Rose water နှင်းဆီရည်သုံးခြင်း

နှင်းဆီရည် သမိုင်းကြောင်းက အီဂျစ်အလှဘုရင်မ ကယ်လီယိုပက်ထရာက စတယ်လို့ ဆိုနိုင်တယ်။ အလှအပမှာနာမည်ကြီးတဲ့ ကယ်လီယိုပက်ထရာဟာ နှင်းဆီရည်နဲ့ ရေချိုးလေ့ရှိတယ်လို့ သမိုင်းသုတေသီတွေက ဆိုပါတယ်။နှင်းဆီရည်ကို အရှေ့အလယ်ပိုင်းဒေသမှာ စတင်သုံးစွဲခဲ့ကြတယ်။ (၁၁) ရာစုမှာ ခရူးဆိတ်စစ်ပွဲဖြစ်တော့ အလယ်ပိုင်းကနေ ဥရောပထိ ရောက်လာပါတယ်။ ဥရောပရောကိတော့ အလယ်ပိုင်းတခေတ်လုံး အစားမစားခင် နှင်းဆီရည်နဲ့ လက်ဆေးတဲ့ အလေ့အကျင့်ဟာ ပေါ်ပေါက်လာခဲ့တယ်။ ပူအိုက်တဲ့အိန္ဒိယလိုနိုင်ငံမှာတော့  မျက်နှာဖြန်းဆေးအနေနဲ့ သုံးတယ်။ မင်္ဂလာဆောင်တွေမှာလည်း ကျက်သရေမင်္ဂလာတိုးဝေအောင် နှင်းဆီရည်ပက်ဖြန်းတဲ့ အလေ့အထမျိုး လုပ်ကြတယ်။ မူစလင်၊ ဟိန္ဒူ၊ ဇိုရိုအက်စတာ ဘာသာရေးအခမ်းအနားတွေမှာ နှင်းဆီရည်ကို နံ့သာရည်အဖြစ်လည်း သုံးစွဲကြတယ်။

အစားအသောက်တွေထဲမှာလည်း နှင်းဆီရည်ကို အသုံးပြုခဲ့ကြတယ်။ အီရန်မှာ လက်ဖက်ရည်၊ ရေခဲမုန့်၊ ကွတ်ကီးမုန့်တွေမှာ ထည့်သွင်းကြတယ်။ မလေးရှားနဲ့ စင်္ကာပူမှာ နွားနို့နဲ့ နှင်းဆီရည်ရောစပ်ဖျော်ထားတဲ့ bandung ဖျော်ရည်က ခေတ်စားလှတယ်။ နွား နို့စစ်စစ်ကို အနီရောင် နှင်းဆီရည်ရောစပ်လိုက်တဲ့အခါ သောက်ချင့်စဖွယ် ဖျော်ရည်ဖြစ်လာတယ်။ rose syrup ဆိုတာ တမျိုးရှိသေးတယ်။ rose water ကို သကြားပေါင်းထည့်ထားတာ ဖြစ်ပါတယ်။ 

နှင်းဆီပွင့်ဖတ်ကို ပေါင်းခံရာက ထွကိလာတဲ့ အဆီကို rose oil လို့ ခေါ်ပါတယ်။ နှင်းဆီရည်မှာပါတဲ့ rose oil က သွေးပေါင်ကျစေရုံမက ခေါင်းမူးခေါင်းကိုက်အတွက်ပါ အသုံးဝင်တယ်။နှင်းဆီရည်တခုမှာ rose oil 10-50% ထိပါတယ်။ ဆေးပညာမှာ နှငိးဆီရည် သုံးတာမျိုးရှိတယ်။ အစာမကြေတာ၊ ဝမ်းချုပ်တာ၊ သွေးဝမ်းသွားတဲ့အခါမျိုးမှာသုံးခဲ့ကြတယ်။ အရောင်ကျစေတဲ့ အာနိသင်ရှိလို့ အနာရောဂါတွေမှာလည်း သုံးခဲ့ကြတယ်။ 

နှင်းဆီရည်(rose water) ကို နှင်းဆီပွင့်ဖတ်ကို ပေါင်းခံပြီး ထုတ်လုပ်ရတယ်။ အရေပြားအတွက် နှင်းဆီရည်က အထူးကောင်းမွန်ပါတယ်။ အသားအရေတင်းရင်းစေပြီး အစိုဓာတ်ကို ထိန်းပေးတယ်။ အဆီပြန်ခြင်းကင်းစေတယ်။သွေးလည်ပတ်မှုအားကောင်းစေပြီး အသားအရည်ကြည်လင်ဝင်းပစေတယ်။ ဒါ့ကြောင့် နှင်းဆီရည်ကို အသားအရေတိုင်းအတွက် အသုံးပြုနိုင်တယ်။ 

