သားသားလိုချင်လား မီးမီးလိုချင်လား

မိသားစုရယ်လို့ဖြစ်လာရင် လူတိုင်းက မိမိတို့ရဲ့ မျိုးဆက်၊ရင်သွေးကို တောင့်တတတ်ကြစမြဲပါ။  ယောကျာင်္းလေးပဲရရ၊မိန်းကလေးပဲ ရရ ဘာဖြစ်ဖြစ် ချစ်မယ်ဆိုတာက မိဘတွေရဲ့ စစ်မှန်တဲ့မေတ္တာဖြစ်ပါတယ်။ ကိုယ့်မိသားစုဘဝထဲကို ဝင်လာမယ့်ကလေးကို မိဘတိုင်းက တန်ဖိုးထားကြတယ်။ဒါပေမယ့် တဖက်မှာလည်း မျိုးရိုးဆိုတာက ရှိနေပြန်တယ်။ အထူးသဖြင့် ကမ္ဘာ့လူဦးရေအများဆုံးဖြစ်တဲ့ တရုတ်နဲ့ အိန္ဒိယနိုင်ငံတွေမှာ သားယောကျာင်္းက ပိုအရေးပါလို့ ယောကျာင်္းလေးမွေးအောင် နည်းမျိုးစုံကြိုးစားလာတယ်။ တရုတ်နိုင်ငံမှာ  သားယောကျာင်္းလေးမဟုတ်ရင် ကိုယ်ဝန်ဖျက်ချပစ်တယ်။ ကျား၊မ
ကွာခြားမှုကြောင့် ကလေးဖျက်ချသူက တရုတ်နိုင်ငံမှာတင် ၃၄ရာခိုင်နှုန်းထိရှိတယ်။ ဒါမျိုးကို sex-selective abortion လို့ ခေါ်ပါတယ်။ ရလာဒ်ကတော့ မိန်းကလေးဦးရေ နည်းပါးလာပြီး ယောကျာင်္းလေးဦးရေ ပိုများလာတယ်။ ကျား၊မအချိုးအစား ကွာဟချက် ကြီးလာတယ်။ ကမ္ဘာ့အနောက်ခြမ်းမှာ မိန်းကလေးဦးရေပိုများပေမယ့်
ကမ္ဘာ့အရှေ့ခြမ်းမှာတော့ ယောကျာင်္းလေးဦးရေက တနေ့တခြား သိသိသာသာပိုများလာခဲ့တယ်။ လက်ရိ်ှကမ္ဘာမှာ ယောကျာင်္းလေး ၁၀၁ယောက်ရှိတိုင်း မ်ိန်းကလေး အယောက် ၁၀၀သာ ရှိတယ်။ တနည်းအားဖြင့် မိန်းကလေးတွေတန်ဖိုး ပိုတက်လာစေတယ်။

ကိုယ်ဝန်ဆောင်တဲ့ဖြစ်စဉ်ကို လေ့လာကြည့်ရင် မိခင်ဖက်က မျိုးဥနဲ့ ဖခင်ဖက်က သုတ်ပိုး ပေါင်းစပ်ပြီးမှ သန္ဓေအောင်ပါတယ်။ သန္ဓေမအောင်ခင် မျိုးဥကြွေချိနိကို အရင်ဆုံးသိသင့်တယ်။ ရာသီသွေးပုံမှန်ဆင်းသူတွေဟာ လလယ်ရက်တွေမှာ မျိုးဥကြွေလေ့ရှိပါတယ်။ ၂၈ရက်တခါ ရာသီပေါ်သူတွေဟာ လလယ်ရက်ဖြစ်တဲ့ ၁၃-၁၄ရက်တွေမှာ မျိုးဥကြွေတတ်တယ်။ တခါကြွေတဲ့ မျိုးဥတလုံးဟာ ၂ရက်ခံပြီး သုတ်ပိုးက ၃ရက်လောက်သာ ခံတယ်။ ဒီအချိန်အတွင်း အတူနေမှ မျိုးအောင်မှာ ဖြစ်ပါတယ်။မျိုးဥကြွေတဲ့အခါ သားဥအိမ်(ovary)မှာ ရှိတဲ့ မျိုးဥ(ovum)တလုံးက ထွက်လာပြီး သားဥပြွန်(Fallopian tube)တလျှောက် ဆင်းလာတယ်။ အဲဒီအချိန်မှာပဲ မွေးလမ်းကြောင်းထဲရောက်နေတဲ့ သုတ်ကောင်က သားအိမ်ကတဆင့် သားဥပြွန်ထဲ ဝင်လာပြီး မျိုးဥနဲ့ ပေါင်းစပ်မိတဲ့အခါ မျိုးအောင်တယ်(fertilisation)ဆိုတာ ဖြစ်လာတယ်။

