လူ့အရေပြားမှာ အလွှာသုံးလွှာရှိတယ်။အပေါ်ယံအရေပြား (Epidermis)၊ အလယ်လွှာ (Dermis) နဲ့ အောက်လွှာ(Hypodermic) ဆိုပြီး သုံးလွှာရှိတယ်။ အကြောပြတ်တယ်ဆိုတာ အပေါ်ယံအရေပြားရဲ့အောက် Dermis(အလယ်လွှာ)မှာရှိတဲ့ဆဲလ်တွေ ပုံမှန်ထက် ရုန်းဆန့်ရတာကနေ ဖြစ်ပေါ်လာတယ်။ ဥပမာ သားရေကွင်းတကွင်းကို မူလ ခံနိုင်တာထက် ပိုဆွဲဆန့်လိုက်ရင် ကွင်းကျယ်လာတယ်။ ဒီသဘောပါပဲ။ အရေပြားမှာ ကိုလာဂျင်တွေနဲ့ ဖွဲ့စည်းထားတာမို့ တွယ်ဆက်လွှာ(connective tissue)တွေက လိုအပ်တာထက်ပိုရုန်းဆံ့ရရင် အကြောပြတ်လာတယ်။ဖြစ်ကာစမှာ ပန်းရောင်အစင်းကြောင်းတွေအရင်ပေါ်လာပြီး အချိန် ကြာတာနဲ့အမျှ ငွေရောင်အစင်းကြောင်းတွေပေါ်လာတယ်။ အဲလိုအခါမျိုးမှာ ပျောက်ဖို့ခက်လာတယ်။
တကယ်တော့ အကြောပြတ်တာ ရောဂါတခုမဟုတ်ပါဘူး၊ သို့သော် လူမြင်ကွင်းလိုနေရာမှာဖြစ်ရင် ရှက်ရွံ့စရာ ၊အားငယ်စရာ ဖြစ်ကောင်း ဖြစ်နေတတ်တယ်။ အကြောမပြတ်အောင် လုပ်တဲ့ လက်တွေ့နည်းတွေရှိတယ်။ မြင်းခွာရွက်၊ ငါး၊ အရိုးနု နေ့တိုင်းစားတာကောင်းတယ်။ အရိုးနုက ကိုလာဂျင်ကို ဖြစ်စေတယ်။ အိမ်းသုံးနည်းထဲမှာ အလွယ်ဆုံးက မြင်းခွာရွက်ကို ညက်အောင်ကြိတ်ပြီး လိမ်းပေးရတာဖြစ်တယ်။ နောက်တနည်းက သံလွင်ဆီတဇွန်း၊ ကြက်သွန်နီတခြမ်းနဲ့ ရှားစောင်းလက်ပပ်အနှစ်က်ို ရောထောင်းပြီး အကြောပြတ်တဲ့နေရာ အုံပေးရင် သုံးလအတွင်းသိသိသာသာ သက်သာလာသတဲ့။ (တချို့လည်း ထောပတ်ထည့်တယ်)။ အဆိုပါနည်းတွေက stretch marks အကြောပြတ်စ အခြေအနေမှာ ကောင်းတယ်။ အဲဒါမှမရရင် လိမ်းဆေးတွေလိုလာတယ်။ ဆေးခန်းမှာ ဒီလိုလူနာတွေအတွက် ပေးနေကျလိမ်းဆေးသုံးမျိုးရှိတယ်။ နည်းနည်းတော့ ဈေးကြီးတယ်။
(၁) ဗိုက်ကြောပြတ်တာအတွက် - pregnacare တနေ့ နှစ်ကြိမ်
(၂) ဒူး၊လက်မောင်းအကြောပြတ်ရင် - scarlet X တနေ့ နှစ်ကြိမ်
(၃) ခပ်သေးသေး သိပ်မသိသာတဲ့နေရာတွေမှာ အကြောပြတ်ရင် - scagel တနေ့တကြိမ် လိမ်းခိုင်းတယ်။ လူနာတွေကို ပြန်ခေါ်ကြည့်တော့ အာနိသင်မဆိုးကြပါ။ တချို့လည်းပျောက်သွားကြတယ်။ အကြောပြတ်တာအတွက် ဆေးတွေလိမ်းတဲ့အခါ သုံးလ-ခြောက်လထိ လိမ်းပေးဖို့လိုပါတယ်။ ဖြည့်စွက်ဆေးအနေနဲ့ vitamin E 400mg နဲ့ biotin 5mg နေ့စဉ်ပေးရတယ်။ ဒီလိုသောက်ပေးခြင်းက အရေပြားအတွက်သာမက အကြောပြတ်ခြင်းကို ကာကွယ်ပေးတယ်။
ဒေါက်တာ အေးမင်းထူး
၂၉.၅.၁၆
No comments:
Post a Comment