Friday, July 8, 2016

ကလေးဉာဏ်ရည်ဖွံ့ဖြိုးအောင်

ကလေးတယောက်ဟာ ငယ်စဉ်ကတည်းက အာဟာရဓာတ်ပြည့်ဝဖို့ လိုပါတယ်။ ဒါမှ ဉာဏ်ရည်ဖွံ့ဖြိုးပြီး မှတ်ဥဏ်ကောင်းမှာဖြစ်တယ်။ ကလေး ဦးနှောက်ဟာ ကိုယ်ဝန်ဆောင်ပြီး ၃ပတ်ကတည်းက စတင်ဖွံဖြုိးနေပြီ ဖြစ်ပါတယ်။ ဒါ့ကြောင့် မိမိကလေးငယ် ဉာဏ်ရည်ဉာဏ်သွေး ကောင်းဖို့ ကိုယ်ဝန်ဆောင်စဉ်ကတည်းက သတိထားစားသင့်တယ်။


ကလေးမှတ်ဉာဏ်ကောင်းအောင် ကိုယ်ဝန်ဆောင်မိခင်တွေ ဘာစားသင့်လဲ။ အမြဲမေးခံရတဲ့ မေးခွန်းမျိုးဖြစ်ပါတယ်။ ပုံမှန်အားဖြင့် ကိုယ်ဝန်ဆောင်မိခင်တွေအနေနဲ့ နီတဲ့၊စိမ်းတဲ့၊ဝါတဲ့ အစားအသောက်တွေ များများစားပါလို့ အလွယ်ပြောလေ့ရှိတယ်။ ရှောင်စရာမရှိသလောက်ဘဲ ဆိုပါတော့။ အထူးသဖြင့် ငါးများများစားပေးဖို့ လိုအပ်ပါတယ်။ သို့သော် အပူအစပ်၊အငန်၊ ကော်ဖီ၊လက်ဖက်ရည်၊ အရက်၊ ဘီယာ၊ ဝိုင် စတာတွေတော့ တတ်နိုင်သမျှ ရှောင်သင့်တယ်။ ဆေးလိပ်၊ ဆေးရွက်ကြီးပါတာမှန်သမျှ မသောက်သင့်၊ မစားသင့်ပါ။ ရေများများသောက်တာ၊ အစေ့အဆန်စားတာမျိုးက ကလေးအတွက် ကောင်းကျိုးကိုသာ ဖြစ်စေတယ်။ နွားနို့၊ ဒိန်ချဉ်၊ ကြက်ဥ၊ ပဲအမျိုးမျိုး ထည့်စားသင့်တယ်။ အထူးသဖြင့် ကိုယ်ဝန် ၂၄ပတ်နဲ့ ၄၂ပတ်အတွင်း ကလေးဦးနှောက်ဖွံ့ဖြိုးမှုအမြန်ဆုံးအချိ်န်ဖြစ်လို့ အဆိုပါလတွေမှာ အာဟာရဓာတ်ကို သတိထားစားသုံးသင့်တယ်။ 

ဘာတွေစားမလဲ

ဆာဒင်း၊တူနာငါး - DHA
ဆာဒင်းငါးက အဆီပါတဲ့ငါးတမျိုးဖြစ်ပါတယ်။ ဉာဏ်ရည်ဖွံ့ဖြိုးစေတဲ့ docosahexaenoic acid (DHA) ဓာတ်ကြွယ်ဝတယ်။ ဦးနှောက် အာရုံကြောဖွံ့ဖြိုးမှုကို အားပေးတယ်။ တခြားငါးတွေထက် အားသာတာက ဦးနှောက်ဖွံ့ဖြိုးမှုကို ထိခိုက်စေတဲ့ မာကျူရီဓာတ်နည်းတာဖြစ်တယ်။ တခြားငါးတွေထက် အားသာတယ်။ ပိုကောင်းတာက ဒီငါးမှာ vitamin D ကြွယ်ဝတယ်။