မျိုးဥကြွေရက်သိဖို့ အလွယ်ဆုံးနည်းက ခန္ဓာကိုယ်အပူချိန် တိုင်းရတာဖြစ်ပါတယ်။ ဘာ့ကြောင့်လဲဆိုတော့ မျိုးဥကြွေချိန်မှာ ဟော်မုန်းကြောင့် ခန္ဓာကိုယ်အပူချိန်က ပုံမှန်ထက်မြင့်နေတတ်တယ်။ဒီအတွက် မနက်စောစော အိပ်ရာထမှာ တိုင်းထားသင့်တယ်။ ပိုသေချာအောင် LH surge ခေါ်တဲ့ ဟော်မုန်းစစ်ပြီး သိနိုင်တယ်။ LH surge ဆိုတာ သွေး(သို့)ဆီးထဲမှာ LHပမာဏရုတ်တရက် များလာတာကို ခေါ်ပါတယ်။ ကောင်းတာက တနေ့နှစ်ကြိမ်လောက် စစ်သင့်တယ်။ ပထမအကြိမ်ကို မနက်(၁၁)နာရီကနေ (၃)နာရီကြားစစ်ပြီး ဒုတိယအကြိမ်ကို ညနေ(၅)နာရီကနေ (၁၀)နာရီကြားစစ်ပေးရတယ်။ ဆီးစစ်တဲ့အခါ positive အပေါင်း ပြသည်အထိ အနည်းဆုံး  ၅ရက်လောက် ဆက်တိုက်စစ်ဖို့ လိုအပ်ပါတယ်။ ပုံမှန်အားဖြင့် LH ဟော်မုန်း တက်လာပြီး ၂၄နာရီမှ ၄၈နာရီအတွင်း မျိုးဥကြွေတတ်တယ်။  ထွက်လာတဲ့ မျိုးဥတွေဟာ ၂၄နာရီအတွင်း သုတ်ပိုးနဲ့ပေါင်းစပ်နိုင်မှ ကိုယ်ဝန်ရနိုင်တယ်။ ဒါ့ကြောင့် ကလေးလိုချင်သူတွေဟာ LH surgeဖြစ်ပြီး ၂၄နာရီနောက်ပိုင်းနဲ့ ၄၈နာရီအတွင်း အတူနေသင့်တယ်။

ကလေးတယောက်ရဲ့ ဖို၊မ လိင်သဘာဝကို မိဘတွေမှာ ရှိတဲ့ မျိုးဗီဇ ခရိုမိုဇုန်း(chromosome)ကနေသာ ဆုံးဖြတ်ပေးတယ်။ ကလေးတယောက်ဟာ မိခင်ဖြစ်သူဖက်က မျိုးဗီဇ X chromosomeကို ရရှိပြီး ဖခင်ဖြစ်သူဖက်က Y (သို့) X chromosomeကို မျိုးရိုးဆက်ခံရတယ်။ X chromosomeက မမျိုးစေ့ကို သယ်ဆောင်ပြီး Y chromosomeက ဖိုမျိုးစေ့ကို သယ်ဆောင်တယ်။ ကံကြမ္မာအရ မွေးဖွားလာတဲ့ကလေးဟာ မိန်းကလေး(XX) (သို့) ယောကျာင်္းလေး(XY)ဖြစ်ဖို့ အခွင့်အရေး ဆတူရှိတယ်။ ဒါပေမယ့် ခေတ်တွေက ပြောင်းလဲလာခဲ့ပါပြီ။ မိမိလိုချင်တဲ့ ကိုယ်ဝန်ကို ရွေးချယ်တဲ့ နည်းတွေ ပေါ်ပေါက်လာတယ်။ ဒီထဲမှာ ၁၉၆၀ ဝန်းကျင်လောက်မှာစတင်ပေါ်ပေါက်ခဲ့တဲ့ Shettles method ဆိုတာ နာမည်ကြီးတယ်။ ဒီနည်းလမ်းကို စနစ်တကျသုံးရင် ၇၀ရာခိုင်နှုန်းလောက် အောင်မြင်စေတယ်လို့ ဆိုပါတယ်။

