Friday, November 2, 2012

ပြန်ဖြစ်တတ်တာ ပါးစပ်နာ


  လောကမှာ ရှောင်လွှဲလို့မရတဲ့ အရာတွေအများကြီးရှိပါတယ်။ သေခြင်းတရားကို ဘယ်သူမှ မရှောင်လွှဲနိုင်ဘူး။ ဆင်းရဲခြင်း၊ ချမ်းသာခြင်းစတဲ့ လောကဓံအနိမ့်အမြင့်တွေ ကိုလည်း ရှောင်လွှဲလို့မရဘူး။ ဆင်းရဲခြင်းဆိုတဲ့ နေရာမှာ စိတ်ဆင်းရဲတာ၊ ကိုယ်ဆင်းရဲတာ နှစ်ခုလုံးပါတယ်။ အာရုံငါးပါးခံစားနိုင်တဲ့ ခန္ဓကိုယ်ကြီးကိုက ဝေဒနာတွေခံစားနိုင်တယ်။  ဖြစ်၊ တည်၊ ပျက်သဘောအရ ကိုယ်ဖြစ်မယ်၊ တည်ရှိမယ်၊ ပျက်စီးမယ် ရှောင်လွှဲလို့မရနိုင်တဲ့အရာတွေဘဲ။ အဲ့ဒီလိုဘဲ လူ့ခန္ဓာကိုယ်ကြီးကလည်း နေရာတိုင်းမှာတည်ရှိနေတဲ့ ပိုးမွှားတွေရန်က ရှောင်လွှဲလို့မရဘူး။ နေ့စဉ်နေ့တိုင်းရှုရှိုက်နေတဲ့လေထဲမှာ
ပါနေတဲ့ပိုးမွှားတွေဟာ ခန္ဓာကိုယ်ထဲ ဝင်ရောက်နေပေမယ့် တစ်ခါတစ်လေမှသာ လက္ခဏာပြကြတယ်။ တော်တော်များများကို ခန္ဓာကိုယ်ကတိုက်ခိုက်ပြီး ဖြစ်နေတော့ဝင်မှန်းတောင်မသိလိုက်ကြဘူး။ နာတယ်၊ ကျင်တယ်၊ အနေရခက်တယ်ဆိုမှသာ သတိထားမိကြတော့တယ်။ အဲ့ဒီထဲမှာ သေးငယ်ပေမယ့် လူအတော်များများ သတိထားမိတတ်ကြတဲ့ အနာမျိုးကတော့ cold sore လို့ခေါ်တဲ့ပါးစပ်နာ၊ ပါးစောင်နာတစ်မျိုးပါဘဲ။ အင်္ဂလိပ်လို fever blister လို့လည်း ခေါ်ကြပါသေးတယ်။ အအေးတွေစားလို့၊ ဝမ်းချုပ်လို့အစရှိသဖြင့် အပူကန်လို့ဖြစ်တာဆိုပြီး အပူကန်နာလို့လည်းခေါ်ကြပါတယ်။ မဖြစ်ဖူးတဲ့သူမရှိသလောက်ပါဘဲ။ စာရေးသူအပါအဝင် စာဖတ်ပရိတ်သတ်များလည်း ဖြစ်ခဲ့ဖူကြပါတယ်။ ထမင်းစားတဲ့အခါမှာဘဲဖြစ်ဖြစ်၊ အပူအစပ်စားတဲ့အခါ မှာဘဲဖြစ်ဖြစ် ပါးစပ်မှတဆစ်ဆစ်နဲ့ကိုက်ရာကနေ သတိထားမိတတ်ကြတယ်။ တခါတရံ နေရင်းထိုင်ရင်းနဲ့နာလာလို့ကြည့်လိုက်တော့မှ ပါးစပ်ထဲမှာအဖြူရောင်အနာသေးသေး ပေါက်တတ်ကြတယ်။ သွားဖုံးတွေ၊ လျှာအောက်ပိုင်းတွေမှာလဲ ဖြစ်တတ်ကြတယ်။ တကယ်တော့ ပါးစပ်နာ (cold sore) ဟာ virus ပိုးတစ်မျိုးကြောင့်ဖြစ်ရတာပါ။ ဖြစ်တဲ့ဗိုင်းရပ်စ်ပိုးကို Herpes Simplex လို့ခေါ်ပါတယ်။ type 1 နှင့် type 2 ဆိုပြီး နှစ်မျိုးရှိတဲ့အထဲက ပါးစပ်နာက type 1 