ဆံပင်အဆုပ်လိုက်ကျွတ်ခြင်း

ဆံပင်အဆုပ်လိုက်ကျွတ်ခြင်းဟာ လူတချို့မှာ တကြိမ်မဟုတ် တကြိမ် ကြုံဖူးကြပါတယ်။ လေ့လာမှုတွေအရ ဆံပင်အဆုပ်လိုက်ကျွတ်ခြင်း(telogen effluvium) ဟာ ဆံပင်ကျွတ်တဲ့ ရောဂါတွေအနက် ဒုတိယအဖြစ်အများဆုံးဖြစ်တယ်။ ဆံပင်ကျွတ်ခြင်းအကြောင်းပြောရင် ဆံသားအခြေမှာ ဆံပင်အမြစ်အိတ်(hair follicle) ဆိုတာရှိပါတယ်။ အဲဒီအမြစ်ကနေ ဆံပင်က ပေါက်ဖွားလာတယ်။ 

ဆံပင်ဟာ ရာသီဥတုလိုက်ပြီး ပြောင်းလဲတတ်ပါတယ်။ အလားတူ ဆံပင်ပေါက်တဲ့ပုံစံဟာလည်း ကြီးထွားတဲ့အဆင့်နဲ့ ရပ်တန့်တဲ့အဆင့်ဆိုပြီး cycle နှစ်ခုက လည်ပတ်နေတယ်။ ကြီးထွားတဲ့အဆင့်ကို anagen phase ခေါ်ပြီး ဆံသားရပ်တန့်တဲ့အဆင့်ကို telogen phase လို့ခေါ်ပါတယ်။ ဆံပင်အဆုပ်လိုက်ကျွတ်ခြင်းဟာ anagen phase ကနေ telogen phase  ပြောင်းလဲသွားလို့ ဖြစ်ပါတယ်။ ဥပမာ စိတ်ဖိစီးမှုတခုခုကြောင့် telogen phase ရောက်သွားတဲ့အခါ ဆံပင်ကြီးထွားမှုရပ်တန့်ပြီး ဆံပင်တွေ အဆုပ်လိုက်ကျွတ်ပါတော့မယ်။ ဒီလိုဖြစ်တာကို telogen effluviumလုိ့ ခေါ်ပါတယ်။ ပုံမှန်အားဖြင့် ဆံပင်အဆုပ်လိုက်ကျွတ်ခြင်းဟာ ၃လလောက်ပဲ ကြာရှည်တတ်တယ်။ အဲထက်ကြာရင် တခြားရောဂါတွေ စဉ်းစားရပါတယ်။

သာမန်လူတယောက်ရဲ့ ဆံပင်ကြီးထွားမှုဟာ အဆင့်(၃)ဆင့်ရှိပါတယ်။ ဗုဒ္ဓဘာသာမှာ သင်ကြားရတဲ့ ပရိစ္ဆသမုဒ်ပတ် စက်ဝိုင်းလို လည်ပတ်နေပါတယ်။ တရားသဘောနဲ့ ရှုရင် ဆံပင်ဟာ အကောင်းဆုံးဥပမာပဲ။ ဖြစ်ပြီးပျက်၊ ပျက်ပြီးဖြစ် ဆိုတဲ့ သဘောကို အခြေခံထားတယ်။ လူတယောက်ဘာဖြစ်လို့ ဆံပင်ပေါက်နေပါသလဲ။ ကြီးထွားတဲ့ အဆင့်ရှိနေလုိ့ပါ။ ဒီအဆင့်ကို anagen stage ခေါ်တယ်။ နောက်အဆင့်တခုက catagen stage ခေါ်ပြီး ဆံပင်ကို ထိန်းသိမ်းတဲ့ အခြေအနေဖြစ်ပါတယ်။ တတိယအဆင့်ကတော့ ကြီးထွားမှု ရပ်တန့်တဲ့ အခြေအနေပါ။ ဆံပင် ပျက်ဆီးတဲ့အခြေအနေလုိ့ ပြောရင်လည်းရပါတယ်။ telogen stage သုိ့ resting stage ရောက်ပြီဆိုတာနဲ့ ဆံပင် ကြီးထွားမှု ရပ်တန့်လာပြီး ဆံပင်အဆုပ်လိုက်ကျွတ်ပါတော့တယ်။ 

ယေဘုယျပြောရရင့ လူတယောက်ဟာ တရက်ကို ပျမ်းမျှ ဆံပင် (၁၀၀)လောက် ပုံမှန်ကျွတ်လေ့ရှိပါတယ်။ အဲဒီပမာဏထက် သုံးဆကျော်လောက်များလာရင်တော့ ပုံမှန်မဟုတ်တော့ဘဲ telogen effluvium ကြောင့် ဖြစ်ဖို့များလာတယ်။

telogen effluvium ဘာ့ကြောင့်ဖြစ်လဲ

သံဓာတ်(iron) ချို့တဲ့ခြင်း၊ သိုလှောင်ထားတဲ့ သံဓာတ်(ferritin)ချို့တဲ့ခြင်း၊ အလွန်အကျွံဝိတ်ချခြင်း၊ အသားဓာတ်နည်းခြင်း၊ စိတ်ဖိစီးမှုနဲ့ ကိုယ်ဝန်ဆောင်ကာလတွေမှာ ချို့တဲ့တတ်ပါတယ်။ အဖျားကြီး၊ အစာအိမ်နာနေစဉ် ကာလတွေမှာလည်း ဒီလိုဆံပင်အထွေးလိုက် ကျွတ်တာမျိုးရှိတတ်ပါတယ်။ဒီအခြေအနေကို acute stressful period လို့ခေါ်ပါတယ်။ ကံကောင်းတာက stressful period ကာလ လွန်မြောက်လာတာနဲ့ ဆံပင်ကျွတ်တာ ရပ်တန့်သွားပါတယ်။

အကယ်၍ ဆံပင်အဆုပ်လိုက်ကျွတ်ခြင်းဟာ သုံးလထက် ပိုဖြစ်ရင် အာဟာရဓာတ်ချို့တဲ့လို့ ဖြစ်နိုင်ပါတယ်။ (၆)ပတ်ကြာတဲ့အထိ ဆံပင်ကျွတ်ခြင်း မသက်သာသေးရင် သွေးစစ်ပြီး အဖြေရှာသင့်ပါတယ်။ ယေဘုယျအားဖြင့်telogen effluvium (ဆံပင်အဆုပ်လိုက်ကျွတ်ခြင်း) ဟာ နောက်ခံရောဂါ အခြေအနေ တခုခုကြောင့် ဖြစ်လေ့ရှိပြီးအဆိုပါအခြေအနေက လွန်မြောက်လာတဲ့အခါ သက်သာသွားတာကြောင့် ရေတိုဖြစ်တဲ့ ရောဂါလက္ခဏာတခုသာ ဖြစ်ပါတယ်။ အကယ်၍ ဆံပင်ကျွတ်ခြင်းဟာ သုံးလထက် ပိုကြာခဲ့ရင် နားလည်တတ်ကျွမ်းတဲ့ ဆရာဝန်နဲ့ တိုင်ပင်ပြီး ကုသမှုခံယူသင့်ပါတယ်။

ဒေါက်တာ အေးမင်းထူး

၃၀.၄.၁၉