အာနိသင်များ

(၁) နှင်းဆီရည်ဟာ အရေပြားရဲ့ မျှခြေ(skin pH) ကို ထိန်းသိမ်းပေးတယ်။ ဒါ့ကြောင့် မျက်နှာအဆီပြန်ခြင်း ကင်းဝေးစေတယ်။

(၂) နှင်းဆီရည်ဟာ အရောင်ကျတဲ့ အာနိသင်ရှိတယ်။ ဒါ့ကြောင့် ဝက်ခြံ၊ အရေပြားရောင်တာ၊ ရဲတာအတွက် အသုံးဝင်တယ်။

(၃) ရေဓာတ်ကို ပြန်လည် အားဖြည့်ပေးလို့ အစိုဓာတ်ကို ထိန်းပေးနိုင်တယ်။ အဆီနဲ့ အညစ်အကြေးတွေကို သန့်စင်ဖယ်ရှားပေးနိုင်တယ်။ ချွေးပေါက်ပိတ်ဆို့တာကို ကာကွယ်တယ်။

(၄) နှင်းဆီရည်မှာ ဗက်တီးရီးယားပိုးကို သန့်စင်ပေးနိုင်တဲ့ အစွမ်းသတ္တိရှိတယ်။ ဝက်ခြံ၊ အမာရွတ်နဲ့ ပြတ်ရှဒဏ်ရာအမျိုးမျိုး သုံးနိုင်တယ်။

(၅) အင်တီအောက်စီးဒင့် အာနိသင်ရှိတယ်။ ဆဲလ်တွေကို ပြန်လည်အားဖြည့်ပေးပြီး အရေပြားကို နူပျိုစေတယ်။မျက်နှာအရေးအကြောင်း၊ အတွန့်အခေါက်တွေ သက်သာစေတယ်။

(၆) နှင်းဆီရည်ဟာ အရေပြား တင်းရင်းစေတဲ့အာနိသင်ရှိတယ်။ ချွေးပေါက်ကျယ်သူတွေမှာ ရေနွေးငွေ့ ပေါင်းတင်ပြီး နှင်းဆီရည် ဖြန်းပေးခြင်းအားဖြင့် ချွေးပေါက်ကျဉ်းစေပြီး အဆီထုတ်လုပ်မှု လျှော့နည်းစေတယ်။

(၇) နှင်းဆီရည်ရဲ့ ရနံ့က လူ့စိတ်ကို ကြည်လင်လန်းဆန်းစေသတဲ့။ စိတ်ဖိစီးမှုကို လျှော့ပါးစေတယ်။

(၈) ဆံသားအတွက်လည်းကောင်းတယ်။ ဆံသားကို နူးညံ့ပျော့ပြောင်းစေပြီး နက်မှောင် သန်စွမ်းစေတယ်။ အစိုဓာတ်ကို ထိန်းပေးလို့ ဦးရေပြားခြောက်သွေ့ယားယံတာမျိုး မဖြစ်နိုင်ပါ။ ဗောက်ထခြင်းကို သက်သာလျှော့ပါးစေတယ်။တချု့်က ဆံပင်သန်ဆေးအနေနဲ့လည်း သုံးကြတယ်။

ဘာတွေအသုံးဝင်လဲ

ချွေးပေါက်ကျဉ်းအောင်

နှင်းဆီရည်ကို ရေခဲသေတ္တာထဲ အချိန်ခဏမျှကြာအောင် ထည့်ပါ။ ပြီးရင် အေးမြတဲ့ နှင်းဆီရည်ကို ဂွမ်းစနဲ့ယူပြီးမျက်နှာတပြင်လုံးလိမ်းပါ။ ချွေးပေါက်ကျဉ်းရုံမက အသားအရေကိုပါ တင်းရင်းချောမွေ့စေတယ်။

ဝက်ခြံသက်သာအောင်

ဝက်ခြံပျောက်ကင်းသက်သာစေဖို့လည်း အသုံးပြုနိုင်ပါတယ်။ နှင်းဆီရည် တစ်ဇွန်းနဲ့ ရှောက်ရည် တစ်ဇွန်း ဆတူရောပြီး ဝက်ခြံထွက်တဲ့နေရာမှာ လိမ်းပါ။ နာရီဝက်ကြာအောင် ထားပါ။ ပြီးရင် ရေအေး မျက်နှာပြန်သစ်ပါ။ 