ကြောင့် အဖြစ်များပါတယ်။ type 2 ကတော့ လိင်အင်္ဂါနဲ့ ပတ်သက်တဲ့အနာတွေမှာဖြစ်တတ်ပါတယ်။ တခါတရံ type 2 ကြောင့်လည်းပါးစပ်နာဖြစ်တတ်ပေမယ့် အလွန်ရှားပါတယ်။ ရောဂါရာဇဝင်ကိုကြည့်လိုက်ရင် လွန်ခဲ့တဲ့နှစ်ထောင်ပေါင်းများစွာကတည်းက ဒီဗိုင်းရပ်စ်ပိုးဟာရှိခဲ့ပြီးသားပါ။ ရောမခေတ်တုန်းက ဘုရင်ကြီး Tiberius ကတိုင်းပြည်မှာ ပါးစပ်နာပေါက်သူတွေများတဲ့အတွက် နှုတ်ခမ်းချင်းနမ်းတာကို တားမြစ်ခဲ့ဖူးပါတယ်။ ၁၆ရာစုက နာမည်ကြီးခဲ့တဲ့ ရိုမီယိုနဲ့ဂျူးလိယက်ဇာတ်လမ်းမှာလည်း အင်္ဂလိပ်ပြဇာတ်ရေးဆရာ ရှိတ်စပီးယားက ပါးစပ်နာကိုထည့်သွင်းရေးသားခဲ့ပါတယ်။ ဒီလိုရောဂါအစဉ်အလာကြီးမားတဲ့ Hepes simplex ဗိုင်းရပ်စ်ဟာ ဘယ်လိုများကူးစက်တတ်ပါလိမ့်။ အလွယ်ဆုံးနဲ့အရှင်းလင်းဆုံးပြောရမယ်ဆိုရင်တော့ အသားအရေချင်းထိတွေဆက်ဆံမှုမှ ကူးစက်တတ်တယ်လို့ ဆိုရမှာပါ။ ရောဂါပိုးရှိတဲ့အနာတွေနဲ့တိုက်ရိုက်ထိတွေ့ဆက်ဆံခြင်း (သို့) အနာကထွက်တဲ့အရည်တွေနဲ့ ထိတွေမိခြင်း စသည်ဖြင့် ကူးစက်တတ်ပါတယ်။ ရောဂါပိုးရှိတဲ့တဘတ်၊ သွားပွတ်တံ၊ မုတ်ဆိတ်ရိတ်ဓားစသည်တို့ကိုမျှဝေသုံးစွဲခြင်းဖြင့် ကူးစက်တတ်ပါတယ်။တစ်ခါကူး စက်ခြင်းခံရပါက ဗိုင်းရပ်စ်ပိုးကို ခန္ဓာကိုယ်က လုံးဝကင်းစင်အောင်တိုက်ဖျက်ဖို့မဖြစ်နိုင်ဘဲ ခန္ဒာကိုယ်ရဲ့ နာဖ့်ဆဲလ်ထဲမှာဘဲ နေထိုင်ပါတော့တယ်။ ရောဂါဝင်ရောက်ပုံကိုကြည့်ရင် ဗိုင်းရပ်စ်ပိုးဟာ ရှေးဦးစွာ ခန္ဒာကိုယ်ရဲ့ ပေါက်ပြဲနေတဲ့ အရေပြားမှတဆင့်ဝင်ရောက်လာပါတယ်။ အလွန်သေးငယ်တဲ့ အခြစ်ရာ၊ အက်ကွဲကြောင်းငယ်လေးမှတဆင့် ဝင်ရောက်နိုင်စွမ်းရှိပါတယ်။ ဝင်ရောက်လာတဲ့ဗိုင်းရပ်စ်ဟာ အာရုံခံနာဗ်ကြောတစ်လျှောက် ဝင်ရောက်လာပြီး နာဗ်ဆဲလ်ထဲမှာ နေထိုင်ပါတော့တယ်။ ခုခံအားကျဆင်းတဲ့အခါမျိုးမှာ ဗိုင်းရပ်စ်တွေဟာပြန်ကြွလာပြီး ရောဂါလက္ခဏာစတင် ပြသလေ့ရှိပါတယ်။ တခါတရံ ရောဂါလက္ခဏာမပြဘဲ ကူစက်နိုင်စွမ်းရှိပါတယ်။ ဒါကြောင့် လူတစ်ချို့ဟာ ကူးစက်ခံရမှန်းမသိ ကူးစက်ခံရတတ်ပါတယ်။ ဒီလိုကူးစက်နေလို့လည်း လူဦးရေ ရဲ့ ၉၀% ဟာ Herpes simplex virus (HSV) ကူးစက်ခံထားရပြီး