လက်ကောက်ဝတ် အကြိတ်

 လူတယောက်ဟာ သာမန်နဲ့မတူ အဖုအကြိတ် အလုံးအခဲတွေ နေရာတိုင်းမှာဖြစ်တတ်ပါတယ်။လူကိုဒုက္ခပေးနိုင်တာ ရှိသလို ဒုက္ခမပေးဘဲ သူ့ဘာသာ တည်ရှိတာမျိုးလည်း ဖြစ်နိုင်ပါတယ်။ တခါတရံတော့ သူ့ဘာသာကို ပြန်ပျောက်သွားတတ်တယ်။သို့သော် ပုံမှန်မဟုတ်ဘဲ အဖုအကြိတ်ဖြစ်လာပြီဆိုရင်တော့ အနည်းဆုံး လူတယောက်ကို စိတ်ဒုက္ခပေးတတ်တာ အသေအချာပါ။ တရက်က ဆေးခန်းလာပြနေကျ ဘော်ဒါဆောင်တစ်ခုက ကျောင်းသားလေးတယောက် လက်ကောက်ဝတ်ပိုင်းအပေါ်မှာ အဖုအကြိတ်လုံးလေးတစ်လုံးဖြစ်လို့ လာပြခဲ့တယ်။ လက်ကောက်ဝတ်ကွေးရင်၊ ကော့ရင်နာတယ်။ ကျန်တဲ့အစိတ်အပိုင်းတွေ ကွေးဆန့်ရင် ဘာမှမဖြစ်ဘူး။ အရွယ်အစားက ၂စင်တီမီတာလောက်ရှိမယ်။ စမ်းသပ်ကြည့်ရင် အရိုးနုလိုဘဲ။ မမာသလို မပျော့ဘူး။
ဖိကြည့်ရင် သိပ်မနာဘူး။အရင်တုန်းကလည်း တခါဖြစ်ခဲ့ဘူးတယ်။ သူ့ဘာသာပြန်ပျောက်သွားပြီး အခုနှစ်တော်တော်ကြာမှ တခေါက်ပြန်ဖြစ်တယ်။ သေချာအောင် လက်ကောက်ဝတ်ကို ဓာတ်မှန်ရိုက်ခိုင်းလိုက်တယ်။ ထူးထူးထွေထွေဘာမှ မတွေ့ဘူး။ ဆရာဝန်တွေများ အားရင်ဓာတ်မှန်ရိုက်နေကြတာပဲ ပြောချင်ကြသူတွေရှိတယ်။ပြီးတော့လည်းဘာမှမတွေ့ဘူးဆိုတာမျိုးပေါ့။ ဓာတ်မှန်ရိုက်တာ အခြေနေနှစ်မျိုးကြောင့် ရိုက်ရတာပါ။ ပုံမှန်မဟုတ်တာများ တွေ့မလားဆိုတာက တမျိုး၊ ပုံမှန်ဟုတ်ရဲ့လား ဆိုတာသိချင်လို့တဖုံ ရိုက်ကြည့်တာပါ။ ဓာတ်ခွဲခန်းတွေက referral feeပို့ခအတွက်ပေးတဲ့ အဖိုးအခလိုချင်လို့ မဟုတ်ပါ။ဓာတ်မှန်ကြည့်ပြီးပုံမှန်ဆိုရင် စဉ်းစားစရာရှိတာတွေ ဆက်စဉ်းစားနိုင်ဖို့ လမ်းကြောင်းပေးသလို ဖြစ်လို့ပါ။ အခု လည်း လက်ကောက်ဝတ်ဓာတ်မှန်ရိုက်လို့ ပုံမှန်ဆိုတော့ လူနာအတွက် စိတ်အေးရပါတယ်။ ကုလည်းရ၊ မကုလည်းသိပ်မဆိုးနိုင်ဆိုတဲ့ ganglion cystဆိုတာ ဖြစ်ဖို့ ရာခိုင်နှုန်းများလို့ပါ။ အင်္ဂလိပ်စကားမှာ တိုက်ရိုက်ဘာသာပြန်လို့မရတာတွေ အများသားလား။ ဆေးပညာမှာပိုလို့တောင်ဆိုးသေးတယ်။ အခု လည်း တိုက်ရိုက်ဘာသာပြန်ကြည့်ရင် အာရုံကြောအိတ် ဆိုတာမျိုးပြန်မိရင် မှားလိမ့်မယ်။ တကယ်တမ်းက အရေပြားအောက်တွင်ရှိသော ပုံမှန်မဟုတ်တဲ့ အဖုအကျိတ်လေး ဆိုတာမျိုးက ပိုမိုသင့်တော်ပါလိမ့်မယ်။ ganglion ဆိုတိုင်း အာရုံကြောအဖွဲ့အစည်းကိုသာ ပြေးပြေးမြင်ကြမိတတ်ကြပါတယ်။ ganglion cystကို bible cyst(သို့) bible bumpလို့လည်း ခေါ်ကြသေးတယ်။ဆိုလိုတဲ့ အဓိပ္ပါယ်က သူတို့ဆီမှာ ရှေးယခင်ကာလက ထူထဲတဲ့သမ္မာကျမ်းစာ( bible)နဲ့ ရိုက်တဲ့အခါ ဖြစ်တဲ့အဖုအကျိတ်က ပျောက်ကင်းသွားလို့ ဒီလိုနာမည်တွင်သတဲ့။ ganglion cystဆိုတာ ဘာကြောင့်ဖြစ်မှန်းတိတိကျကျ မသိကြပါ။ ဖြစ်နိုင်တဲ့သီအိုရီတခုက ကြွက်သားမျှင်တွေ ထိခိုက်ဒဏ်ရာရပြီး နောက်ပိုင်း အားနည်းတဲ့ အရွတ်ကြော(သို့) အဆစ်ကိုဖုံးထားတဲ့ အမြှေးပါးနေရာမှာ အဆစ်ရှိအရည်များ ထွက်လာတာမျိုးကြောင့်ဖြစ်နိုင်ပါတယ်။ အဖုအကြိတ်ပေါ်လာရင် တစ်ပတ်နှစ်ပတ်မှ လချီပြီး ကြာတတ်တယ်။  ပြန်ပြန်ဖြစ်တတ်တယ်။တချို့က လုံးဝမနာကျင်ပေမယ့် တချို့ကျ လှုပ်ရှားတဲ့အခါ နာကျင်တယ်။ပုံမှန်အားဖြင့်မသိသာဘဲ လက်ကောက်ဝတ်ကွေးလိုက်မှ ပိုမိုသိသာစေတယ်။ ကွေးလိုက်ရင်နာလာတယ်။ဆယ်ကျော်သက်မှ လူလတ်ပိုင်းတွေမှာ အဖြစ်များတယ်။ အမျိုးသမီးတွေမှာ ပိုမိုတွေ့ရတယ်။အရင်က လက်မှာတနည်းနည်းနဲ့ ထိခိုက်ဒဏ်ရာ ရခဲ့ဖူးမယ်။ အဖုကြိတ်ကတစ်လုံးမကသုံး၊ လေးလုံးစုပြီး ဖြစ်နိုင်ပါတယ်။အဖြစ်များဆုံးနေရာက လက်ကောက်ဝတ် ပတ်ချာလည်ပါ။ လက်ချောင်းတွေမှာလည်း တွေ့ရတတ်တယ်။အခြားအဆစ်တွေမှာတွေ့ရတတ်ပေမယ့် အဖြစ်တော့အင်မတန်နည်းတယ်။ cystတွေဟာ လှုပ်ရင်ရွေ့ပေမယ့် ganglion cystကတော့ မာမာခဲခဲ ရွေ့ရှားမှုမရှိပါ။ အရွယ်အစားအားဖြင့် ၁ စင်တီမီတာမှ ၅ စင်တီမီတာထိရှိနိုင်ပါတယ်။ သိပ်ကြီးလာရင် အဆစ်ရဲ့ရွေ့ရှားမှုကိုပါထိခိုက်တဲ့အတွက် ခွဲထုတ်ရတတ်ပါတယ်။ သာမန်အားဖြင့် အရွယ်အစား၊ ဖြစ်တဲ့နေရာ၊ရောဂါလက္ခဏာအပြင် ဓာတ်မှန်ရိုက်ဖို့လိုတတ်ပါတယ်။ ဓာတ်မှန်ရိုက်ရင်ဘာမှတွေ့မယ်မဟုတ်ပဲ ပုံမှန်သာရှိပါလိမ့်မယ်။ လိုအပ်ရင် အခြားအကြီးစားဓာတ်မှန်ရိုက်ဖို့ လိုကောင်းလိုပါလိမ့်မယ်။  ဒီလိုရောဂါမျိုးဟာ အများအားဖြင့် ဒုက္ခမပေးတဲ့အတွက် စောင့်ကြည့်ရပါတယ်။ဆရာဝန်တွေ ခေါင်းခြောက်ရတဲ့ရောဂါတွေထဲမှာ ဒီလိုဘာမှလုပ်စရာမလိုတဲ့ ရောဂါမျိုးလည်းပါဝင်ပါတယ်။ ပြောခဲ့သလို သူ့ဘာသာကိုက ပြန်ကောင်းတတ်ပါတယ်။ အရေးကြီးဆုံးက လူနာကိုအားပေးရတယ်။ ဘာမှမဖြစ်တာသိပေမယ့် လူနာသိအောင်ရှင်းပေးရတယ်။လက်ကိုလှုပ်ရှားမှု မရှိစေပဲ ကျပ်စီးထားသင့်ပါတယ်။ လှုပ်တာရှားတာ တတ်နိုင်သမျှရှောင်ပေးရမယ်။ ရှေးယခင်ကကဲ့သို့ စာအုပ်ထူနဲ့ဖိရိုက်နှက်ခြင်းမှတော့ ရှောင်ရှားသင့်ပါတယ်။ အကိုက်ခဲပျောက်ဆေးလိမ်းနိုင်တယ်။ သိပ်ပူတာမျိုးလိမ်းပြီး ကျပ်စီးတာမျိုးမလုပ်သင့်ဘူး။ လက်ကောက်ဝတ်အားပြုရတာ တတ်နိုင်သမျှ ရှောင်ကြဉ်ရတယ်။ သက်သာပျောက်ကင်းရင် အားကစားပြန်လုပ်နိုင်တယ်။ ဖြစ်စမှာ အထဲက အရည်ကို စုပ်ထုတ်တာမျိုး လုပ်နိုင်ပါတယ်။ သိပ်ကြာပြီးခဲသွားရင် စုပ်ဖို့မလွယ်ပါ။ ganglion cystက ပိုကြီးလာပြီး ဆက်တိုက်နာကျင်လာရင် ထုံဆေးပေးပြီး ခွဲထုတ်ရပါတယ်။ အရည်ကိုဖုံးလွှမ်းထားတဲ့ အမြှေးပါးသာမက ရိုးတံကိုပါ ဖယ်ရှားပြစ်ရတယ်။cystရဲ့ သဘောကိုက ပြန်ဖြစ်တတ်ပါတယ်။ နောက်ပိုင်းပြန်ဖြစ်တဲ့အခါ အဖြစ်မြန်သလို အပျောက်လည်းမြန်လို့ စိုးရိမ်စရာမရှိပါ။ အဖုအကျိတ်ဖြစ်တိုင်း ဆရာဝန်နဲ့ ပြသတိုင်ပင်ဖို့တော့ လိုအပ်ပါလိမ့်မယ်။ ရောဂါတိုင်း၊ ပုံမှန်မဟုတ်တိုင်းတော့ တွေးတောပြီး ကြောက်လန့်နေမယ့်အစား ဆရာဝန်နဲ့ သေချာပြပြီး စမ်းသပ်စစ်ဆေးမှုပြုလုပ်သင့်ပါတယ်။

ဒေါက်တာ အေးမင်းထူး

Health Care Journal(30.11.12)