အဆီဖုဝက်ခြံ ပျောက်ကင်းအောင်

ဒီရက်ပိုင်း မျက်နှာအဆီဖုလေးတွေ လာပြတဲ့မိန်းကလေးတွေ များတယ်။ ပုံမှန်အားဖြင့် အဆီဖုလေးတွေဟာ အဆီဂလင်းများလို့ (သို့) အဆီဂလင်းတွေကျယ်သူတွေမှာ ပိုတွေ့ရတယ်။ တကယ်တော့ အဆီဂလင်းဆိုတာ အလွန်သေးငယ်တယ်။ မျက်စိနဲ့ မမြင်ရဘူး၊ ဒါပေမယ့် အဆီအိတ်မှာ ဖုန်၊ပိုးမွှား၊ဆဲလ်သေ စတာတွေနဲ့ ပေါင်းစပ်ရင် အဆီဖုလေးတွေဖြစ်လာလိမ့်မယ်။ အဆီဖုလေးတွေက ဝက်ခြံလို ရဲမနေဘူး။ အဖြူရောင်ရှိတယ်။ ဆဲလ်သေတွေပါနေတာမို့ နည်းနည်းမာနိုင်တယ်။ အရွယ်အစားက ၁-၃မီလီမီတာလောက်သာ ရှိတယ်။ အစုလိုက်ဖြစ်တာထက် ဟိုနေရာတကွက် ဒီနေရာတကွက် ဖြစ်တာများတယ်။ 

လူ့အရေပြားမှာ မွှေးညှင်းပေါက်ကိုယ်စီ ရှိကြတယ်။ မွှေးညှင်းပေါက်တွေကိူ pilosebaceous unit လို့ခေါ်ပါတယ်။ မွှေးညှင်းပေါက်တွေမှာ အဆီထွက်စေတဲ့ ဂလင်း(sebaceous gland)တွေနဲ့ ဆက်သွယ်ထားတယ်။ အဆီဂလင်းကနေအရေပြားကို နူးညံ့ချောမွေ့နေစေဖို့ sebum(အဆီ)ကို ထုတ်ရတယ်။ ဝက်ခြံထွက်တဲ့သူတွေရဲ့ ပြဿနာကလည်း ဒီအဆီဂလင်းပါပဲ။ ဟော်မုန်း သို့မဟုတ် စိတ်ဖိစီးမှုတခုခုကြောင့် အဆီဂလင်းက ပိုအလုပ်လုပ်ရတဲ့အခါ အဆီထုတ်လုပ်မှုများလာတယ်။ ဘာဆက်ဖြစ်သလဲ။ အထွက်လမ်းကြောင်းမှာ စတင်ပိတ်ဆို့ပါမယ်။ အဆီနဲ့အတူ အထဲကဆဲလ်သေတွေ အပြင်မထွက်နိုင်ဘူး။ အဲဒီမှာ ဆားဝက်ခြံ (blackhead)နဲ့ အဆီဝက်ခြံ(whitehead ) တွေ စတင်ဖြစ်ပေါ်လာတယ်။ ဒီအဆင့်ကို comedome လို့ခေါ်ပါတယ်။ 

ဝက်ခြံအဆီဖုက အဆီဂလင်းများသူမှာ အဓိကဖြစ်တယ်။ အတွင်းပိုင်းမှာ ပိတ်ဆို့တာမို့ အလုံပိတ်အခန်းလိုဖြစ်နေတယ်။ မြုံနေတဲ့အပိုင်းက လေနဲ့ဓာတ်မပြုနိုင်ဘူး။ အပြင်က အဆီဖုလေးတွေသာ မြင်နေရတယ်။ အဆီဝက်ခြံသဘောကမျက်နှာအဆီပြန်သူ ပိုဖြစ်တယ်။အထူးသဖြင့် နဖူး၊ပါးပြင်၊ မေးစေ့ စတဲ့နေရာတွေမှာ အဆီဝက်ခြံ ထွက်လေ့ရှိတယ်။ သကြား၊ အချိုဓာတ်ကဲတဲ့အစားအစာ၊ဆိုဒါပါတဲ့ ဖျော်ရည်၊ အဆီအဆိမ့်၊ ဆီကြော်စာ စတာတွေကြောင့် ဖြစ်တယ်။အိပ်ရေးပျက်တာ၊  အစားမမှန်တာကနေ ပိုဆိုးစေတယ်။ ဟော်မုန်းအပြောင်းအလဲမှာဖြစ်လေ့ရှိပါတယ်။ အဆီဖုလေးတွေက ပိုးဝင်ရင် ဝက်ခြံအဆင့်ထိ ဖြစ်နိုင်တယ်။ ကြည့်လိုက်ရင် ဘာမှမဟုတ်ပေမယ့် မျက်နှာအလှကို ပျက်စ်ီးစေတယ်။ ကိုယ့်ကိုယ်ကို ယုံကြည်မှုမရှိတော့ဘူး။ အဲလိုမဖြစ်အောင်ဘယ်လိုလုပ်မလဲ။ တဆင့်ချင်းဖော်ပြပေးပါမယ်။ 