ဖြစ်တယ်လို့ဆို့ပါတယ်။ လူတစ်ယောက်ဟာ တစ်နှစ်မှာ ၃ ကြိမ် မှ ၄ ကြိမ်အထိပြန်လည်ပေါ်ပေါက်လာတတ်ပါတယ်။ HSV ကို တွေ့အများဆုံးလက္ခဏာကတော့ ပါးစပ်မှာအနာပေါက်တဲ့ပုံစံမျိုးပါ။ စဖြစ်ဖြစ်ခြင်းပါးစပ်မှာ အရေကြည်ဖု Blister တစ်ခု၊ နှစ်ခု အစရှိသဖြင့် ပေါက်လာတတ်ပါတယ်။ နာကျင်ခြင်းလည်း မရှိတတ်သေးပါဘူး။ သုံးလေးရက်ကြာတဲ့အခါမှာ အရေကြည်ဖုတွေပေါက်သွားပြီး အဖြူရောင်အနာ သေးသေးလေးတွေ အဖြစ်ကျန်ခဲ့ပါတယ်။ တစ်ဆစ်ဆစ်နဲ့ နာကျင်ကိုက်ခဲတတ်ပြီး ထိုအခါမှ သတိထားမိတတ်ပါတယ်။ တခါတရံ နာလွန်းလို့ ပါးကိုအုပ်ပြီးတောင်ကိုက်တတ်ကြပါတယ်။ ပါးစပ်ကိုဟကြည့်ရင်း အဖြူရောင်ပြည်တည်အနာပုံစံ အနာခွက်ခွက်လေးတွေ့ရမယ်။ နှုတ်ခမ်းသား လေးကရောင်ပြီးရဲနေမယ်။ အစားအသောက်စားတဲ့အခါမှာဘဲဖြစ်ဖြစ်၊ အပူအစပ်စားတဲ့အခါမှာဘဲ ဖြစ်ဖြစ် နာတာကစပ်ဖျဉ်းဖျဉ်းနဲ့ပိုသိသာတယ်။ ရောဂါဝင်စမှာဖျားတာ တကိုယ်လုံးညောင်းညာကိုက်ခဲ တာ မလှုပ်ချင်၊ မရှားချင် နုံးချိတာ၊ ခေါင်းကိုက်တာ၊ လည်ချောင်းနာတာ အစရှိသဖြင့် ဖြစ်ပေါ်တတ်ပါ တယ်။ လည်ပင်းကျိတ်တွေ၊ ပေါင်ခြံကျိတ်တွေလည်းဖြစ်တတ်ပါတယ်။ အများအားဖြင့် ပါးစပ်အနာရဲ့ လက္ခဏာတွေဟာ သိသာထင်ရှားတဲ့အတွက် သွေးစစ်၊ ဆီးစစ်တွေလုပ်လေ့မရှိပါဘူး။ ပါးစပ်နာ၊ အပူကန်နာဖြစ်ပါက ဆေးသောက်ရန်မလိုဘဲ သူဘာသာသူပျောက်ကင်းသွားတတ်ပါတယ်။ ပါးစပ်နာသိပ်ဆိုးလာရင် paracetamol, ibuprofen အစရှိတဲ့ အကိုက်အခဲပျောက်ဆေးများ သောက်သုံးနိုင်ပါတယ်။ ထုံဆေးပါတဲ့လိမ်းဆေး (lignocain, prilocain) အစရှိတဲ့လိမ်းဆေးများကို လည်းအနာပေါ်လိမ်းပေးနိုင်ပါတယ်။ steroid ပါတဲ့လိမ်းဆေးများကို တတ်နိုင်သမျှ ရှောင်ကျဉ်သင့်ပါ တယ်။ တခါတရံ ဗိုင်းရပ်စ်ပိုးသတ်ဆေးတွေကို ပေးတတ်ကြပါတယ်။ အနာသက်သာတာ မြန်ဆန်စေ သလို မကြာခဏဖြစ်တတ်ခြင်းကိုလည်း ကာကွယ်ပေးပါတယ်။ အသုံးများတဲ့ ဆေးတွေကတော့ acyclovir, famcyclovir နဲ့ valacyclovir တို့ဖြစ်ကြပါတယ်။ acyclovir 400mg တစ်နေ့သုံးကြိမ် (သို့) famcyclovir 250mg တစ်နေ့သုံးကြိမ် (သို့) valacyclovir 