်တဲ့ ဆေးရုံတွေက်ု ရောက်ခဲ့ပါတယ်။ ကျတော့်အကျင့်က ရောကိတဲ့နေရာ အင်တာဗျူးတတ်တာ။ SOG က အိုဂျီအထူးကု ဒေါက်တာ လီကင်ဝိန်း ဆိုရင် ရန်ကုန်တက္ကသိုလ်မှာ အင်္ဂလိပ်စာ သင်ဖူးတယ်လို့ဆိုပါတယ်။ ဓာတ်ပုံတချို့ ထုတ်ပြတယ်။ သူ့ဓာတ်ပုံကြည့်ရင်း နှစ် (၅၀)ကျော်အတွင်း အရှေ့တောင်အာရှရဲ့ အကောငိးဆုံးတက္ကသိုလ်အဆင့်ကနေ လက်ရှိအခြေနေထိ ကျဆင်းသွားတာ ဘာ့ကြောင့်ဆိုတာ ဝေခွဲရခက်နေခဲ့တယ်။နောက်နှလုံးအထူးကုဆရာဝန်ကလည်း ရန်ကုန်မှာ စာသင်ဖူးတယ်လို့ ပြန်ပြောပြတယ်။ သူကပဲ ဗားမားကနေ ဘယ်လိုလုပ် မြန်မာဖြစ်သွားလည်း မေးလို့ ဖြေခဲ့ရသေးတယ်။ စင်္ကာပူးရီးယန်းတွေ မြန်မာကိုသိနေပါသေးတယ်။ ဒါပေမယ့် သိပုံချင်းတော့ ကွာခြားလိမ့်မယ် ထင်တယ်။ 

ဒီတခေါက်သွားဖြစ်တာ စင်္ကာပူဆေးရုံတွေရဲ့ ဖိတ်ကြားချက်မို့ အထူးဂရုစိုက်ကြတယ်။ဆေးရုံတွေရဲ့ တိုးတက်ပြောင်းလဲမှုကြည့်ပြီး အားကျပေမယ့် စိတ်ဓာတ်မကျခဲ့ပါ။ အခြေခံ အဆေက်အအုံ၊လုပ်နိုင်စွမ်းနဲ့ စက်ပစ္စည်းမှာ သူတို့က သာပေမယ့် မြန်မာဆရာဝန်တွေလည်း မညံ့ကြပါ။ သူတို့ကိုယ်တိုင် ဒီအချက်ကို လက်ခံထားတာ တွေ့ရတယ်။ တချုိ့ ထိပ်ပိုင်းရာထူးတွေထိ ပိုင်ဆိုင်ထားတယ်။ အားတက်စရာက လူ့စွမ်းအားအရင်းအမြစ်။ ဟိုမှာလုပ်နေတဲ့ မြန်မာသူနာပြု ဆရာမတွေနဲ့ တွေ့ဆုံခဲ့ပါသေးတယ်။ သူတို့လည်း ဖြစိနိုင်ရင် ပြန်လာချင်နေပြီ။ တချို့လည်း ပြန်လာမယ် ပြောတယ်။ ကျန်းမာရေးအဆင့်အတန်း အလားအလာကို သုံးသပ်ရရင် အကောင်းဖက်ကသာ မြင်တယ်။ သေချာတာတော့ စင်္ကာပူဆေးရုံတွေကို မြန်မာလူမျိုးတွေ ပိုသွားနိုင်စရာရှိတယ်။သွားရင် အဆင်ပြေဖုိ့လည်းလိုတယ်လို့ ယူဆပါတယ်။ 

စင်္ကာပူကိုဆေးသွားကုရင် ဘာလုပ်သင့်လဲ

(၁) မိမိနှစ်သက်ရာ ကုမ္ပဏီတခုခုကို ကြိုတင်ဆက်သွယ်ပါ။  ဟော်တယ်၊ လေယာဉ်လက်မှတ်၊ဟိုရောက်ရင် အပို့၊အကြို စီစဉ်ခိုင်းပါ။ ( ulink နဲ့ ဆက်သွယ်တာတော့ အဆင်ပြေတယ်)

(၂) မန်းလေးက ဆိုရင် လေယာဉ်နဲ့ တိုက်ရိုက်သွားပါ။ ဟိုရောက်ရင် ချိတ်ထားတဲ့ ကုမ္ပဏီကို လာကြိုခိုင်းပါ။အစစ သူတို့ကို စီစဉ်ခိုင်းပါ။

(၃) အရေးကြီးတဲ့အချက်က မိမိနှစ်သက်ရာ ဆေးရုံတခုခုကို ဘိုကင် လုပ်ခိုင်းထားသင့်တယ်။ ဒါမှအချိန်ကုန် သက်သာမယ်။ သိသလောက် မြန်မာလူမျိုးတွေက Mount Elizabeth နဲ့ raffles ဆေးရုံတွေမှာ စစ်လေ့ရှိတယ်။ သူတို့ဆီမှာ နှလုံးနဲ့ ကင်ဆာ ကုတဲ့သူများတယ်။ ဖန်ပြွန်သန္ဓေသားလုပ်မယ်ဆ်ု thomson ရှိမယ်။ အရေပြားနဲ့ ပက်သတ်ရင်တော့ စင်္ကာပူက သိပ်မစွံလှပါ။ ပေါ်လစီအရ မျက်နှာပြုပြင်တာကို ထိန်းချုပ်ထားလို့ သိရတယ်။ 

(၄) ဆေးကုသစရိတ် အနည်းငယ်ကြီးပါတယ်။ တတ်နိုင်ရင်တော့လည်း ကောင်းပါတယ်။ အရေးကြီးတာက ကိုယ်ပြမယ့်ဆေးရုံနဲ့ ကိုယ်ကုပေးမယ့် ဆရာဝန်ကို ရွေးချယ်တတ်ဖို့ပဲ။ ဒါလည်း ကုမ္ပဏီတွေကို စီစဉ်ခိုင်းလို့ ရပါတယ်။စင်္ကာပူဆေးရုံ၊ ဆရာဝန်တွေနဲ့ ပက်သတ်လို့ တိုင်ပင်ချင်တာ၊ သိချင်တာရှိရင် 09792888622 ကို အခမဲ့လှမ်းမေးလို့ရပါတယ်။ 

လက်ရှိ ခေတ်ရဲ့ ပြောင်းလဲလာတဲ့ အနေထားအရ နိုင်ငံခြားတိုင်းပြည်တွေကို သွားရောက်မှု လျှော့ပါးသွားမယ်လို့မထင်မိပါ။ ကန့်သတ်လို့လည်း မရနိုင်ပါ။ လုပ်စရာတခုက ကိုယ့်ကျန်းမာရေးအဆင့်အတန်းကို မြှင့်တင်ဖို့သာ ဖြစ်နေပါတယ်။ တချိန်ချိန်မှာတော့ သူတို့ဆရာဝန်တွေ ကိုယ့်ဆီ တဖန်ပြန်လာပြီး လေ့လာဖို့ မျှော်လင့်နေမိပါတယ်။

ဒေါက်တာ အေးမင်းထူး

၂၁.၁.၁၇