(၁) ပထမအဆင့်- မျက်နှာကို တနေ့ နှစ်ကြိမ်သစ်ပါ။ မျက်နှာသစ်ဆပ်ပြာ အပျော့စား သုံးပါ။အထဲမှာအဆီပြန်ခြင်းကိုသက်သာစေတဲ့ retinol ပါရင် ပိုကောင်းတယ်။ retinol ဆိုတာ ဗီတာမင်အေပါတဲ့ ဝက်ခြံပျောက်ဆေးတမျိုးလည်း ဖြစ်တယ်။ ဒါပြင် benzoyl peroxide, sulfur နဲ့ salicylic acid ပါတဲ့ မျက်နှာသစ်ဆေးတွေလည်း ကောင်းတယ်။ မျက်နှာသစ်ဆေးလိမ်းတဲ့အခါ စက်ဝိုင်းပုံ လိမ်းပေးသင့်တယ်။ လိမ်းရင်းနဲ့အပေါ်တဖြည်းဖြည်းတက်သွာံးပါ။ ပြီးရင်စက္ကန့်(၃၀)ကြာအောင် ထားပြီးမှ ရေခပ်နွေးနွေးနဲ့ မျက်နှာသစ်ပါ။ မျက်နှာသစ်ပြီးရင် သန့်စင်တဲ့အဝတ်နဲ့သုတ်ပါ။ပထမအဆင့်ပြီးပါပြီ။

(၂) ဒုတိယအဆင့်- မျက်နှာသစ်ပြီးတိုင်း တိုနာ(toner)ကို ဂွမ်းစနဲ့တို့ပြီး မျက်နှာအနှံ့ လိမ်းပေးသင့်တယ်။ ဒီလိုပြုလုပ်ခြင်းက မျက်နှာပေါ် ဗက်တီးရီးယား၊ဆဲလ်သေ ကင်းစင်စေပြီး အဆီထုတ်လုပ်မှုကို လျှော့နည်းသွားစေမယ်။ တိုနာ(toner) ရွေးချယ်တဲ့အခါ alcohol-free ဖြစ်တာကိုသာ ရွေးချယ်သုံးစွဲရမယ်။ ဒါကို အထူးသတိထားပါ။ အမွှေးရနံ့ပါတာ လုံးဝမသုံးသင့်ဘူး။ antioxidants နဲ့ exfoliants အာနိသင်ပါရင် ပိုကောင်းတယ်။( ဒီအကြောင်းတွေ တိုနာဆောင်းပါးတုန်းက အသေးစိတ်ရေးခဲ့ပြီးဖြစ်ပါတယ်၊ရှာဖတ်ပါ)။ တိုနာသုံးပြီးတဲ့အခါတိုင်း အစိုဓာတ်ထိန်း moisturizer တမျိုးမျိုးထပ်သုံးရမယ်။ moisturizer ရွေးတဲ့အခါ တခြားဘာအာနိသင်မှာမပါတဲ့ အစိုဓာတ်ထိန်းဆေး သီးသန့်သာရွေးချယ်သုံးသင့်တယ်။ moisturizerက တိုနာကြောင့် ဖြစ်လာတဲ့ အသားအရေခြောက်သွေ့ခြင်းကို ကာကွယ်ပေးလိမ့်မယ်။ 