Dr. Landrum Shettlesရဲ့အဆိုအရ ကလေးရဲ့ အဖိုအမဟာ ဖခင်ရဲ့ သုတ်ကောင်(sperm)မှာ ပါဝင်တဲ့ X(သို့)Y ခရိုမိုဇုန်းပေါ်မှာ အဓိက မူတည်တယ်။ အကယ်၍ ဖခင်ရဲ့ Y spermက မျိုးဥနဲ့အရင် တွေ့ပြီး ပေါင်းစပ်တဲ့အခါ ယောကျာင်္းလေးမွေးမှာဖြစ်ပြီး X spermက အရင်ရောက်ပြီး မျိုးဥနဲ့ပေါင်းစပ်တဲ့အခါ မိန်းကလေးမွေးမှာ ဖြစ်ပါတယ်။ သုတ်ကောင်တွေကို လေ့လာကြည့်ရင် Y ခရိုမိုဇုန်း သုတ်ကောင်က ခေါင်းလုံးတယ်။ သေးတယ်၊မြန်တယ်၊ ဒါပေမယ့် သိပ်ကြာကြာမခံဘူး။ အက်ဆစ်နဲ့တွေ့ရင် သေတာမြန်တယ်။ မမျိုးစေ့သယ်ဆောင်တဲ့ X ခရိုမိုဇုန်း သုတ်ကောင်က ခေါင်းပြားတယ်။ ဘဲဥပုံဖြစ်ပြီး နည်းနည်းကြီးမယ်။ လေးတယ်။နှေးတယ်။ ဒါပေမယ့် ကြာကြာပိုခံတယ်။ ဒီအချက်ကို အသုံးချပြီး သီအိုရီတွေ ထုတ်လာကြတယ်။ 

ဥပဒေသ(၁)

မွေးလမ်းကြောင်းက အယ်လ်ကာလီဖက်ရောက်လေ ယောကျာင်္းလေးရနိုင်ချေ များလေ ဖြစ်တယ်။ မျိုးဥကြွေခါနီး သားအိမ်ဝအကျွဲအချွဲက ပိုကျဲလာတတ်တယ်။ တနည်းအားဖြင့် အက်ဆစ်ဓာတ်နည်းလို့  သားအိမ်ဝကို ဖြတ်ပြီး သုတ်ကောင်တွေ ပိုဝင်နိုင်တယ်။ မြန်တဲ့ Y သုတ်ကောင်တွေက မျိုးဥနဲ့ အရင်တွေ့တဲ့အခါ ယောကျာင်္းလေးဖြစ်နိုင်ချေ အခွင့်အလန်း များလာတယ်။ ယေဘုယျအားဖြင့် ယောကျာင်္းလေးကိုယ်ဝန်ရဖို့ မျိုးဥမကြွေခင် ၂၄နာရီနဲ့ကြွေပြီး ၁၂နာရီအတွင်း အတူနေသင့်တယ်။ အကယ်၍ မိန်းကလေးကိုယ်ဝန်လွယ်ချင်တယ်ဆိုရင်တော့ မျိုးဥမကြွေခင် သုံးရက်လောက်ကြိုပြီး အတူနေသင့်တယ်။

ဥပဒေသ(၂)