ပဲနီကလေး - သံဓာတ်
ဦးနှောက်ကထွက်တဲ့ brain chemicals ထုတ်လုပ်မှုကို ဖြစိစေတယ်။
အာရုံကြော myelin
သံဓာတ်ချို့တဲ့မှုက အာရုံကြောဖွံ့ထွားမှုကို တားဆီးတယ်။ ကိုယ်ဝန်ဆောင်မိခင်လောင်းမှာ သံဓာတ်(iron) 14.8mg နေ့စဉ်လိုတယ်။ ပဲနီကလေး တခွက် စားခြင်းအားဖြင့် 12mg ရရှိတယ်။ဗီတာမင်စီကြွယ်ဝတဲ့ အစားအသောက်တွေ စားရင် သံဓာတ် စုပ်ယူမှုကို အားပေးတယ်။ အနောကိနိုင်ငံတွေမှာ ပဲနီစွပ်ပြုတ်ကို ခရမ်းချဉ်သီး၊ ဂေါ်ဖီစတာတွေထည့်ပြီးသောက်ကြတယ်။ 

ဟင်းနုနွယ်- ဖောလစ်အက်ဆစ်
စိမ်းတဲ့အရွက်ထဲမှာ ဖောလစ်အက်ဆစ်ပါတယ်။ သို့သော် ဖောလစ်သဘောက အပူချိန်မြင့်လာတာနဲ့ ပျက်ဆီးတတ်တယ်။ ဒါ့ကြောင့် နူးနေအောင် ကြော်လှော်ချက်ပြုတ်တာမျိုး မလုပ်သင့်ဘူး။ ဖောလစ်အက်ဆစ်က DNA ဆဲလ်သစ် ဖွဲ့စည်းမှုကို ဖြစ်စေတာကြောင့် ဦးနှောက်ဖွံ့ဖြိုးရာမှာ အထောက်ကူဖြစ်တယ်။ ဒါ့ပြင် ဆဲလ်တွေရဲ့ ဇီဝဖြစ်ပျက်မှု( cell metabolism )ကို ထိန်းချုပ်ပေးတယ်။ ဖောလစ်အက်ဆစ်က အာရုံကြောပျက်ဆီးမှုကို ကာကွယ်ပေးတယ်။ လူတယောက်ဟာ နေ့စဉ် ဖောလ်အက်ဆစ် 400mcg လိုအပ်တယ်။ ဟင်းနုနွယ်အရွက်ပြုတ် 180g ကနေ ဖောလစ်အက်ဆစ် 262.8mcg လောက်ရရှိနိုင်တယ်။

ဒိန်ချဉ် - အိုင်အိုဒင်း
ကိုယ်ဝန်ဆောင်မ်ိခင်တွေမှာ အိုင်အိုဒင်းဓာတ်ပြည့်ဝဖို့ အထူးလိုအပ်ပါတယ်။ အိုင်အိုဒင်း ချို့တဲ့ရင် မွေးလာတဲ့ကလေးက ဉာဏ်ရည်ချို့တဲ့တာဖြစ်နိုင်တယ်။ နွားနို့၊ ဒိန်ချဉ်က ပရိုတင်းဓာတ်လည်းပါတယ်။ ကလေးပေါင်ချိန်မပြည့်တာက်ု ကာကွယ်ပေးမယ်။ လူတယောက်ဟာ နေ့စဉ် အိုင်အိုဒင်း 140mcg လောက် လိူအပ်တယ်။ ဒီပမာဏကို ဒိန်ချဉ်တခွက်စာသောက်သုံးခြင်းအားဖြင့် ရရှိနိုင်ပါတယ်။ ဒါ့ကြောင့် ကိုယ်ဝန်ဆောင်ကတည်းက ဒိန်ချဉ်တခွက်သောက်ဖို့ တိုက်တွန်းပါတယ်။

ကြက်ဥ - choline
ကြက်ဥက အသားဓာတ်(protein) နဲ့ သံဓာတ်( iron) ကြွယ်ဝတဲ့အစားအစာဖြစ်ပါတယ်။ နေ့စဉ် ကြက်ဥတလုံးကနေ နှစ်လုံး စားပေးခြင်းကြောင့် မှတ်ဉာဏ်အားကောင်းစေတယ်။ ရေရှည်မှာ သင်ကြားမှု၊သင်ယူမှုကို အထောက်ကူပြုတယ်။ လူတယောက်ဟာ နေ့စဉ် choline 450mg လောက်လိုအပ်တယ်။ ကြက်ဥနှစ်ထဲမှာ choline 113mg ပါတယ်။ 