ရွှံ့စေးနဲ့ရောစပ်အသုံးပြုနိုင်

နောက်တစ်နည်းက ရွှံ့စေးပေါင်းတင်တာ ဖြစ်ပါတယ်။ fuller's earth (multani mitti) အမှုန့်ကို နှင်းဆီရည်နဲ့ရောပြီးမျက်နှာကို လိမ်းပေးလို့ရတယ်။ ခြောက်သွားရင် ရွှံ့စေးမျက်နှာဖုံးကို ခွာလိုက်ပါ။ ပြီးရင် ရေနဲ့ မျက်နှာသစ်ပါ။ အဆီပြန်ခြင်းအတွက်သာမက ဝက်ခြံပုန်းတွေကိုပါ လျှော့ပါးသက်သာစေမှာဖြစ်တယ်။

facial cleanser အနေနဲ့သုံးခြင်း

နှင်းဆီရည်ကို မျက်နှာသန့်ဆေးအနေနဲ့လည်းအသုံးပြုနိုင်ပါသေးတယ်။ နှင်းဆီရည် ထမင်းစားဇွန်း တစ်ဇွန်းစာထဲအလှဆီ လေး-ငါးစက် ခန့် ထည့်ပါ။ပြီးရင် မျက်နှာပေါ်လိမ်းပါ။

မျက်အိတ်ဖောင်းတာသက်သာအောင်

မျက်အိတ်ဖောင်းတဲ့အခါ ညအိပ်ရာဝင်ခါနီးတိုင်း မျက်လုံးအိတ်မှာ ဂွမ်းစနဲ့ တို့လိမ်းပြီး အိပ်ပေးနိုင်ပါတယ်။ 

မိတ်ကပ်ဖျက်ဆေး

မိတ်ကပ်ဖျက်ဆေးအနေနဲ့လည်း အသုံးပြုနိုင်တယ်။ နှင်းဆီရည်ကို အုန်းဆီနဲ့ ရောပြီး မိတ်ကပ်လိမ်းထားတဲ့ မျက်နှာပေါ်သန့်စင်ပါ။ ပြီးရင် ခပ်ဖွဖွသုတ်ပါ။ အံ့သြစရာကောင်းလောက်အောင် သန့်စင်သွားတာ တွေ့ရပါလိမ့်မယ်။

ဆံသာပျော့ပြောင်းအောင်

ရှန်ပူတွေနဲ့ ခေါင်းလျှော်ပြီးတဲ့အခါ နှင်းဆီရည်နဲ့ ထပ်မံဆေးကြောခြင်းအားဖြင့် ဆံသားပျော့ပြောင်းရာမှာ အထောက်ကူပြုတယ်။ 

ဆံသားခြောက်သွေ့သူများအတွက်

 နှင်းဆီရည်နဲ့ အလှဆီကို ဆတူရောပြီး ဦးရေပြားပေါ်လိမ်းပေးပါ။ လိမ်းနေစဉ် ဆယ်မိနစ်ခန့် ကြာအောင် နှိပ်နယ်ပေးသင့်တယ်။ ပြီးရင် မိနစ်(၃၀)ခန့် ထားပါ။ အားလုံးပြီးရင် ခေါင်းလျှော်လို့ ရပါပြီ။ 

body lotion 

နှင်းဆီရည်ကို ဗာဒံဆီနဲ့ ရောရင် body lotion လိုးရှင်းအနေနဲ့လည်း သုံးလို့ရပါတယ်။ အရေပြား အစိုဓာတ်ကို ထိန်းပေးမှာဖြစ်ပါတယ်။

နှင်းဆီရည်သုံးနည်း

နှင်းဆီရည်ကို မျက်နှာပေါ်ဖြန်းပက်ပေးပါ။ တချို့က မိတ်ကပ်ပေါ်လည်း ပက်ဖြန်းကြပါတယ်။ မနက်စောစော ပက်ဖြန်းထားခြင်းအားဖြင့် နုပျိုလန်းဆန်းတဲ့ မျက်နှာတခုကို ပိုင်ဆိုင်နိုင်မှာ ဖြစ်ပါတယ်။

ဒေါက်တာအေးမင်းထူး

၂၆.၆.၁၇