လိင်ဆက်ဆံတဲ့ အနေအထား အရေးကြီးတယ်။ အတူနေစဉ် သားအိမ်ဝနဲ့ပိုနီးတဲ့ ဆက်ဆံနည်း ဥပမာ ကျောပေးအနေအထားမျိုးတွေက ယောကျာင်္းလေးမွေးဖို့ ပိုဖြစ်နိုင်တယ်။ဘာ့ကြောင့်လဲဆိုတော့ သားအိမ်ဝနဲ့ နီးတာကြောင့် ပိုမြန်တဲ့ သုတ်ကောင်က  အထဲမှာရှိတဲ့ မျိုးဥစီကို အရင်ရောက်မယ်။ ဒီအခါ Y spermက မျိုးအရင်အောင်ပြီး ယောကျာင်္းလေး ကိုယ်ဝန်ရှိလာနိုင်တယ်။ မျက်နှာချင်းဆိုင် အနေအထားက မိန်းကလေး ကိုယ်ဝန်ရနိုင်ချေ ပိုများစေတယ်။ 

ဥပဒေသ(၃)

ယောကျာင်္းကလေးမွေးဖွားဖို့ အတူနေစဉ်မှာ အမျိုးသမီးတွေမှာ organsm(ကျေနပ်စိတ်)ရဖို့လိုအပ်ပါတယ်၊ဘာ့ကြောင့်လဲဆိုတော့ organsmရရင် မွေးလမ်းကြောင်းက အရည်တမျိုးထုတ်ပေးတယ်၊အဲဒီအရည်က မွေးလမ်းကြောင်းကို အယ်လ်ကာလီဖက်ပိုရောက်စေလို့ Y sperm ဝင်ဖို့ လွယ်ကူသွားတယ်။ 

ဥပဒေသ(၄)

သားအိမ်ဝ အကျိအချွဲစေးပစ်ခြင်းကိုလျှော့နည်းစေဖို့ ဆေးသောက်နိုင်တယ်။ ချောင်းဆိုးပျောက်ဆေးတွေမှာ ပါဝင်တဲ့Guaifenesin က အရည်ကို ကျဲစေတာမို့ မျိုးဥမကြွေခင် ၅ရက်အလိုမှာ ကြိုသောက်ထားသင့်တယ်။ သားအိမ်ဝအကျိအချွဲလျှော့နည်းစေတာနဲ့အမျှ သုတ်ကောင်ဝင်ဖို့ အဆင်ပြေသွားစေတယ်။ အကောင်းဆုံးက အတူမနေခင် ၂နာရီအလိုမှာ Guaifenesin ပါတဲ့ ချောင်းဆိုးပျောက်ဆေးတမျိုးမျိုး သောက်ပေးသင့်တယ်။ 

ဥပဒေသ(၅)

လေ့လာမှုတွေအရ အစားအသောက်က ကလေးရဲ့ ဖို၊မ သဘာဝကို ၆ရာခိုင်နှုန်းလောက် ပြောင်းလဲ သက်ရောက်စေတာ တွေ့ရတယ်။  ဘာ့ကြောင့် လဲဆိုတော့ အစားအသောက်ကနေ မွေးလမ်းကြောင်းရဲ့pHပေါ်သက်ရောက်စေလို့ ဖြစ်တယ်။ ဥပမာ ယောကျာင်္းလေးလိုချင်တဲ့ မိခင်လောင်းတွေအနေနဲ့ ပိုတက်စီယမ်နဲ့ ဆိုဒီယမ် ပါတဲ့ အစားအစာတွေ များများ စားပေးသင့်တယ်။ မိန်းကလေးကိုယ်ဝန်ဆောင်ချင်တဲ့အခါ ကယ်လ်စီယမ်နဲ့ မဂ္ဂနီစီယမ်ကြွယ်ဝတဲ့အစားအစာမျိုးကို အဓိကစားပေးရတယ်။ 