(၃) တတိယအဆင့်- အဆီပြန်တဲ့အသားအရေအတွက်အသုံးဝင်တဲ့ azelaic acid လိုဆေးမျိုးလိမ်းပေးသင့်တယ်။ ဆေးက အဆီဂလင်းထုတ်လုပ်မှုကို တားဆီးပေးမယ်။ ဒါတင်မက ဝက်ခြံကို ဖြစ်ပေါ်စေတဲ့ Proprionobacterium acnes နဲ့Staphylococcus epidermidis ဗက်တီးရီးယားပိုးမွှားတွေကိုပါ ကာကွယ်ပေးမယ်။ ဒီဆေးလိမ်းတဲ့အခါ သတိထားစရာတွေရှိတယ်။  ဆေးက ဆရာဝန်ညွှန်ကြားချက်လိုတယ်။ သုံးစွဲရမယ့် အချိန်ကာလ၊ အတိုင်းအတာ တယောက်နဲ့တယောက် မတူပါ။ ညစဉ်လိမ်းရတယ်။ အပေါ်က ဘာမှထပ်မသုံးရဘူး၊ အသားအရေခြောက်သွေ့တာ၊ အရေပြားကွာတာ ဖြစ်နိုင်တယ်။ ပူစပ်ပူလောင်ရှိတတ်တယ်။ 

• (ဆေးအကြောင်းအသေးစိတ်ကို ဝက်ခြံပျောက်ဆေးများ ဆောင်းပါးhttp://drayeminhtoo.blogspot.com/2015/02/blog-post.html မှာရေးပေးထားပါတယ်)

(၄) စတုတ္ထအဆင့်- ကျားဟော်မုန်း androgen များရင် ဟော်မုန်းညှိတဲ့ဆေးတွေပါ လိုပါတယ်။ ဥပမာ diane-35(cyproterone and ethinyl estradiol)လိုဆေးမျိုးက အဆီပြန်ခြင်းကင်းစေပြီး ဝက်ခြံမထွက်အောင်ကာကွယ်ပေးတယ်။မျက်နှာတပြင်လုံး ဖြစ်သူတွေမှာ ဝက်ခြံပျောက်ဆေး Accutane(isotretinoin) လိုဆေးမျိုးလည်း လိုပါတယ်။ဆေးက ဘေးထွက်ဆိုးကျိုး များလွန်းလို့ အထူးကုဆရာဝန်ရဲ့ညွှန်ကြားမှုအောက်မှာသာ သောက်ရတယ်။ ဆေးအကြောင်းနားလည်တဲ့ ကျွမ်းကျင်တဲ့ဆရာဝန်သာကိုင်ရမယ်။ ဆရာဝန်ရဲ့ အနီးကပ်ကြည့်မှု လိုအပ်ပါတယ်။ကိုယ်ဝန်ဆောင်စဉ် မသုံးသင့်ဘူး။ ခြောက်လအတွင်း ကိုယ်ဝန်လည်း မယူရဘူး၊ ကလေးကို ထိခိုက်စေမယ်။ တခြားဆိုးကျိုးတွေလည်း အများကြီးရှိသေးတယ်။ အသေးစိတ်ကိုhttp://medicineworldmyanmar.blogspot.com/2015/03/acnotinisotretinoin-10-mg.html မှာ ဝင်ဖတ်ပါ။

(၅) ပဉ္စမအဆင့်- ဒါမှမသက်သာရင် နောက်ဆုံးနည်း လေဆာပစ်လို့ရတယ်။ ဒီနည်းကို photodynamic therapy လို့ ခေါ်ပါတယ်။ အရည်တမျိုးလိမ်းပြီး လေဆာကြောင့် အဆီဂလင်းထုတ်လုပ်မှုကို လျှော့နည်းစေတယ်။ အရမ်းကြီးတဲ့အဆီဖုတွေမှာ ဒီနည်းက အကောင်းဆုံးဖြစ်ပါတယ်။ ဒါပေမယ့် ၁၀၀ ရာခိုင်နှုန်းမကောင်းပါ။ ပြန်ပေါ်လာနိုင်သေးတယ်။ အဆီဂလင်းရောင်ရာက ပို ကြီးလာပြီး အဖုအပိန့်ဖြစ်တဲ့အခါ acetic acid လို အက်ဆစ်အပြင်းစားမျုး သုံးခြင်းက အကောင်းဆုံးဖြစ်ပါတယ်။  အဖုအပိန့်ထွက်တဲ့ အရေပြားကို ဆယ်ရက်အတွင်း ကွာကျစေတယ်။ 

