အအေးမိတုပ်ကွေးပျောက်ဆေးတွေ ဘယ်လိုရွေးချယ်ကြမလဲ

                 
            ရာသီအကူးအပြောင်းမှာ အဖြစ်အများဆုံးရောဂါကိုပြပါဆိုရင်
အအေးမိတုပ်ကွေးရောဂါကိုပဲ လက်ညှိုးထိုးမိမယ်ထင်တယ်။ ဆေးရုံတွေ၊ အထူးသဖြင့်
ဆေးခန်းတွေမှာ ဒီလိုလူနာတွေ သိပ်ပေါတတ်တယ်။ ဒါကြောင့် တချို့ဆရာဝန်တွေက
ရောဂါလက္ခဏာတွေကို လူနာအရင်ပြောပြီး ကုတတ်ကြတယ်။ဗေဒင်တတ်လို့၊ အာရုံရလို့
မဟုတ်။အဖြစ်တတ်ဆုံးမို့လို့ မေးတတ်ကြတယ်။သို့သော် ဆရာဝန်တွေ
သင်ကြားတဲ့အထဲမှာ ဒီလို ဦးတည်ချက်နဲ့မေးတဲ့ မေးခွန်း(leading
question)မျိုးမေးဖို့ သင်ကြားပေးခြင်း မရှိဘူး။မေးတဲ့အခါ
ချောင်းဆိုးသေးသလား၊နှာကော စီးသလား။ ဒီလိုဖြစ်နိုင်ချေကိုသာ
မေးရမှာဖြစ်ပါတယ်။တချို့နေရာတွေမှာ သိပ်တတ်လွန်း၊ရှေ့ရောက်လွန်းရင်
မှားတတ်ပါတယ်။သာမန်မေးတာလောက်ပဲ အဆင်ပြေလိမ့်မယ်။နောက်သတိထားရမှာ တချက်က
မျက်စိနာတာ။မျက်စိနာရင်လဲ အအေးမိတုပ်ကွေးကြောင့်
ဖြစ်တတ်ပါတယ်။မိသားစုလိုက် ဖြစ်တတ်တယ်။တစ်ယောက်မှာ ဖြစ်ရင်
နောက်မိသားစုဝင်တွေ မဖြစ်အောင် အထူးသတိထားရတယ်။သတိပေးသင့်တယ်။အဆောင်နေ
ကျောင်းသားကျောင်းသူတွေ ပိုတောင်သတိထားရတယ်။မိသားစုနဲ့ ဝေးနေသူတွေအဖို့

မိမိဖာသာ ဂရုစိုက်နိုင်မှ တော်ကာကျလိမ့်မယ်။ဖြစ်နေကျဆိုပြီးပေါ့ဆလို့
မသင့်ဘူး။အအေးမိတုပ်ကွေးဖြစ်တဲ့သူတွေ ဘာလုပ်ကြလဲ။ဆေးဆိုင်တွေမှာ
အလွယ်ဝယ်ယူလို့ရတဲ့ အအေးမိတုပ်ကွေးပျောက်ဆေးတွေ ဝယ်သောက်ကြတယ်။တချို့
မသောက်ဘဲနဲ့ သက်သာသွားကြတာတွေလဲ ရှိတယ်။ခက်တာတခုက
သူများကောင်းတယ်ဆိုတဲ့ဆေးတွေကို ဝယ်သောက်နေကြတာပဲ။တချို့က
အအေးမိတုပ်ကွေးပျောက်ဆေး မဟုတ်ဘူး။ပါရာစီတမောပဲ ပါတဲ့ဆေးကို
အအေးမိတုပ်ကွေးပျောက်ဆေးထင်ပြီးသောက်နေကြတာပဲ။အအေးမိနှာစေးအတွက်
ဘိုင်အိုဂျက်ဆစ်၊ လန်းဆန်း စတဲ့ ပါရာစီတမော တမျိုးသာပါဝင်တဲ့ ဆေးမျိုးက
အသုံးဝင်မယ် မဟုတ်ဘူး။အအေးမိတုပ်ကွေးပျောက်ဆေးမှာ ပါရာစီတမောသာမက
