body scrub နဲ့ အသားရေထိန်းသိမ်းမယ်

scrub ဆိုတာ အပေါ်ယံအရေပြားကို ကွာစေတဲ့ ပစ္စည်းတမျိုးဖြစ်ပါတယ်။ scrub ထဲမှ ခပ်ကြမ်းကြမ်း သဲလို ပစ္စည်းတမျိုး ပါရတယ်။ ဒါမှာ ပျက်ဆီးနေတဲ့ အပေါ်ယံအရေပြားကို ကွာကျစေမှာ ဖြစ်ပါတယ်။ လူ့အရေပြားမှာ အပေါ်ယံ epidermis နဲ့ အောက်လွှာ dermis ဆိုပြီး နှစ်လွှာရှိတယ်။ အရေပြားသဘောက နေ့စဉ်နဲ့အမျှ ပျက်ဆီးနေတယ်။ ဒါပေမယ့် ပျက်ဆီးသမျှ အပေါ်လွှာ(epidermis) က်ု အောက်လွှာ(dermis)က ဆဲလ်သစ်တွေနဲ့ အမြဲဖြည့်ဆည်းပေးနေရတယ်။ ပုံမှန်အားဖြင့် အပေါ်လွှာက တလမှာ တခါအရေပြားသစ်ပြောင်းလဲလေ့ရှိတယ်။ ဆဲလ်သေတွေရှိတဲ့ အသားအရေက ကြမ်းတမ်းနေတတ်တယ်။ ပတ်ဝန်းကျင် ညစ်ညမ်းမှုဒဏ်ကို ခံရတဲ့အခါ အပေါ်လွှာ ပျက်ဆီးလာတာနဲ့ အောက်လွှာက အသစ်အသစ်သော ဆဲလ်တွေက အမြဲထုတ်ပေးနေတယ်။ 

scrubဆိုတာ ပျက်ဆီးနေတဲ့ အပေါ်ယံဆဲလ်လွှာကို အမြန်ဆုံး ဖယ်ရှားပေးတာဖြစ်ပါတယ်။ ဆဲလ်သစ်တွေ ရှိတဲ့မျက်နှာဟာ အမြဲ နုပျိုချာမွေ့နေတယ်။ အမဲစက်၊အမာရွတ်တွေကို ကင်းစင်စေတယ်။  

အိမ်သုံးscrub လုပ်နည်း

(၁)မုန့်ဖုတ်ဆိုဒါ

ဆိုဒါက ဆဲလ်သေတွေဖယိရှားရာမှာ အသုံးများဆုံး ပစ္စည်းဖြစ်ပါတယ်။ နေ့စဉ် မျက်နှာသစ်ရာမှာ မုန့်ဖုတ်ဆိုဒါ ထမင်းစားဇွန်းတဇွန်းစာ လောက် လက်ဖဝါးထဲထည့်ပြီး မျက်နှာသစ်ဆပ်ပြာနဲ့ သုံးရုံနဲ့ ဆဲလ်တွေကို ဖယ်ရှားပေးနိုင်တယ်။ သုံးတဲ့အခါ လက်ဖဝါးကို စက်ဝိုင်းပုံ ပွတ်တိုက်ပေးရမှာ ဖြစ်ပါတယ်။ သွားတွေမှာလည်း အစွန်းအထင်းတွေ၊ဝါညစ်နေတာတွေကို ဖယ်ရှားချင်တဲ့အခါ သွားတိုက်ဆေးထဲ ထည့်င်္ပြး သုံးနိုင်တယ်။ 

(၂) သကြား

scrub လုပ်ရာမှာ အသုံးဝင်တယ်။ glycolic acidပါတယ်။ ဆဲလ်သစ်တွေကို ပွားများစေပြီး ဆဲလ်ဟောင်းတွေကို ပျကိဆီးစေတယ်။ သကြားခဲလေးတွေကို သံလွင်ဆီ၊ jojoba ဆီ (သို့) ဗာဒံဆီတို့နဲ့ ရောပြီး မျက်နှာကို ပွတ်ပေးရမှာ ဖြစ်ပါတယ်။ ၅မိနစ်ခန့်ထားပြီး ရေနွေးနဲ့မျက်နှာ ပြန်သစ်ပါ။ အမဲစက်ကင်းစင်တဲ့မျက်နှာမျိုး ပိုငိဆိုင်နိုင်မှာ ဖြစ်ပါတယ်။