ကာကွယ်ခြင်း

မဖြစ်အောင် အစားအသောက်နဲ့ အနေအထိုင် ဂရုစိုက်ရမယ်။ အဆီဖုလေးတွေဟာ  အချိုစားသုံးမှုနဲ့ တိုကိရိုက်အချိုးကျတယ်။ အချိုဓာတ်ကဲတဲ့အစားအစာ၊ နွားနို့၊ထောပတ်၊ ချီးစ် စတာတွေ ရှောင်ပါ။ ကစီဓာတ် တတ်နိုင်သမျှ လျှော့ချပါ ကော်ဖီ၊လက်ဖက်ရည်၊ ဖျော်ရည်မသောက်သင့်ပါ။ ဆီကြော်စာနဲ့ အာလူးကြော် လုံးဝရှောင်ပါ။ နောက်သတိထားရမှာ တခုကအနေအထိုင်ဖြစ်ပါတယ်။ မျက်နှာအဆီဖုရဲ့ ၃၀ ရာခိုင်နှုန်းဟာ နေရောင်နဲ့တိုက်ရိုက်ထိတွေ့မှုကြောင့်ဖြစ်တယ်။ ဒါ့ကြောင့် အပြင်သွားတဲ့အခါ နေလောင်ကာလိမ်းဆေး SPF 30 အထက်ပါတာ ရွေးချယ်ဖို့လိုပါတယ်။ သုိ့သော် နေလောင်ကာတမျိုးတည်းမရသေးဘူး၊ အပေါ်က အစိုဓာတ်ကို ထိန်းပေးမယ့် moisturizer ဆိုတာ တခါထပ်လိမ်းရမယ်။ 

အနှစ်ချုပ်လိုက်ရင် မျက်နှာအဆီဖုတွေကင်းစင်စေဖို့ retinolပါတဲ့ မျက်နှာသစ်ဆေး(Face wash) တမျိုး၊ သန့်စင်တဲ့မျက်နှာသစ်ပဝါ(Clean towel)၊ ဂွမ်း(Cotton balls) တိုနာ(Toner) ၊အစိုဓာတ်ထိန်းဆေး(Oil-free moisturizer) ၊ azelaic acid လိမ်းဆေးတမျိုးမျိုးနဲ့ နေလောင်ကာလိမ်းဆေး( Sunscreen SPF-30) လိုအပ်ပါတယ်။ 

အားလုံးထက် ပိုအရေးကြီးတဲ့အချက်က cosmetic ပစ္စည်းတွေကို သေချာနားမလည်ပဲလျှောက်မဝယ်သင့်ဘူး။ အခန့်မသင့်ရင် အဆီဖုတွေက မပျောက်နိုင်တော့ဘဲ ပိုဆိုးလာတတ်တယ်။ ဒါနဲ့ပက်သတ်လို့ အရေပြားဆရာဝန် Paula Begoun ပြောတာလည်း မှတ်သားချင်စရာ။ 

"ကျွန်တော့် အတွေ့ကြုံအရ ဝက်ခြံ၊အဆီဖုပေါက်သူရဲ့ထက်ဝက်ခန့်ဟာ ကိုယ်နဲ့မတည့်တဲ့ အလှကုန်ပစ္စည်းတွေသုံးစွဲမိရာက ဖြစ်နေကြတယ်။ ဒီတော့ ကျွန်တော်မပါဘဲ Cosmetics ကောင်တာတွေ ခင်ဗျားတို့ ယောင်လို့တောင် ခြေဦးမလှည့်မိစေနဲ့"တဲ့။ 

ကဲ...ဒီတော့ ခင်ဗျားတို့လည်း cosmetic ဝယ်မယ်စိတ်ကူးရင် အရေပြားအကြောင်း အသေးစိတ် နားလည်တဲ့ဆရာဝန်တယောက်ကို အနားခေါ်ပြီးမှသာ ရှော့ပင်ထွက်ကြပေါ့....

ဒေါက်တာ အေးမင်းထူး

၂၉.၅.၁၆