အခြားသောဆေးတွေပါဝင်ပါတယ်။ဒီတော့ဘယ်လိုဆေးတွေကို
ရွေးချယ်သောက်သုံးကြမလဲ။ဘယ်လိုဆေးတွေ ပါဝင်သလဲ။ဘယ်လောက်ပမာဏ
သောက်သုံးသင့်သလဲ။ဒါတွေသိဖို့လိုလာတယ်။ရမ်းသမ်းပြီးသောက်တာ ထက်စာရင်
နဲနဲပါးပါးသိပြီးသောက်တော့ ပိုပြီးအဆင်ပြေတာပေါ့။နောက်တချက်က
ပါဝင်တဲ့ဆေးတွေကို ဖတ်ခြင်းဖြင့် နောက်ပိုင်းမှာ ကိုယ်သောက်တဲ့ ဆေးမှာ
ဘာပါလဲ။ဘယ်အချိန် expire ဖြစ်မှာလဲလောက် ကြည့်ဖြစ်တယ် ဆိုရင်ပဲ
ဒီဆောင်းပါးရေးရကျိုးနပ်ပါပြီ။များများဖတ်ပါ။ကြည့်ပါ။နားလည်အောင်
ကြိုးစားပါ။ဆေးဆိုတာ ဆရာဝန်တွေအလုပ်။ငါတို့နဲ့ မဆိုင်ဘူးလို့
မထင်စေချင်ဘူး။နောက်ပိုင်းမှာ
ဆိုင်ကောင်းဆိုင်လာလိမ့်မယ်။အအေးမိတုပ်ကွေးပျောက်ဆေးထဲမှာ
ပါဝင်တဲ့ဆေးတွေကြည့်လိုက်ရင် သိပ်ရှင်းတယ်။ကြိုက်တဲ့
အအေးမိပျောက်ဆေးယူကြည့်ပါ။အဓိက တွေ့ရမှာ
နှစ်မျိုးပဲ။ပါရာစီတမော(paracetamol) နဲ့
ဘာမီတွန်(burmeton)။ဒီနှစ်မျိုးက မပါမဖြစ်မို့ မင်းသားနဲ့ မင်းသမီးလို့
တင်စားရင်တောင် မမှားဘူး။ခက်တာက တချို့ဆေးတွေမှာ အများနားလည်တဲ့
ပါရာစီတမောလို့ မရေးပဲ အစီတက်မီနိုဖင်း(acetaminophen)ဆိုတာမျိုးတွေ၊
ဘာမီတွန်ဆိုရင်လဲ ကလိုဖီနရမင်း(chlorpheniramine) ဆိုတဲ့
ဆရာဝန်တွေပဲနားလည်မဲ့ ဆေးနာမယ်တွေရေးထားတော့ နားမလည်ကြဘူး။တကယ်က
အတူတူပဲ။အရပ်နားလည်တာက ပါရာစီတမော၊ဆေးစာခေါ်တော့ acetaminophen
ပဲ။လူအများသိကြတာက ဘာမီတွန်၊ဆေးစာလိုကြတော့
chlorpheniramine။အအေးမိတုပ်ကွေးဆေးအများစုမှာ ဘာမီတွန်ကို
chlorpheniramine အနေနဲ့ပဲ အသုံးပြုတာ တွေ့ရလိမ့်မယ်။ဒီနှစ်မျိုးသိရင်
အအေးမိတုပ်ကွေးဆေးတွေကို ကောင်းကောင်းဖတ်တတ်ပြီ။ အပြင်ဈေးကွက်မှာ
paracetamol ကို နံမယ် အမျိုးမျိုးနဲ့ တွေ့ရလိမ့်မယ်။ Biogesic တို့၊
Lensen တို့၊ Febrex စတဲ့ ဆေးတွေထဲမှာ paracetamol 500 mg တစ်မျိုးပဲ
ပါတယ်။ တစ်ခါက ဆေးခန်းရောက်လာတဲ့ ကျောင်းသူတစ်ယောက် ရဲ့ ဖခင်က “ဆရာ..