ဘယ်လိုအစားအစာတွေ ရွေးချယ် စားမလဲ

ယောကျာင်္းလေး ကိုယ်ဝန်လွယ်ဖို့ပိုတက်စီယမ်ကြွယ်ဝတဲ့အစား(ဌက်ပျောသီး၊အာလူး) အပြင် အငန်ဓာတ်များတဲ့ အမဲသား၊ဝက်သား၊နီတဲ့အသား၊ဆားသိပ်ငါး၊ပုဇွန်ဆိတ်စတာတွေ ပိုစားပေးသင့်တယ်။ ကြက်ဥ၊ပဲအမျိုးမျိုး၊ပဲသီး၊ပဲတောင့်၊မှို၊ပြောင်း၊ပေါင်မုန့်၊သခွား၊ဖရုံ၊စပျစ်သီးခြောက် စတာတွေကလည်း ကောင်းတယ်။မိန်းကလေးကိုယ်ဝန်လိုချင်တဲ့အခါ ကယ်လ်စီယမ်နဲ့ မဂ္ဂနီစီယမ်ပါတဲ့ အစားအသောက်မျိုးကို ရွေးချယ်စားရတယ်။ ဥပမာ-နွားနို့၊ဒိန်ချဉ်၊ဒိန်ခဲ၊တို့ဖူးစတာတွေပိုကဲစားသင့်တယ်။ ဒါ့ပြင် ဟင်းနုနွယ်၊ပန်းဂေါ်ဖီစိမ်း၊စတော်ဘယ်ရီ၊ကြက်သွန်နီ၊ကြက်သွန်ဖြူ စတာတွေက မိန်းကလေးကိုယ်ဝန်ဆောင်ဖို့အားပေး အစားအသောက်တွေဖြစ်တယ်။ ယေဘုယျအားဖြင့် အက်ဆစ်များတဲ့၊ပူစပ်တဲ့ အစားအစာတွေက မိန်းကလေးကိုယ်ဝန်ရစေတယ်။ အောက်စဖို့တက္ကသိုလ်နဲ့ အိတ်စတာ တက္ကသိုလ်က လေ့လာမှုတွေအရ အချိုဓာတ်များတဲ့၊အင်နာဂျီကြွယ်ဝတဲ့အစားအစာတွေက ယောကျာင်္းလေး ဖြစ်နိုင်ချေပိုများတယ်လို့ တွေ့ရတယ်။ မနက်စာကို အစေ့အဆန်နဲ့ စားနိုင်ရင် ပိုကောင်းသေးသတဲ့။တချို့ကလည်း ကဖင်းပါတဲ့အချိုရည်(ကော်ဖီ၊ကိုလာ)ကို အတူမနေခင်ကြိုတင်သောက်သင့်တယ်လို့ဆိုပါတယ်။ ကဖင်းရဲ့အာနိသင်က သုတ်ကောင်ရဲ့ လှုပ်ရှားမှုကို တက်ကြွစေလို့ဖြစ်ပါတယ်။ 

ကိုယ်ဝန်ဆောင်တဲ့ နည်းအမျိုးမျိုးရှိတဲ့အနက် တရုတ်လူမျိုးတွေကတော့ Chinese lunar calendar ခေါ်တဲ့ ပြက္ခဒိန်နည်းနဲ့ တွက်ချက်ပြီး ကလေးယူကြတယ်။ ဒီနည်းက ကလေးယူမယ့် မိခင်ရဲ့အသက်အရွယ်ပေါ်မူတည်ပြီး လအလိုက် ယောကျာင်္းလေး၊မိန်းကလေးဖြစ်နိုင်ချေကို ကြိုတင်ခန့်မှန်းပေးတာ ဖြစ်ပါတယ်။ လွန်ခဲ့တဲ့ နှစ်၇၀၀ကျော်လောက်ကသုံးခဲ့တဲ့ ရှေးဟောင်းနည်းဖြစ်ပေမယ့် အခုချိန်ထိ မှန်ကန်တဲ့နေဆဲဖြစ်လို့ အသုံးများတယ်။ အရပ်ပြော နေ့ကောင်းရက်သားရွေးနည်းကတော့ လွယ်ပါတယ်။ မိန်းကလေးကိုယ်ဝန်ရအောင် "မ"ရက်တွေမှာ အတူနေထိုင်ကြည့်ပါ။ ယောကျာင်္းလေးလိုချင်ရင်တော့ နေ့တာရှည်တဲ့လတွေက အကောင်းဆုံးဖြစ်ပါသတဲ့။ 

ဒေါက်တာ အေးမင်းထူး

ရတနာပုံသတင်းစာ(၆.၁၀.၁၄)