နွေရာသီနဲ့ အပူ

(၂၁)ရာစုဟာ လူသမိုင်းရဲ့ အပူပြင်းဆုံးကာလတွေလို့ ဆိုရင် မမှားပါဘူး။ ပူပြင်းတဲ့နွေရာသီရောက်တဲ့အခါ အပူနဲ့ ပက်သက်တဲ့ ရာသီပေါ်ရောဂါတွေ ဖြစ်လေ့ရှိပါတယ်။ အပူထုတ်လုပ်မှုများခြင်း(သို့) အပူဆုံးရှုံးမှုမလုံလောက်ခြင်းကြောင့် ခန္ဓာကိုယ်အပူချိန်ကို ပြောင်းလဲစေတယ်။ တကယ်တော့ ပြင်ပအပူချိန် ဘယ်လောက်ပြောင်းပြောင်း ခန္ဓာကိုယ်အပူချိန် ပြောင်းလဲလေ့မရှိဘူး။ ပုံမှန်အားဖြင့် ခန္ဓာကိုယ်အပူချိန်ဟာ 98.6° F (37° C) ရှိပါတယ်။ core temperature ခေါ်တဲ့ ဝမ်းတွင်းအပူချိန်က 100.4° F (38° C) လောက်ထိ ရှိတယ်။ ခန္ဓာကိုယ်အပူချိန်အတက်အကျကို အာရုံခံနာ့ဖ်တွေက ပြုပြင်ပြောင်းလဲပေးပါတယ်။ပြုပြင်ပြောင်းလဲမှုတွေက ဦးနှောက်ရဲ့ သိစိတ်မဲ့ လှုံ့ဆော်မှုတွေက ဖြစ်လာပြီး အရေပြားက လုပ်ဆောင်ပေးတယ်။ အရေပြားရဲ့ အရေးကြီးလုပ်ဆောင်မှုတွေထဲမှာ ရောဂါပိုးမွှားတွေ ကာကွယ်ဖို့နဲ့ အပူထိန်းဖို့က အဓိကဖြစ်တယ်။ 

နေလောင်ဒဏ်က ကာကွယ်ဖို့ အရေပြားရဲ့ melaninဓာတ်က အရေးပါတယ်။ ခရမ်းလွန်ရောင်ခြည်ကို ကာကွယ်ဖို့ နေလောင်တာနဲ့ melaninက ထွက်လာတယ်။ နေပူထဲသွားပါများရင် အသားညိုလာတာ melanin ဓာတ်ကြောင့်ပါ။ အရေပြားပါးတဲ့သူ၊အသားဖြူတဲ့သူတွေမှာ ဒီဓာတ်နည်းတယ်။ အလားတူခန္ဓာကိုယ်ကို အေးမြအောင်လုပ်ဖို့ အရေပြားရဲ့ ချွေးဂလင်းတွေက အရေးကြီးတယ်။ အပူချိန်တက်လာတာနဲ့တပြိုင်နက် ခန္ဓာကိုယ်ကို ချွေးထွက်ပြီး အေးမြအောင်လုပ်ပေးတယ်။  ချွေးထွက်များရင် ရေနဲ့အတူ ဆားဓာတ်တွေလည်း ပါသွားတယ်။ ဒီနေရာမှာ ဆားဓာတ်ဆိုတာ ဆိုဒီယမ်တမျိုးတည်းကို ပြောတာ မဟုတ်ဘူး။ ပိုတက်စီယမ်၊ကလိုရိုက်စတဲ့ ဓာတ်တွေလည်း အကျုံးဝင်တယ်။ 

လူတယောက်ဟာ နေ့စဉ်နေ့တိုင်း ခန္ဓာကိုယ်က ရေ၂လီတာခွဲနီးပါး(2500ml) ဆုံးရှုံးနေပါတယ်။ ဒီထဲမှာ ဆီးကတဆင့်ဆုံးရှုံးတဲ့ ရေပမာဏ 1500 ml လောက်ရှိတယ်။ ဝမ်းကနေရေ 150 ml၊ ချွေးထွက်ရာကနေရေ 350 ml နဲ့ အသက်ရှုရှိုက်ရာက ရေဓာတ် 400 mlလောက် ဆုံးရှုံးနေပါတယ်။ ဆုံးရှုံတာနဲ့ကာမိစေဖို့ ဖြည့်တင်းရတယ်။

ရေဘယ်လောက်သောက်မလဲ။ အလွယ် တွက်ချက်လို့ရပါတယ်။ အရင်ဆုံး မိမိ ခန္ဓာကိုယ်အလေးချိန်(kg)ကို ၂၀နဲ့ မြှောက်ပါ။ ပြီးရင် ၁၅၀၀ထပ်ပေါင်းရင် နေ့စဉ်သောက်ဖို့ လိုအပ်တဲ့ရေပမာဏကို ရရှိမှာဖြစ်ပါတယ်။ ဥပမာ အလေးချိန် ကီလို(၅၀)ရှိတဲ့ လူတယောက်ဟာ ရေ ၂၅၀၀ မီလီလီတာ(2500ml)လောက် နေ့စဉ်သောက်ဖို့လိုအပ်ပါတယ်။ ဒါဟာ ရေသန့်ဗူး ၂ဗူးခွဲနဲ့ ညီမျှပါတယ်။ နွေရာသီအပူလွန်ကဲတဲ့ဒေသတွေမှာ ပုံမှန်ထက် ရေ(၁)လီတာလောက် ပိုသောက်ရဦးမယ်။ ဒါ့ကြောင့် နွေရာသီမှာ တရက်ကို ရေသုံးဗူးခွဲလောက် ဝင်အောင် ဖြည့်တင်းသင့်တယ်။ 

