လူ့အရေပြားရဲ့ pH အက်ဆစ်မျှခြေကို လေ့လာခြင်း

လူ့အရေပြားနဲ့မသင့်တော်တဲ့ရေရဲ့pHကို သိချင်လို့ပါဆရာ

pHဆိုတာ ငယ်ငယ်က ဓာတုဗေဒသင်ဖူးသူတိုင်း သိကြတယ်။ pHပမာဏ 0-14 ထိ အဆင့်တွေ ရှိတယ်။ အဆင့်တခုနဲ့တခု ဆယ်ဆစီလောက် ပြင်းအားကွာတယ်။ အဲဒီအဆင့်တွေကို ကြားချလိုက် pH 7 က neutralပဲ။ သန့်စင်တဲ့ရေဆိုတာ pH 7ကိုပြောတာ။ pH 7အောက်နည်းတာတွေက အက်ဆစ်ဓာတ်ကဲပြီး pH7 ထက်များရင် အယ်ကာလီလို့သတ်မှတ်တယ်။ ပုံမှန်လူ့အရေပြားက pH 5 လောက်ရှိလို့ အက်ဆစ်ဓာတ်ကဲတယ်လို့ယေဘုယျမှတ်ပါ။ အတိအကျပြောရင် pH 4.7 ရှိတယ်။ မယုံရင် နည်းနည်းစမ်းကြည့်ပါလား၊ ချဉ်နေတာ တွေ့ရလိမ့်မယ်။ တကယ်တော့ လေထဲမှာပျံ့နေတဲ့ ကာဗွန်ဒိုင်အောက်ဆိုဒ်ဓာတ်ငွေ့ကြောင့် လူ့အရေပြားက အက်ဆစ်ဖက် ကဲနေတာဖြစ်တယ်။

pH နည်းလွန်းတာ၊များလွန်းတာ အရေပြားအတွက် မကောင်းလှဘူး။ pH 3 ထက်နည်းတာနဲ့ အရေပြားကို စတင်ထိခိုက်စေပြီ။တခြားဖက်က ကြည့်ပြန်တော့ pH 8 ထက်များတာကြောင့်လည်း အရေပြားမှာ ဓာတ်မတည့်တာ ဖြစ်နိုင်တယ်။ဥပမာ ရှောက်သီးတလုံးရဲ့ pH က 2.3လောက် ရှိလို့ အက်ဆစ်ဓာတ်ကဲတယ်။ အရေပြားပေါ်နည်းနည်းတင်ပြီးစမ်းကြည့်လိုက်၊ခြောက်သွားတာနဲ့ ယားတာ၊ရဲတက်လာတာ တွေ့လိမ့်မယ်။ နောက်တမျိုးက ဆပ်ပြာပဲ၊ ဆပ်ပြာကတော့ pHက 9 အထက်မှာရှိလို့ အယ်ကာလီပဲ။ အယ်ကာလီတွေက အရေပြားကို ခြောက်သွေ့စေတယ်။ ဒါ့ကြောင့် အရေပြားခြောက်သူ မှာ ဆပ်ပြာသုံးတဲ့အခါ သတိထားခိုင်းတယ်။ ပြောင်းပြန်တွက်ကြည့်ရင်  ခြောက်သွေ့တဲ့အသားအရေမှာ အက်ဆစ်ဓာတ်ပါတဲ့ဆေးတွေပေးရမယ်။ ဥပမာ နှင်းခူနာတွေမှာ အက်ဆစ်ဓာတ်ကဲတဲ့ salicylic acid လိမ်းဆေးတွေက အစိုဓာတ်ကို ထိန်းပေးနေလိမ့်မယ်။ ဒါက ဗဟုသုတအနေနဲ့ပြောတာပါ။ မေးတဲ့သူအနေနဲ့အလွယ်မှတ်ချင်ရင် လူ့အရေပြားနဲ့ မတဲ့တဲ့ pHဆိုတာ 3ထက် နည်းတာတွေနဲ့ pH 8 ထက်များတာတွေ ဖြစ်ပါတယ်။ 

ဒေါက်တာ အေးမင်းထူး

၁၁.၅.၁၅