အခွံမာ အစေ့အဆန်- ဆီလီနီယမ်
ဆီလီနီယမ်က ဦးနှောက်ဖွံဖြိုးမှုအတွက် အရေးကြီးတဲ့ဓာတ်တမျိုးပါ။အစေ့အဆန်တွေထဲမှာ monounsaturated fats လည်းပါလို့ ဦးနှောက်ဖွံ့ဖြိုးမှုအတွက် အထောက်ကူပြုတယ်။လူတယောက်ဟာ နေ့စဉ် ဆီလီနီယမ် 60mcg လောက်လိုအပ်ပါတယ်။ သံလွင်ဆီ၊ ကြက်သွန်ဖြူစတာတွေမှာလည်း ဒီဓာတ်ပါတယ်။ ကိုယ်ဝန်ဆောင် မိခင်လောင်းတွေ နေကြာစေ့စားတာလည်း အတော် ကောင်းတယ်။

မြေပဲ - ဗီတာမင် အီး
မြေပဲက ကိုယ်ဝန်ဆောင်မိခင် နေ့စဉ်စားသင့်တဲ့ အစားအစာထဲမှာပါတယ်။ မြေပဲဟာ protein, niacin, monounsaturated fats နဲ့ folateဓာတ်တွေ ကြွယ်ဝတယ်။ ဗီတာမင်အီးပါလို့ ဦးနှောက်ဖွံ့ဖြိုးမှုကို အထောက်ကူပြုတဲ့ DHA ကိုပါ ဖြည့်တင်းပေးနိုင်တယ်။ကိုယ်ဝန်ဆောင်မိခင်သည်တယောက်ဟာ နေ့စဉ် ဗီတာမင် အီး 3mg လောက် လိုအပ်တယ်။ 

ဖရုံစေ့ - သွပ်ဓာတ်
ဦးနှောက်ဖွဲ့စည်းမှုအတွက် သွပ်ဓာတ်လိုပါတယ်။ အာရုံကြောလက်ခံဆဲလ်တွေ တည်ဆောက်ရာမှာလည်း အရေးကြီးတယ်။ ကိုယ်ဝန်ဆောင်မိခင်မှာ zinc 7mg လောက် လိုအပ်တယ်။ ဖရုံစေ့ ၁၀၀ ဂရမ်မှာ zinc 10mg ပါတယ်။ ဖရုံစေ့ရဲ့ အခွံအောက်မှာ အလွှာပါးတခုရှိတယ်။ အဲဒီအလွှာပါးထဲမှာပဲ zinc ဓာတ်များတာဖြစ်ပါတယ်။ ဒါ့ကြောင့် စားတဲ့အခါ အခွံမခွာဘဲစားရင် အာနိသင်ပိုရှိတယ်။ 

ကန်စွန်းဥ- beta carotene
ကန်စွန်းဥက beta carotene ကြွယ်ဝတယ်။ ခန္ဓာကိုယ်က beta caroteneကို vitamin A အဖြစ်ပြောင်းလဲနိုင်တယ်။ ဗီတာမင်အေက ဦးနှောက်ဖွံ့ဖြိုးမှုအတွက်ကောင်းတယ်။ နေ့စဉ် 700mcg ပမာဏလောက် လိုအပ်တယ်။ ကန်စွန်းဥ တလုံးနေ့စဉ်စားရုံနဲ့ အဆိုပါပမာဏကို ရရှိနိုင်ပါတယ်။ 

ထောပတ်သီး - monounsaturated fatty acid
ကလေးဦးနှောက်ရဲ့ ၆၀ ရာခိုင်နှုန်းလောက်က အဆီနဲ့ ဖွဲ့စည်းထားတယ်။ထောပတ်သီးမှာ oleic acid ဆိုတာပါတယ်။ oleic acidက အာရုံကြောဆဲလ်ကိုကာကွယ်ပေးတဲ့အလွှာ myelin ဖွဲ့စည်းမှုမှာလည်း ပါဝင်နေတယ်။ ဒါ့ကြောင့် ကလေးဉာဏ်ရည်ဖွံ့ဖြိုးဖို့ ထောပတ်သီး တနေ့တလုံးစားဖို့ လိုအပ်ပါတယ်။

ဒေါက်တာ အေးမင်းထူး
ရတနာပုံသတင်းစာ(၄.၇.၁၆)

No comments:

Post a Comment