1G တစ်နေ့နှစ်ကြိမ်အစရှိသဖြင့် ပေးနိုင်ပါတယ်။ ဗိုင်းရပ်ပိုးသတ်ဆေးများဟာ ဆရာဝန်ညွှန်ကြားချက်နဲ့သာ သောက်သုံးသင့်ပါတယ်။ ပုံမှန်အားဖြင့် တစ်ပတ်၊ ဆယ်ရက်ပေးရမှာဖြစ်ပေမယ့် မကြာခဏ ပြန်ဖြစ်သူများအတွက် ဆေး dose ကိုလျှော့ပြီး သုံးရက်မှငါးရက်ခန့်ပေးရပါမယ်။ zinc သွပ်ဓာတ် ပါတဲ့ အားဆေးများက ပါးစပ်နာကို လျှင်မြန်စွာ သက်သာစေပါတယ်။ ပျားဝတ်မှုန် (Bee pollen) ဟာ ခုခံအားမြှင့်တတ်ပေးနိုင်တဲ့ သဘာဝ ဆေးစွမ်းကောင်းတစ်လက်ပါ။ အအေးမိတုပ်ကွေးမှာ အသုံးများတဲ့ ဆေးပြောင်းပန်း (Echinacea) ဟာလည်း ပါးစပ်နာသူတွေကို အကျိုးရှိစေပါတယ်။ burplex, Cevit နဲ့ Milk of Magnesia တို့ကလည်း တနည်းတဖုံ အထာက်အကူပေးပါတယ်။ ပျားရည်နဲ့ ရှောက်ရည်ရောသောက်ခြင်းဟာ ချောင်းဆိုး၊ ချွဲကျပ်အတွက်သာမက ပါးစပ်နာအတွက်ပါ အကျိုးရှိတယ်လို့ဆိုပါတယ်။ အစားသောက်အနေအထိုင် ကလည်းအရေးကြီးပါတယ်။ အပူအစပ်စားတာတွေ၊ အက်စစ်ဓာတ်ပါတဲ့အစားအစာတွေဟာ ပိုဆိုးစေ ပါတယ်။ ကော်ဖီ၊ လ္ဘက်ရည်သောက်တာဟာ အနာကိုပိုကြာစေတတ်ပါတယ်။ ဝမ်းချုပ်ခြင်းကို အမျှင်ဓာတ်ပါတဲ့ အစားအသောက်တွေ စားသောက်ခြင်းဖြင့် ကာကွယ်နိုင်ပါတယ်။ ဆားရည်နဲ့ တစ်နေ့ကို နှစ်ကြိမ်၊ သုံးကြိမ်ထိ ပလုတ်ကျင်းခြင်းဟာ နာကျင်ကိုက်ခဲခြင်းကို သိသာစွာသက်သာစေ နိုင်ပါတယ်။ ရောဂါတွေကိုကာကွယ်ရန် အနာလိမ်းတဲ့အခါ လက်အိတ်စွပ်ပြီးလိမ်းသင့်ပါတယ်။ သန့်စင်တဲ့ဂွမ်းစနဲ့သာလိမ်းပေးသင့်ပါတယ်။ အသုံးအဆောင်များ မျှဝေသုံးစွဲခြင်းမှ ရှောင်ကြဉ်သင့်ပါ တယ်။ လက်ဆေးခြင်းဟာ ရောဂါပိုးကာကွယ်ခြင်းအတွက် ကောင်းမွန်တဲ့အလေ့အကျင့်တစ်ခုပါ။ တစ်ကိုယ်ရည်သန့်ရှင်းရေးဟာလည်း ရောဂါပိုးများပျံ့ပွှားရေးအတွက်အရေးကြီးတဲ့အစိတ်အပိုင်း တစ်ခုပါ။ လက်ရှိအချိန်ထိ HSV ဗိုင်းရပ်စ်ကာကွယ်ဆေးကို စမ်းသပ်ထုတ်လုပ်လျှက်ပင်ရှိနေပြီး မကြာမီအချိန်အတွင်းပေါ်ပေါက်လာလိမ့်မယ်လို့ မျှော်လင့်ရပါတယ်။ အားလုံးပါးစပ်နာခြင်းမှ ကင်းဝေးကြပါစေ။

ဒေါက်တာ အေးမင်းထူး
Health Care Journal(13.4.2012)

No comments:

Post a Comment