ချွေးထွက်များတာနဲ့ တပြိုင်နက် ဓာတ်ဆားရည် သောက်သင့်တယ်။ ဓာတ်ဆားတထုပ် ထည့်ရမယ့် ပမာဏမတူဘူး။ BPI ဓာတ်ဆာာထုပ်ဆိုရင် ရေ (၁)လီတာနဲ့ ဖျော်ပြီး (၂၄)နာရီအတွင်း ကုန်အောင် သောက်ရတယ်။ သီးစုံဓာတ်ဆားကတော့ အားကစားသမားတွေ အတွက် ပိုသင့်တော်တယ်။ သီးစုံဓာတ်ဆားဖျော်တဲ့အခါ ရေဖန်ခွက်တခွက်စာ(200ml)နဲ့ ရောပြီးဖျော် သောက်ပါ။ ပူပြင်းတဲ့ရာသီကြောင့် ဆားဓာတ်ခမ်းခြောက်သူတွေဟာ BPI ဓာတ်ဆားကိုသာ ဖျော်သောက်ပေးသင့်တယ်။နောက်ပြီး ပူပြင်းတဲ့ဒေသတွေမှာ ရေအေးထက် ရိုးရိုးရေကိုသာ သောက်ပေးသင့်တယ်။

ခန္ဓာကိုယ် အပူတက်လာရင် ဘာလုပ်မလဲ

အပူချိန်၁၀၃ဒီဂရီထက်များရင် ရေခဲဝတ်ကို ညှစ်ပြီး နဖူး၊ချိုင်း၊ပေါင်ခြံ စတဲ့နေရာတွေကို တင်ပေးထားပါ။ တစ်နာရီအတွင်း ခန္ဓာကိုယ်အပူချိန်ကို အနည်းဆုံး ၁၀၂ဒီဂရီရောက်အောင် အမြန်ချပေးရပါမယ်။ အပူတက်နေချိန်မှာ ဆေးပေးတာထက် ပြင်ပအကူအညီနဲ့ အပူချပေးတာမျိုး လုပ်သင့်တယ်။ အရင်ဆုံး အေးတဲ့နေရာခေါ်သွားပါ။ ပြီးရင် လူနာရဲ့ အဝတ်အစားတွေကို ချွတ်ပြီး အအေးပေးပါ။ သတိလစ်နေရင် မျက်နှာကို ဘယ်ဘက်စောင်းပါ။ဦးနှောက်သွေးလျှောက်အောင် ခြေရင်းပိုင်းကို မြှင့်ထားပါ။ လေးနာရီအတွင်း ရေအနည်းဆုံး (၂လီတာ)ဝင်အောင် ဖြည့်ပေးသင့်တယ်။  ရေဓာတ်ဆုံးရှုံးမှုကို ပါးစပ်က မဖြည့်နိုင်ရင် ဒရစ်လိုင်းတင်ဖို့ လိုအပ်ပါတယ်။ အခြေအနေကို (၂၄)နာရီအတွင်း စောင့်ကြည့်ရပါမယ်။ လိုအပ်တဲ့ ရေဓာတ်၊ဆားဓာတ်ကို နောက်ထပ်(၂၄)နာရီထိ ထပ်ဖြည့်ုရပါမယ်။ ပြင်းပြင်းထန်ထန်လှုပ်ရှားခြင်း၊အားကစားလုပ်ခြင်းမှ အနည်းဆုံး (၃)ရက်လောက် ရှောင်ထားသင့်ပါတယ်။ 

ဘယ်လိုကာကွယ်မလဲ

လေအေးပေးစက်တပ်ထားတဲ့ အခန်းမှာနေပါ။ပြင်းပြင်းထန်ထန်လေ့ကျင့်ခြင်းမှ ရှောင်ကြဉ်ပါ။ အရောင်ရင့်တဲ့ အဝတ်အစားတွေထက် ဖျော့တဲ့အရောင်မျိုး ရွေးဝတ်ပါ။

ပေါ့ပါ့းချောင်ချိတဲ့ ချည်ထည်အဝတ်မျိုး ဝတ်ပါ။အပြင်ထွက်ရင် အဆောင်းအကာ တမျိုးမျိုး ယူသွားပါ။ (၃)နှစ်အောက် ကလေးတွေကိုက ကားထဲမှာ အလုံပိတ်မထားခဲ့ပါနဲ့။နေ့ခင်း အလုံပိတိထားတဲ့ကားထဲမှာ ၁၅မိနစ်လောက်နေရုံနဲ့ အပူချိန်ဟာ  ကားတွင်းအပူချိန်ဟာ ၂၇ဒီဂရီကနေ ၄၉ဒီဂရီအထိ တက်လာနိုင်လို့ ဖြစ်ပါတယ်။ နှလုံးရောဂါ၊အတက်ရောဂါရ်ှသူများ အပြင်မထွက်သင့်ဘူး။သက်ကြီးရွယ်အို၊ကလေးသူငယ်တွေကို အထူးဂရုစိုက်သင့်တယ်။

ဒေါက်တာ အေးမင်းထူး

ရတနာပုံသတင်းစာ(၁၆.၃.၁၅)