(၃) ပင်လယ်ဆား

ပင်လယ်ဆားထဲမှာ သတ္တုဓာတ်များစွာပါတယ်။ အရေပြားကို နုပျိုပြီး အစိုဓာတ်ကို ထိန်းတယ်။ အရေပြားခြောက်သွေ့သူတွေအတွက် အထူးကောငိးမွန်တယ်။ ဆားကို လာဗင်ဒါဆီနဲ့ အရငိရောပါ။ပြီးရင် မိမိနှစ်သက်ရာ ဗာဒံဆီ၊ သံလွင်ဆီ၊ jojoba ဆီ တမျိုးမျိုးနဲ့ ထပ်ရောပါ။ မျက်နှာကို စက်ဝိုင်းပုံ လိမ်းပြီး ၅မိနစ်ခန့်ထားပါ။ပြီးရင် ရေနွေးနဲ့မျက်နှာ ပြန်သစ်ပါ။ 

(၄) အုတ်ဂျုံမှုန့်

sensitive သိပ်ဖြစ်တဲ့ အရေပြားမှာ အုတ်ဂျုံမှုန့်ကိုသာ သုံးသင့်တယ်။ အုတ်ဂျုံက သိပ်မကြမ်းဘူး၊ နူးညံ့တယ်။ အရေပြားက်ု ချောမွေ့စေတယ်။ အစိုဓာတ်လည်း ထိန်းတယ်။ အုတ်ဂျုံကို ပျားရည်(သို့) kefir (သို့) ဒိန်ချဉ်တမျိုးမျိုးနဲ့ ရောပြီး မျက်နှာကို ခပ်ဖွဖွ ပွတ်လိမ်းပေးပါ။ (၁၅)မိနစ်ခန့်ထားပြီး ထုံးစံအတိုင်း ကြက်သီးနွေးရေနဲ့ဆေးကြောပါ။ မကြာခင် သန့်စင်ကြည်လင်တဲ့မျက်နှာ လေးပိုင်ဆိုင်နိုင်မှာ ဖြစ်ပါတယ်။ 

scrub လုပ်ရာမှာ အသုံးဝငိတဲ့ ပစ္စည်းနှစ်မျိုးက Kefir နဲ့ ပျားရည်ဖြစ်ပါတယ်။ Kefirဆိုတာ ဒိန်ချဉ်လို နုိ့ထွက်ပစ္စည်းကို အချဉ်ဖောက်ထားတာပါ။ဒိန်ချဉ်ထက် ပိုကောင်းတာက Kefir ထဲမှာ လက်တစ်အက်ဆစ်ပါတယ်။ ဒိန်ချဉ်နဲ့ တူပေမယ့် ဗက်တီးရီးယား ပါဝင်မှုက ပုံမှန်ထက် အဆ(၄၀)ပိုများတယ်။ အာနိသင်က အစိုဓာတ်ထိန်းပြီး အရေပြားကို ချောမွေ့နူးညံ့စေတယ်။ 

ပျားရည်က အသားအရေကို ပြုပြင်ပေးတယ်။ အထဲမှာ ဓာတုဓာတ်စုံလင်စွာပါတယ်။ ပိုးသတ်တဲ့ အာနိသင်ရှိလို့ ဝက်ခြံအနာမှာ သုံးနိုင်တယ်။ အမိုင်နိုအက်ဆစ်ကြွယ်ဝစွာပါလို့ ဝက်ခြံအမာရွတ်ကို ကင်းစင်စေတယ်။ အစိုဓာတ်ကို လည်း ထိန်းပေးတယ်။ ပျားရည်ကို တခြား exfoliants(ဆဲလ်သေဖယ်ရှားပေးတဲ့ ပစ္စည်း) တမျိုးမျိုးနဲ့ တွဲသုံးရင် အာနိသင်ပိုကောင်းတယ်။ အရေပြားကိုလည်း နူးညံ့စေတာမို့ အိမ်သုံး scrub လုပ်တဲ့အခါ ထည့်သုံးသင့်တယ်။ 

ဒေါက်တာ အေးမင်းထူး

ရတနာပုံ သတင်းစာ(၂၈.၃.၁၆)