သမီးက lensen တော့တည့်တည် paracetamol တော့မတည့်ဘူး” ဆိုတာမျိုးတွေ
ပြောလို့ ရှင်းပြခဲ့ရဘူးတယ်။ ဘယ့်နှယ့် lensen နဲ့တည့်မှတော့ paracetamol
နဲ့ လဲ တည့်တော့မှာပေါ့။ ပါတာချင်းက အတူတူပဲဟာ။ ဒီဟာတွေ မသိတော့ Biogesic
သောက်မှ၊ lensen သောက်မှ သက်သာတာတို့ ဖြစ်လာတယ်။ ဖျားနေရင် သိပ်အစွဲအလန်း
ကြီးမနေပါနဲ့။ paracetamol ပါတာ တစ်ခုခု ကိုသောက်လိုက်ပါ။ လူကြီးဆိုရင်
တစ်ခါသောက် တစ်လုံး၊ သုံးကြိမ်မှ လေးကြိမ်ထိ သောက်နိုင်ပါတယ်။
ကလေးဆိုရင်တော့ ဆေးရဲ့ တစ်ဝက် (သို့မဟုတ်) သုံးပုံတစ်ပုံ
စသည်ဖြင့်သောက်သုံးရပါမယ်။ နောက်အဓိက ဆေးတစ်မျိုးက ဘာမီတွန်။ တစ်ချို့  က
ဘာမီတွန်ကို အိပ်ဆေးအနေနဲ့ သုံးကြတယ်။ အမှန်က ဘာမီတွန် ဆိုတာ
အိပ်ဆေးမဟုတ်ပါဘူး။ အဓိက ကတော့ allergy ဓါတ်မတည့် တဲ့ ရောဂါတွေ၊ အအေးမိ
နှာစေး စသည်တို့အတွက် အသုံးပြုကြတယ်။ အဲတော့ သူ့ရဲ့ ဘေးထွက်ဆိုးကျိုးက
အိပ်ချင်လို့ ဆိုပြီး အိပ်ဆေးအဖြစ် အသုံးပြုကြတယ်။ ဆေးစာတွေထဲမှာ
ဘာမီတွန် လို့မရေးပဲ chlorpheniramine အဖြစ်ရေး ကြလို့ မသိသူများတယ်။
ယေဘူယျ အားဖြင့် 4mg ပါဝင်တယ်။ တစ်နေ့ ကို သုံးကြိမ်၊ လေးကြိမ်
သောက်သုံးသင့်တယ်။ နှာစေးပျောက်ဆေး ပေးပါဆိုရင် ဆေးဆိုင်တွေ
အများဆုံးပေးမှာက cetirizine ပဲ။ သူက ဘာမီတွန် လောက်မအိပ်ချင်ဘူး။
သို့သော် နှစ်မျိုး လုံးကတော့ anti-histamine ချည်းပဲ။ cetirizine က
ဘာမီတွန်နောက်မှ ပေါ်တဲ့ဆေး။ ဘာမီတွန် နဲ့ အုပ်စုချင်း
တူမယ်။နောက်မျိုးဆက်ဖြစ်တယ်။ အအေးမိ တုပ်ကွေး ဆေးတွေထဲမှာ paracetamol
ကို အဖျားပျောက်ဆေး၊ နာကျင်ကိုက်ခဲမှု သက်သာစေဖို့ အတွက် အသုံးပြုပြီး၊
ဘာမီတွန်ကို နှာစေး၊ချောင်းဆိုး နဲ့ ဓါတ်မတည့်တဲ့ အခါမျိုးမှာသုံးတယ်။
အအေးမိ တုပ်ကွေး ဆေးတွေထဲမှာ အသုံးများတဲ့ နောက်ဆေးတစ်မျိုးက
decongestant ခေါ်တဲ့ နှာရည်ယို နှာပိတ် သက်သာစေတဲ့ ဆေးဖြစ်တယ်။ သူ့ရဲ
့အာနိသင်က သွေးကြောလေးတွေကို ကျဉ်းစေပြီး နှာရည်ယိုတာ
အဓိကနှာခေါင်းပိတ်တာကိုသက်သာစေတယ်။  phenylpropanolamine (PPA) ,
phenylephrine စတဲ့ဆေးတွေက အသုံးများတယ်။ သတိပြုဖို့ ကောင်းတဲ့ အချက်
တစ်ချက်ကတော့ ဒီလိုဆေးတွေကို နှစ်ပါတ်ထက် ပိုမိုမသောက်သုံးသင့်ဘူး။
ဒီဆေးသုံးမျိုးသိပြီဆိုရင် ဈေးကွက်ထဲမှာ ရနိုင်တဲ့ အအေးမိ တုပ်ကွေး
ပျောက်ဆေးတွေကို ဖတ်လို့ရပါပြီ ။ အောက်မှာ အသုံးများတဲ့
ဆေးတွေကိုဖော်ပြပေးလိုက်ပါတယ်။

• Nokole (paracetamol 500mg , chlorpheniramine 2mg)
• Decolgen (Acetaminophen 500mg, phenylpropanolamine 25mg, chlorpheniramine 2mg)
• Procold ( paracetamol 500mg, phenylpropanolamine 25mg, chlorpheniramine 2mg)
• Coldout (Paracetamol 500mg, phenylpropanolamine 25mg, chlorpheniramine 2mg)
