မေးနှစ်ထပ် ပျောက်နည်း

မေးနှစ်ထပ်ဆိုတာ လည်ပင်းမှာ ရှိတဲ့ အဆီလွှာက အိကျပြီး လျှော့တွဲနေတာကြောင့် ဖြစ်တယ်။ မေးနှစ်ထပ်ဖြစ်သူတွေဟာ ကြည့်ရဆိုးတယ်။ အဆီအဆိမ့်စားသူ၊အဝလွန်သူတွေမှာ အဖြစ်များတယ်။ မေးနှစ်ထပ်အတွက် အလွယ်ဆုံးနည်းက ပီကေဝါးတာနဲ့ နှုတ်ခမ်းစူတာဖြစ်တယ်။ နောက်တနည်းက လိမ်းဆေးတွေ လိမ်းတာ။ လွယ်တယ်။သိပ်မခက်ဘူး။ 

ပထမနည်းက ကြက်ဥ နှစ်လုံးယူပြီး အကာ(အဖြူ)ကို ယူပါ။ ပျားရည်တဇွန်း၊ နွားနို့တဇွန်း၊ ရှောက်သီးအရည်တဇွန်းကို ပက်ပါမင့်ဆီ တဇွန်းနဲ့ ရောပါ။ ပြီးရင်ရောပြီး မေးနှစ်ထပ်ဖြစိတဲ့နေရာကို လိမ်းပြီး နှိပ်ပေးပါ။ နာရီဝက်ထားပြီးရင် ရေခပ်နွေးနွေးနဲ့ ပြန်ဆေးပါ။ နေ့စဉ်လုပ်လို့ရတယ်။ 

နောက်တနည်းက အလှဆီသုံးတဲ့နည်းဖြစ်တယ်။ အလှဆီတဇွန်း၊ Epsom salt ဇွန်းတဝက်ကို ပက်ပါမင့်ဆီ အနည်းငယ်ရောပြီး လိမ်းပေးရတာဖြစ်တယ်။ တပတ်ကို ၃-၅ကြိမ်ထိ လုပ်ပေးနိုင်တယ်။ 

လေ့ကျင့်ခန်းတွေလည်း ရှိဦးမယ်။ တကယ်လည်း ထူးခြားပါတယ်။လေ့ကျင့်ခန်းလုပ်ပြီး နှိပ်ပေးတာလည်း တော်တော်ထိရောက်တယ်။ သဘာဝဆီတမျိုးမျိုးသုံးရတယ်။  နှိပ်တဲ့အခါ  cocoa butter (သို့) သံလွင်ဆီ သုံးရင် ပိုကောင်းတယ်။ လက်မကို မေးစေ့အောက်ထားပြီးနှိပ်ပေးရမယ်။  မေးရိုးကနေ နားရွက်ထိ ဖိပြီး နှိပ်ပေးသင့်တယ်။ ညအိပိရာဝင်ခါနီးတိုင်း လုပ်ပေးရင် ပိုထိရောက်တယ်။ တရက်ကို နေ့စဉ် လက်ဖက်စိမ်းရည်တခွက်သောက်ပေးခြင်းကအဆီချရာမှာသာမက မေးနှစ်ထပ်မဖြစ်အောင် ကာကွယ်ပေးတယ်လို့ ဆိုတယ်။ 

လေ့ကျင့်ခန်း

(၁) jaw extension 

ပါးစပ်ကို တတ်နိုင်သလောက် ဟပါ။ ပြီးရင် အောက်မေးရိုးကို အထက်၊အောက် အဖွင့် အပိတ် ခပ်မြန်မြန်လုပ်ပေးပါ။ တခါလုပ် ၁၅ ခါ တနေ့ သုံးကြိမ် လုပ်ပါ။ 

(၂) fake gem chewing 

 ပါးစပ်ကို ပီကေဝါးသလို ဖွင့်ချီ၊ ပိတ်ချီ လုပ်ပါ။ မေးရိုးကြွက်သားတွေ ညောင်းလာသည်ထိ လုပ်ရမယ်။ တချို့ကလည်း ပီကေဝါးပြီး လေ့ကျင့်ကြတယ်။

(၃) lower lip stretch 

ပါးစပ်ကို ပိတ်ပြီး အောက်နှုတ်ခမ်းကို တတ်နိုင်သမျှ အပေါ်တင်ပါ။ စက္ကန့်(၂၀)ကြာ လုပ်ပါ။ တခါလုပ် ဆယ်ကြိမ်တရက်ကို ငါးကြိမ်ခန့် လုပ်ပါ။ 

(၄) kiss the ceiling 

 ပြင်ညီထိုင်ခုံတလုံးပေါ်ထိုင်ပါ။  မျက်နှာကြက်ကို ခေါင်းမော့ကြည့်ပါ။ ပါးစပ်ကို တတ်နိုင်သလောက် ဟပါ။ ပြီးရင် နှုတ်ခမ်းကို တတ်နိုင်သလောက် စူထားပါ။ စိတ်ထဲက ဆယ်ကြိမ်ရေတွက်ပါ။ တရက်ကို အနည်းဆုံး အကြိမ်သုံးဆယ် လုပ်ပါ။ 

(၅) side neck stretch 

ခါးကို ခပ်မတ်မတ်ထားပြီး ရှေ့ကို တူရှုကြည့်ပါ။ အံကိုတင်းတင်းကြိတ်ပြီး ခေါင်းကို ဘယ်ဖက်စောင်းပါ။ (၁၅) စက္ကန့်ထားပါ။ ပြီးရင် ညာဖက်စောင်းပြီး (၁၅)စက္ကန့်ထားပါ။  ခေါင်းချိုးနေစဉ် လက်ကို သုံးပြီး ဆွဲပါ။ လုပ်နည်းမှန်ရင် မေးကြောတွေတင်းလာတာတွေ့ရမယ်။ ပြီးရင် ခေါင်းကို ရှေ့နောက် တလှည့်စီ ချိုးပါ။ အားတဲ့အချိနိတိုင်း လုပ်ပေးနိုင်တယ်။ 

(၆) slap your chin 

လက်ဖမိုးနဲ့ မေးရိုးကို ဖြည်းဖြည်းနဲ့ မှန်မှန် ရိုက်ပုတ်ပေးပါ။ တရက်ကို အချိန်ရသလောက်လုပ်ပေးရင် အကျိုးရှိတယ်။ 

(၇) rotate your head

ခေါင်းကို ပခုံးနဲ့ကပ်ပြီး နာရီလက်တံအတိုင်း အရင်လှည့်ပါ။ တပတ်ပြည့်ရင် နာရီလက်တံနဲ့ ပြောင်းပြန် ထပ်လှည့်ပါ။ အထက်ပါအတိုင်း တခါလုပ် ဆယ်ကြိမ်၊ တနေ့ကို သုံးခါလုပ်ပါ။ 

ဒေါက်တာ အေးမင်းထူး

၂.၈.၁၆