• Fluza (Acetaminophen 500mg, phenylephrine 5mg, chlorpheniramine 2mg)
• Coldcap (Paracetamol 500mg, phenylephrine 5mg, chlorpheniramine 2mg)
• Neomixagrip (Paracetamol 500mg, phenylephrine 10mg, chlorpheniramine 2mg)
• Decolgen extra strength (Paracetamol 500mg, phenylephrine 10mg,chlorpheniramine 2mg)
• Sinexplus (paracetamol 500mg, dextromethophan 10mg, PPA 12.5mg, cetirizine 5mg)
• MixaFlu (paracetamol 120mg, dextromethophan 2.5mg, phenylpropanolamine10mg, chlorpheniramine 1mg)

   အထက်ပါဆေးတွေကိုကြည့်လိုက်ရင် ဘာမီတွန်ကို chlorpheniramine
လို့ရေးထားတာတွေ့ရလိမ့်မယ်။ ပါရာစီတမောကိုတော့ တစ်ချို့ဆေးတွေမှာ
acetaminophen အနေနဲ့ပဲ ရေးတာတွေ့ရလိမ့်မယ်။
Nokole မှာ ပါရာစီတမော နဲ့ ဘာမီတွန် နှစ်မျိုးပဲ ပါတယ် နှာခေါင်းပိတ်တဲ့
လူနာတွေအတွက် သိပ်အဆင်ပြေမှာ မဟုတ်ဘူး။ တစ်ခါသောက် တစ်လုံး။ တစ်နေ့
သုံးကြိမ်မှ လေးကြိမ်ထိ သောက်သုံးနိုင်တယ်။
Decolgen , Procold, Coldout ပါဝင်တာချင်းအတူတူဖြစ်မယ်။ အဓိက
သုံးမျိုးလုံးပါမယ်။PPAပါဝင်တယ်။
တစ်နေ့သုံးကြိမ်မှလေးကြိမ်ထိသောက်သုံးနိုင်တယ်။
Fluza , coldcap ဆေးသုံးမျိုးလုံးပါဝင်မယ်။ တစ်နေ့ သုံးကြိမ်မှ
လေးကြိမ်ထိသောက်သုံးနိုင်တယ်။
Neomixagrip နဲ့ decolgen extra strength တို့ က phenylephrine 10 mgထိ
ပါဝင်တာတွေ့ရလိမ့်မယ်။ နှာခေါင်းပိတ်တဲ့ လူနာတွေ သိပ်ဆိုးရင်အဆင်ပြေတယ်။
တစ်နေ့ သုံးကြိမ်မှ လေးကြိမ်ထိသောက်သုံးနိုင်တယ်။
Sinexplus မှာ ဘာမီတွန် အစား cetirizine ပါဝင်လာတာတွေ့ရလိမ့်မယ်။
နောက်ပါတာတစ်မျိုးက dextromethophan ။ ချောင်းခြောက်ဆိုးတဲ့ လူနာတွေ
အတွက်သင့်တော်တယ်။ အအေးမိနှာစေး နဲ့ချောင်းဆိုးပျောက်ဖို့  တွဲထားတဲ့
သဘောပဲ။တစ်နေ့ လေးကြိမ်တော့ သောက်သင့်တယ်။
Mixafluက ကလေးတွေအတွက် သီးသန့်ထုတ်လုပ်ထားတယ်။ပါရာစီတမော
ပမာဏကိုကြည့်ပြီး ကလေးသောက်သင့်သလား၊ လူကြီးသောက်သင့်သလား
ခွဲခြားနိုင်တယ်။အဓိကအားဖြင့် အသက်၂နှစ်မှ ၁၂နှစ်ထိ ကလေးတွေ
သောက်သုံးသင့်တယ်ဆိုရင် ပိုမှန်မယ်။တစ်ခါသောက် တစ်လုံး၊တစ်နေ့
သုံးကြိမ်မှ လေးကြိမ်ထိ တိုက်နိုင်တယ်။
အထက်မှာဖော်ပြထားတဲ့ဆေးတွေဟာ လက်လှမ်းမှီသမျှ ဖော်ပြထားခြင်းသာ
ဖြစ်ပါတယ်။တခြားဆေးတွေလဲ ရှိပါသေးတယ်။ပါဝင်တဲ့ဆေးတွေကိုသာကြည့်ပြီး
သုံးစွဲပါ။ဆေးကြေငြာသလို ဖြစ်သွားရင် ခွင့်လွှတ်စေချင်တယ်။သုံးစွဲသူတွေ
နားလည်လွယ်အောင် တင်ပြချင်းသာဖြစ်ပါတယ်။အအေးမိတုပ်ကွေးပျောက်ဆေးတွေကို
၂နှစ်အောက် ကလေးငယ်တွေ မတိုက်ကျွေးသင့်ဘူးဆိုတာ သတိပြုပါ။ကလေးတွေအတွက်
ဆရာဝန်နဲ့ ပြသတာ အသင့်တော်ဆုံးပါ။အအေးမိတုပ်ကွေးဖြစ်တဲ့ အခါ
ဆေးတွေကိုမိမိဘာသာ ရွေးချယ်အသုံးပြုနိုင်စေရန် ရည်သန်လျက်….။

ဒေါက်တာ အေးမင်းထူး